Mɛsɛ́dó 6:4 - MAWUXÓWÉMA

⁴ Énɛ́ ɔ́, mǐdɛɛ lɛ́ɛ ɔ́, mǐ ná kpé nukún dó ɖɛxixo kpódó Mawuxó jlájlá kpó wú.”

Mɛsɛ́dó 6:4 Iomraidhean Croise

Luki 1:23

Ée azǎn nabí e Zakalíi ɖó ná wa azɔ̌ ɔ́ ná ɖo sinsɛnxɔ ɔ́ mɛ ɔ́ fó ɔ́, é yi xwé.

Mɛsɛ́dó 1:14

Yě bǐ sín ayi ɖo bǔ, bɔ yě nɔ́ ɖó kan dó ɖɛxixo wú, yě kpódó nyɔ̌nu lɛ́ɛ kpán, kpódó Mali Jezu sín nɔ kpó, kpódó Jezu sín nɔví lɛ́ɛ kpó.

Mɛsɛ́dó 2:42

Yě nɔ́ ɖó kan dó mɛsɛ́dó lɛ́ɛ sín nǔkplɔ́nmɛ kpódó kpɔ́ninɔ ɖo nɔví mɛ kpó wú, bó nɔ́ ɖó kan dó kɔnɖókpɔ́núɖuɖu ɔ́ kpódó ɖɛxixo kpó wú.

Hlɔ̌manu 1:9

Mawu e sɛn wɛ un ɖe kpódó ayixa ce bǐ kpó, gbɔn Wɛn Ɖagbe e ɖɔ xó dó Vǐ tɔn wú ɔ́ jlájlá gbla mɛ ɔ́, tunwun ɖɔ nǔgbó ɖɔ wɛ un ɖe; é tunwun ɖɔ un ɖo ɖɛ xo wɛ hweɖěbǔnu ɔ́, nǔ mitɔn nɔ ɖo ayi mɛ nú mì.

1 Kɔlɛ́ntinu 9:16

Un ná jlá ajɔ̌ nú nyɛɖée ɖó Wɛn Ɖagbe e jlá wɛ un ɖe ɔ́ wú ǎ; nǔgbó ɔ́, azɔ̌ ɖé wɛ é nyí bɔ è zɔ̌n mì ɖɔ ma wa dandan; ényí un ma jlá Wɛn Ɖagbe ɔ́ ǎ hǔn, heelú mì.

Filípunu 1:4

Un ɖo ɖɛ xo dó ta mitɔn mɛ wɛ hweɖěbǔnu ɔ́, un nɔ xo ɖɛ kpódó xomɛhunhun kpán.

Kolósinu 2:1

Tagba e jɛ dó ta mitɔn mɛ wɛ un ɖe, bó ɖo jijɛ dó Lawodiséenu lɛ́ɛ kpódó mɛ e ma tunwun mì titewungbe lě ǎ lɛ́ɛ bǐ kpán tamɛ wɛ ɔ́, un jló ɖɔ mi ní tunwun lě e é syɛ́n gbɔn é.

Kolósinu 4:12

Epaflasi e nyí mɛ mitɔn ɔ́ lɔmɔ̌ dó gbe sɛ́ dó mi; mɛsɛntɔ́ Klísu Jezu tɔn énɛ́ ɔ́ nɔ gɔn ɖɛ xo, kpódó ayixa tɔn bǐ sésé kpán dó ta mitɔn mɛ ǎ, bónú mi ná dó sixú syɛ́nlǐn, bó ná zin ɖo nǔɖiɖi mɛ, bó ná sɔgbe titewungbe, bó ná wa nǔ e Mawu jló ɔ́ bǐ.

Kolósinu 4:17

Mi ɖɔ nú Aacípu ɖɔ é ní kpé nukún dó azɔ̌ e Aklúnɔ zɔ́n ɛ ɔ́ wú bó wa ganjí.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.