Mɛsɛ́dó 7:41 - MAWUXÓWÉMA

⁴¹ Énɛ́ ɔ́, yě bló nyibúví ɖokpó hwenɛ́nu, bó jɛ vɔ̌sánú xwlé e jí, bɔ nǔ e yě ɖésú sɔ́ alɔ dó bló ná ɔ́, nyí awǎjijɛnú nú yě.

Mɛsɛ́dó 7:41 Iomraidhean Croise

Nɛɛmíi 9:18

Yě sínsín gan bo dó bló nyibúví ná, bó sú xó bo ɖɔ: ‘Mawu mǐtɔn ɖíe! É wɛ ɖe mǐ sín kannumɔgbénu ɖo Ejípu.’ Yě nylá jijɔ dódó!

Ozée 9:1

Izlayɛ́linu lɛ́ɛ mi, mi ma xaji ɖu xwe bo j'awǎ togun ɖě lɛ́ɛ ɖɔhun ó, ɖó mi lɛ aga bó ɖo zɔ nú nyɛ Mawu mitɔn ɔ́. Đó mi ɖo akwɛ́ kwíji kwíji gbé mɛ, bó nɔ́ ɖo aga lɛ wɛ gbɔn kɔ́xota kɔ́xota fí e è nɔ só jinukún ɖe lɛ́ɛ bǐ.

Ozée 9:10

Mawu Mavɔmavɔ ɖɔ: “Đ'ayǐ xóxó ɔ́, un mɔ Izlayɛ́linu lɛ́ɛ, yě cí vǐwun e ɖo gbětótló mɛ é ɖɔhun. Un mɔ tɔ́gbó mitɔn lɛ́ɛ, yě cí fígi sín sínsɛ́n nukɔntɔn lɛ́ɛ ɖɔhun. Lo ɔ́, ée yě jɛ Baalu-Peɔ́ɔ tlóló ɔ́, yě jɛ vodún Baalu sɛn jí, bó jó yěɖée dó nú vodún hɛ̌n, bɔ yě kpó asú yětɔn vodún ɔ́ kpó bǐ húzú nǔ gbɛ́hɛn.

Nǔɖexlɛ́mɛ 9:20

Gbɛtɔ́ e kpo bɔ nǔ nyanya énɛ́ lɛ́ɛ ma hu ǎ lɛ́ɛ lɛ́ kɔ sín nǔ e yě sɔ́ alɔ yě ɖésúnɔ tɔn dó bló ná lɛ́ɛ sinsɛn gúdo ǎ. Yě nɔ gɔn yɛ nyanya lɛ́ɛ sɛn ǎ; yě ka nɔ gɔn vodún e è sɔ́ siká dó bló ná lɛ́ɛ, ée è sɔ́ kpatágan dó bló ná lɛ́ɛ, ée è sɔ́ ganvɔ dó bló ná lɛ́ɛ, ée è sɔ́ awǐnnya dó bló ná lɛ́ɛ kpó ée è sɔ́ atín dó bló ná lɛ́ɛ kpán sɛn ǎ; nǔ énɛ́ lɛ́ɛ ka sixú mɔ nukúnnú ǎ; yě ka sixú se tónú ǎ; yě ka sixú ɖi zɔnlin ǎ.