Mɛsɛ́dó 7:4 - MAWUXÓWÉMA

⁴ Nǔgbó ɔ́, Ablaxámu gosín Kaludéenu lɛ́ɛ tomɛ, bó wá sá xwé dó Haláani; ée tɔ́ tɔn kú gúdo ɔ́, Mawu ɖe e sín fínɛ́, bó sɔ́ ɛ wá to e mɛ mi ɖe din é mɛ.

Mɛsɛ́dó 7:4 Iomraidhean Croise

Bǐbɛ́mɛ 15:7

Mawu Mavɔmavɔ lɛ́ ɖɔ nú Ablámu ɖɔ: “Nyɛ wɛ nyí Mawu Mavɔmavɔ e ɖe we tɔ́n sín Wúu, ɖo Kaludée é. Un ná ná to élɔ́ e mɛ a ɖe ɔ́ we, bɔ é ná nyí towe.”

Ezayíi 41:2

Nya ɖé ɖo zǎnzǎnhwe jí bó jɛ ali; é gbɔn fí ɖěbǔ ɔ́, é nɔ́ ɖu ɖ'é jí. Mɛ̌ ká sɛ́ ɛ dó? Mɛ̌ wɛ nɔ jó togun lɛ́ɛ n'i? Mɛ̌ wɛ nɔ zé axɔ́sú lɛ́ɛ ɖó acɛ tɔn mɛ? Hwǐ tɔn nɔ́ vúnvún yě, bɔ gǎ tɔn nɔ́ gba yě dó, jɔhɔn dó alɔ nǔywɛ́ mɛ ɖɔhun.

Ezayíi 41:9

Hwi mɛ e un ylɔ́ sín káká fí e gbɛ ɔ́ kponu ɖó ɔ́, hwi mɛ e un ylɔ́ sín to ɖé má yá to ɖé mɛ ɔ́, hwi wɛ un ɖɔ ná ɖɔ: ‘Éeǒ, un jó we dó ǎ; é nyɔ́ wa ɔ́, hwi wɛ un sɔ́; hwi wɛ nyí mɛsɛntɔ́ ce.’