Mɛsɛ́dó 6:5 - MAWUXÓWÉMA

⁵ Xó énɛ́ nyɔ́ agun ɔ́ bǐ nukún mɛ, bɔ yě cyán mɛ tɛ́nwe élɔ́ lɛ́ɛ: Etyɛ́ni, nya nǔɖitɔ́ titewungbe ɖé wɛ, bɔ Yɛsinsɛn gɔ́ ayi mɛ n'i; Filípu kpó Plokɔ́ɔ kpó, Nikanɔ́ɔ kpó Timɔ́ɔ kpó, Pamɛnási kpódó Nikoláa Antyɔ́cinu e ko byɔ́ Jwifu lɛ́ɛ sín sinsɛn mɛ ɖ'ayǐ ɔ́ kpán.

Mɛsɛ́dó 6:5 Iomraidhean Croise

Bǐbɛ́mɛ 41:37

Xó énɛ́ e Jozɛ́fu ɖɔ ɔ́ nyɔ́ axɔ́sú ɔ́ kpódó gǎn hɔn-yitɔ́ tɔn lɛ́ɛ bǐ kpó nukún mɛ.

Nǔnywɛ́xó 15:1

È sɔ́ gbe fífá dó ná xósin mɛ ɔ́, xomɛ nɔ fá; è ka kán gbe nú mɛ ɔ́, xomɛsin ɔ́ ɖě nɔ́ jɛ ɖě jí.

Nǔnywɛ́xó 15:23

Xósin ɖagbe tɔ́n sín gbɛtɔ́ nu mɛ ɔ́, xomɛ nɔ hun i. È ɖɔ xó nú é jɛ gan ɔ́, é nɔ́ nyɔ́ tawun!

Micée 3:8

Amɔ̌, nyɛ ɔ́, Mawu Mavɔmavɔ ná hlɔ̌nhlɔ́n tɔn mì; é ná Yɛ tɔn mì; é ná mì nǔjlɔ́jlɔ́wiwa, bó ná mì, bɔ un ná dó sixú ɖe gbejímánɔ kpódó gǔfínfɔ́n Izlayɛ́li ví lɛ́ɛ tɔn kpó gba.

Matíe 23:15

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpán, yɛmɛnúwatɔ́ e mi! Mi nɔ kán wezun gbɔn agě kpó tɔ kpó, bónú mɛ ɖokpó géé ná sixú byɔ́ sinsɛn mitɔn mɛ. Ényí mi ka yi mɔ mɛɖé, bónú é yí gbe, bó xwedó mi ɔ́, mi nɔ bló, bɔ é nɔ húzú zojimací sín vǐ azɔn we hú midɛɛ lɛ́ɛ.

Mɛsɛ́dó 11:19

Yadónúmɛ e tíin hwenu e è hu Etyɛ́ni ɔ́ zɔ́n bɔ mɛ e ɖi nǔ nú Jezu lɛ́ɛ gbadó. Mɛ ɖé lɛ́ɛ ɖo yě mɛ, bó hun káká yi Fenisíi; mɛɖé lɛ́ɛ yi to e ɖo tɔ tɛ́ntin bɔ è nɔ ylɔ́ ɖɔ Cíplu ɔ́ mɛ; mɛ ɖě ka yi to e è nɔ ylɔ́ ɖɔ Antyɔ́ci ɔ́ mɛ; lo ɔ́, Jwifu lɛ́ɛ kɛ́ɖɛ́ wɛ yě nɔ́ jlá Mawuxó ɔ́ ná.

Mɛsɛ́dó 11:20

Amɔ̌, Cíplunu kpódó Silenɛ́ɛnu ɖé lɛ́ɛ kpán ka ɖo yě mɛ, bɔ hwenu e yě yi Antyɔ́ci ɔ́, yě jɛ Wɛn Ɖagbe Aklúnɔ Jezu tɔn sín xó jlá Glɛ̌sinu lɛ́ɛ lɔmɔ̌ jí.

Mɛsɛ́dó 11:22

Nǔ énɛ́ wá yi jɛ tó mɛ nú agun Jezu tɔn e ɖo Jeluzalɛ́mu ɔ́, bɔ yě sɛ́ Baanabási dó Antyɔ́ci.

Mɛsɛ́dó 11:24

Đó Banabási ɔ́, ɖagbewatɔ́ wɛ, bɔ Yɛsinsɛn kpódó nǔɖiɖi kpán gɔ́ ayi tɔn mɛ, bɔ mɛ gěgé lɛ́ jɛ Aklúnɔ sín ali jí.

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 11:27

Hwe énɛ́ nu ɔ́, gbeyíɖɔ Mawu tɔn ɖé lɛ́ɛ gosín Jeluzalɛ́mu, bó yi Antyɔ́ci.

Mɛsɛ́dó 13:1

Đo mɛ e ɖi nǔ nú Jezu lɛ́ɛ sín agun e ɖo Antyɔ́ci ɔ́ mɛ ɔ́, è nɔ mɔ gbeyíɖɔ Mawu tɔn lɛ́ɛ, kpódó nǔkplɔ́nmɛtɔ́ lɛ́ɛ kpó: Baanabási, Simɛ́nyɔ́ɔ e è nɔ ylɔ́ ɖɔ Mɛwi é, Lusiwúsi Silenɛ́ɛnu ɔ́, Manayɛnu e Elódu tokpɔngán ɔ́ sín mɛ lɛ́ɛ hɛn, bɔ é kpó é kpó nɔ kpɔ́ bó su é, kpódó Sólu kpán.

Mɛsɛ́dó 15:22

Énɛ́ gúdo ɔ́, mɛsɛ́dó lɛ́ɛ kpódó agunnukɔntɔ́ lɛ́ɛ kpán, kpódó agun nǔɖitɔ́ lɛ́ɛ tɔn ɔ́ bǐ sésé kpán ɖó gbe kpɔ́, bó ɖe mɛɖé lɛ́ɛ ɖo yěɖée mɛ, bó sɛ́ yě dó Antyɔ́ci, yě kpó Pɔ́lu kpó, kpó Baanabási kpó; mɛ énɛ́ lɛ́ɛ wɛ nyí Judási e è sun nyǐ ɖɔ Baasabási é kpódó Silási kpán; gbɛtɔ́ nukúnɖéjí wɛ yě nyǐ, ɖo nɔví ɖo Klísu mɛ lɛ́ɛ mɛ.

Mɛsɛ́dó 2:4

Yɛsinsɛn gɔ́ ayi mɛ nú yě, bɔ yě jɛ gbe alɔkpa alɔkpa dó jí, lě e Yɛsinsɛn ɔ́ ná ɖɔ yě ní ɖɔ gbɔn é.

Mɛsɛ́dó 21:8

Ayǐhɔ́ngbe tɔn ɔ́, mǐ yi Sezalée, bó jɛ Filípu Wɛn Ɖagbejlátɔ́ ɔ́ xwé, bó nɔ fínɛ́. Filípu énɛ́ ɖo mɛ tɛ́nwe e è cyán ɖo Jeluzalɛ́mu lɛ́ɛ mɛ.

Mɛsɛ́dó 22:20

Hwenu e è ɖo kúnnuɖetɔ́ towe Etyɛ́ni hu wɛ ɔ́, nyɛ lɔ ɖo fínɛ́, bó yí gbe ná; nyɛ wɛ tlɛ yí mɛ e hu i lɛ́ɛ sín awu hɛn.’

Mɛsɛ́dó 6:10

Lo ɔ́, yě nɔ́ sixú nɔ te Etyɛ́ni nukɔn ǎ, ɖó é nɔ́ ɖo xó ɖɔ wɛ kpódó nǔnywɛ́ e Yɛsinsɛn ná ɛ ɔ́ kpó.

Mɛsɛ́dó 6:3

Énɛ́ ɔ́ wú ɔ́, nɔví ce lɛ́ɛ mi, mi gbɔ bo kpɔ́n miɖée mɛ, bó cyán súnnu tɛ́nwe e ɖó jijɔ ɖagbe, bɔ Yɛsinsɛn kpó nǔnywɛ́ kpó gɔ́ ayi mɛ ná lɛ́ɛ é, bónú mǐ ná sɔ́ yě ɖó azɔ̌ énɛ́ ɔ́ nu.

Mɛsɛ́dó 6:8

Mawu tún acɛ dó Etyɛ́ni jí, bó ná ɛ hlɔ̌nhlɔ́n, bɔ é nɔ́ ɖo nǔdábaɖa ɖe tɔ́n wɛ, bó nɔ́ ɖo nǔ ɖaxó ɖaxó lɛ́ɛ jlɛ́ wɛ ɖo togun ɔ́ tɛ́ntin.

Mɛsɛ́dó 7:1

Vɔ̌sánú-xwlémawutɔ́ ɖaxó ɔ́ kanbyɔ́ Etyɛ́ni ɖɔ: “Nǔ nyí mɔ̌ nǔgbó a?”

Nǔɖexlɛ́mɛ 2:15

Mɔ̌ ɖokpó ɔ́, mɛ e nɔ tɛ́ dó nǔkplɔ́nmɛ Nikoláa gbɛ́ta lɛ́ɛ tɔn wú lɛ́ɛ lɔ ɖo mi mɛ.

Nǔɖexlɛ́mɛ 2:6

É ka ɖo mɔ̌ có, nǔ élɔ́ e a nɔ bló ɔ́ nyɔ́ nú we: a gbɛ́ wǎn nú nǔ e Nikoláa gbɛ́ta lɛ́ɛ nɔ wa lɛ́ɛ é, lě e un gbɛ́ wǎn ná gbɔn é.