Mɛsɛ́dó 6:9 - MAWUXÓWÉMA

⁹ Jwifu ɖé lɛ́ɛ ka gosín kplɔ́ngbasá e è nɔ ylɔ́ ɖɔ “Kannumɔ e jɛ yěɖée sí lɛ́ɛ tɔn é” bó wá, bó jɛ nǔ dɔn xá Etyɛ́ni jí; to vovo mɛ wɛ Jwifu énɛ́ lɛ́ɛ gosín; mɛ ɖě gosín Silenɛ́ɛ, Alɛsándli, Silisíi kpódó Azíi yíkúngban jí kpó.

Mɛsɛ́dó 6:9 Iomraidhean Croise

Matíe 10:17

Mi cɔ́ miɖée dó gbɛtɔ́ lɛ́ɛ wú, ɖó yě ná wá dɔn mi yi hwɛ nukɔn, bo na wá ɖɔ hwɛ xá mi, lobo ná ɖó bǎ nú mi ɖo kplɔ́ngbasá yětɔn lɛ́ɛ.

Matíe 23:34

Énɛ́ ɔ́ wútu ɔ́, mi ɖótó bó se: ‘Un ná sɛ́ gbeyíɖɔ lɛ́ɛ dó mi, bó ná sɛ́ nǔnywɛ́tɔ́ lɛ́ɛ kpódó sɛ́nkplɔ́nmɛtɔ́ lɛ́ɛ kpó dó mi. Mi ná hu mɛ ɖě, bó ná ká mɛ ɖě nyi aklúzu jí, bó ná zé lanbá dó xo mɛɖé lɛ́ɛ ná ɖo kplɔ́ngbasá mitɔn lɛ́ɛ. Mi ná dó ya nú yě gbɔn toxo ɖaxó ɖaxó lɛ́ɛ mɛ.’

Matíe 27:32

Ée yě tɔ́n sín toxo ɔ́ mɛ ɔ́, yě kpé Silenɛ́ɛnu ɖokpó, bɔ è nɔ ylɔ́ ɛ ɖɔ Sinmɔ́ɔ. Sɔ́ja lɛ́ɛ hú gǎn ɛ, bó ɖíɖá ɛ aklúzu Jezu tɔn.

Maki 13:9

“Amɔ̌, midɛɛ lɛ́ɛ ɔ́, mi hɛn ayi mitɔn, bó nɔ acéjí, ɖó yě ná wá dó tagba nú mi, bó ná nɔ́ kplá mi yi hwɛ nukɔn; yě ná nɔ́ xo mi ɖo kplɔ́ngbasá lɛ́ɛ, yě ná nɔ́ kplá mi yi axɔ́sú lɛ́ɛ kpódó tokpɔngán lɛ́ɛ kpó nukɔn, ɖó nyɛ wú, bónú mi ná nɔ́ ɖe kúnnu nú mì ɖo nukɔn yětɔn.

Luki 21:12

“Amɔ̌, cóbónú nǔ énɛ́ lɛ́ɛ ná jɛ ɔ́, alɔ ná jɛ mi wú, bɔ è nǎ dó ya nú mi, bó ná dɔn mi yi kplɔ́ngbasá Jwifu lɛ́ɛ tɔn, bó ná sɔ́ mi dó gankpá mɛ; è nǎ ylɔ́ hwɛ mi ɖo axɔ́sú lɛ́ɛ kpódó tokpɔngán lɛ́ɛ kpó nukɔn, ɖó nyɛ wú.

Mɛsɛ́dó 11:20

Amɔ̌, Cíplunu kpódó Silenɛ́ɛnu ɖé lɛ́ɛ kpán ka ɖo yě mɛ, bɔ hwenu e yě yi Antyɔ́ci ɔ́, yě jɛ Wɛn Ɖagbe Aklúnɔ Jezu tɔn sín xó jlá Glɛ̌sinu lɛ́ɛ lɔmɔ̌ jí.

Mɛsɛ́dó 13:1

Đo mɛ e ɖi nǔ nú Jezu lɛ́ɛ sín agun e ɖo Antyɔ́ci ɔ́ mɛ ɔ́, è nɔ mɔ gbeyíɖɔ Mawu tɔn lɛ́ɛ, kpódó nǔkplɔ́nmɛtɔ́ lɛ́ɛ kpó: Baanabási, Simɛ́nyɔ́ɔ e è nɔ ylɔ́ ɖɔ Mɛwi é, Lusiwúsi Silenɛ́ɛnu ɔ́, Manayɛnu e Elódu tokpɔngán ɔ́ sín mɛ lɛ́ɛ hɛn, bɔ é kpó é kpó nɔ kpɔ́ bó su é, kpódó Sólu kpán.

Mɛsɛ́dó 13:45

Ée Jwifu lɛ́ɛ mɔ lě e mɛ lɛ́ɛ sukpɔ́ sɔ ɔ́, wǔhwinhwan gɔ́ ayi yětɔn mɛ, bɔ yě nɔ́ mɔ xó vo ɖɔ dó Pɔ́lu sín xó wú, bó nɔ zun i.

Mɛsɛ́dó 15:23

Yě bló wěma ɖokpó dó así nú yě, bó ɖɔ dó wéma ɔ́ mɛ ɖɔ: “Mǐ nɔví mitɔn mɛsɛ́dó lɛ́ɛ, kpódó agunnukɔntɔ́ lɛ́ɛ kpán dó gbe sɛ́ dó mi mɛ e má nyí Jwifu ǎ, bó ka nyí nɔví mǐtɔn ɖo Klísu mɛ, bó ɖo Antyɔ́ci, bó ɖo tokpɔn Silíi tɔn kpódó Silisíi tɔn kpó mɛ lɛ́ɛ.

Mɛsɛ́dó 15:41

É gbɔn Silíi gbé jí, bó gbɔn Silisíi gbé jí, bó dó wǔsyɛ́n lanmɛ nú agun Klísu tɔn lɛ́ɛ.

Mɛsɛ́dó 16:6

Yɛsinsɛn ka lɔn nú Pɔ́lu kpódó Silási kpó ní jlá Mawuxó ɖo Azíi gbé jí ǎ, énɛ́ ɔ́, yě dín gbɔn Flijíi gbé jí, bó dín gbɔn Galati gbé jí.

Mɛsɛ́dó 18:24

Nya Jwifu ɖé tíin, bɔ è ji i ɖo Alɛsándli; è nɔ ylɔ́ ɛ ɖɔ Apolosu; nya énɛ́ wá Efɛ́zi; é nyɔ́ xó ɖɔ, lobo tunwun Mawuxó ɔ́ ganjí.

Mɛsɛ́dó 19:10

Nǔ nyí mɔ̌ xɔ xwe we, káká bɔ mɛ e ɖo Azíi gbé jí lɛ́ɛ bǐ: Jwifu lɛ́ɛ kpódó mɛ e ma nyí Jwifu ǎ lɛ́ɛ kpán se Aklúnɔxó ɔ́.

Mɛsɛ́dó 19:26

Mi ka ɖo nǔ e dó sin wɛ nya Pɔ́lu énɛ́ ɖe ɔ́ mɔ wɛ, bó ɖo sise wɛ: é sɔ́ xó tɔn dó gblé tamɛ nú mɛ gěgé; ényí Efɛ́zi fí kɛ́ɖɛ́ wɛ ǎ, ɖibla gbɔn Azíi gbé ɔ́ bǐ jǐ wɛ, ɖó é nɔ́ ɖo ɖiɖɔ nú mɛ lɛ́ɛ wɛ ɖɔ nǔmɛsɛn e mǐ nɔ́ sɔ́ alɔ dó bló ná lɛ́ɛ kún nyí nǔ è nǎ sɛn ɖé ó.

Mɛsɛ́dó 21:27

Azǎn tɛ́nwe lɛ́ɛ wɛ ɖo ná vɔ wɛ kɛ́ɖɛ́, bɔ Jwifu Azíi gbé jí tɔn lɛ́ɛ wá mɔ Pɔ́lu ɖo sinsɛnxɔ ɔ́ mɛ, bó fɔ́n togun ɔ́ bǐ dó jǐ tɔn, lobo wlí i.

Mɛsɛ́dó 21:39

Pɔ́lu ka yí gbe n'i ɖɔ: “Jwifu wɛ nú mì; è ji mì ɖo Táasi ɖo Silisíi yíkúngban jí: to nukúnɖéjí ɖé sín vǐ wɛ un nyí; kɛnklɛ́n ná gbe mì, nú má ɖɔ xó nú togun ɔ́.”

Mɛsɛ́dó 22:19

Un ka yí gbe ɖɔ jí: ‘Aklúnɔ, yě ka tunwun ganjí ɖ'ayǐ ɖɔ un ko nɔ gbɔn kplɔ́ngbasá lɛ́ɛ, bó nɔ́ zɔ́n bɔ è nɔ wlí mɛ e nɔ ɖi nǔ nú we lɛ́ɛ dó gankpá mɛ, bó nɔ́ xo yě.

Mɛsɛ́dó 22:3

“Jwifu wɛ nú mì; Táasi wɛ è ji mì ɖe, ɖo Silisíi gbé jí, Jeluzalɛ́mu fí wɛ un nɔ bo su; Gamaliyɛ́li wɛ nyí mɛ̌si ce; é kplɔ́n lě e è ɖǒ ná nyi tɔ́gbó mǐtɔn lɛ́ɛ sín sɛ́n gbɔn é mì céɖécéɖé. Un nɔ jɛ hun dó Mawu jǐ, lě e mi lɔ ɖo hun jɛ dó jǐ tɔn gbɔn wɛ éhɔ́nmɛ din é.

Mɛsɛ́dó 23:34

Tokpɔngán ɔ́ ka xa wěma ɔ́, bó kan tokpɔn e mɛ nu Pɔ́lu nyí ɔ́ byɔ́. Ée é se ɖɔ Silisíinu wɛ é nyí ɔ́,

Mɛsɛ́dó 24:18

Nǔ énɛ́ ɔ́ kɔn wɛ un ɖe ɖo sinsɛnxɔ mɛ, bɔ Jwifu lɛ́ɛ wá mɔ mì; un ko slá wǔ nɛ́; ahwan ɖé ɖo fínɛ́ ǎ; zǐngídi ɖé ka tíin ǎ,

Mɛsɛ́dó 26:11

Hwɛhwɛ wɛ un nɔ dɔn tó nú yě gbɔn kplɔ́ngbasá Jwifu lɛ́ɛ tɔn bǐ; un nɔ zín yě jí ɖɔ yě ní nylá nu dó Mawu wú; xomɛ yětɔn nɔ sin mì ɖaxó, bɔ un nɔ hun káká yi to ɖěvo lɛ́ɛ mɛ, bó nɔ yi dó ya nú yě.

Mɛsɛ́dó 6:10

Lo ɔ́, yě nɔ́ sixú nɔ te Etyɛ́ni nukɔn ǎ, ɖó é nɔ́ ɖo xó ɖɔ wɛ kpódó nǔnywɛ́ e Yɛsinsɛn ná ɛ ɔ́ kpó.

1 Kɔlɛ́ntinu 1:20

Ényí nǔ nyí mɔ̌ ɔ́, ani wɛ nǔnywɛ́tɔ́, abǐ wěmasetɔ́, abǐ xóɖɔdóxówútɔ́ gbɛmɛ fí tɔn lɛ́ɛ sɔ́ sixú lɛ́ ɖɔ? Mawu ɖe xlɛ́ ɖɔ nǔnywɛ́ gbɛmɛ fí tɔn ɔ́, xlojijɔ wɛ é nyí.

Galatinu 1:21

Énɛ́ ɔ́ gúdo ɔ́, un yi Silíi, kpódó Silisíi kpán gbé jí.