Mɛsɛ́dó 6:1 - MAWUXÓWÉMA

¹ Hwenɛ́nu ɔ́, ahwanvú lɛ́ɛ wá ɖo kpɔ́ sú d'é jí wɛ, bɔ Jwifu e nɔ xwedó walɔ Glɛ̌sinu lɛ́ɛ tɔn lɛ́ɛ wá jɛ nǔ hlún ɖɔ dó Jwifu e nɔ xwedó walɔ Eblée lɛ́ɛ tɔn lɛ́ɛ wú jí. Yě nɔ́ ɖɔ è nɔ dó vɛ̌ nú asúkúsi émítɔn lɛ́ɛ ɖo nǔmímá hwenu ayǐhɔ́ngbe ayǐhɔ́ngbe.

Mɛsɛ́dó 6:1 Iomraidhean Croise

Jɔ̌bu 29:13

Mɛ e ɖo nǎ kú wɛ lɛ́ɛ nɔ́ xo ɖɛ dó jǐ ce; un nɔ hun alɔ bó nɔ́ ná nǔ asúkúsi lɛ́ɛ bɔ xomɛ nɔ hun yě.

Jɔ̌bu 31:16

Un tɛ nǔ lelenɔ kpɔ́n gbeɖé a? Un flú asúkúsi e ɖo nǔ ɖó nukún wɛ ɖo gɔ̌n ce ɔ́ kpɔ́n gbeɖé a?

Ɖɛhan 110:3

Gbe e gbe a nǎ sɔ́ ahwannú bó xwe ahwan ɔ́, ahwanfuntɔ́ akowunká kɛ́ɖɛ́ wɛ ná kplá we yi. Dɔ̌nkpɛvú towe lɛ́ɛ ná sɛ kplé dó wǔ we, ɖo só mímɛ́ ɔ́ jí, ahǔn e nɔ́ ja ayǐtéhɔ̌nnu é ɖɔhun.

Ɖɛhan 72:16

Ji ní jɛ ɖo to ɔ́ mɛ káká bó túnflá. Atínsínsɛ́n ní blá ta nú só lɛ́ɛ Libáan só lɛ́ɛ ɖɔhun. Gbɛtɔ́ ní ji gba gbɔn toxo lɛ́ɛ mɛ; gbɛtɔ́ ní kpé fí bǐ gběhan ɖɔhun.

Ezayíi 1:17

Mi kplɔ́n nǔ ɖagbe wiwa, mi nɔ xwedó hwɛjijɔ; mi gbɛ́ nǔ nú mɛ e ɖo mɛ táfú wɛ ɔ́, mi wa nǔ ɖó sɛ́nxwi jí xá tɔ́cyɔvǐ, mi jɛ ahwan asúkúsi jí.”

Ezayíi 27:6

Nú azǎn ɖo azǎn jí jɛ wɛ, bɔ ga ɖo ga jí jɛ wɛ ɔ́, Jakɔ́bu togun ɔ́ ná dó ɖɔ do; Izlayɛ́li ná zɛ ala bó ná wlí sɛ́, bɔ sínsɛ́n tɔn ná gba kpé gbɛ ɔ́ bǐ mɛ.

Jelemíi 30:19

Yě ná nɔ́ ji han dó dó kú, yě ná nɔ́ sú xó kpó awǎjijɛ kpó. Un ná bló bɔ yě ná gba kún, kún yětɔn ná ɖe kpo ǎ. Un ná sɔ́ yě su, mɛɖé sɔ́ ná gbɛ́ wán nú yě ǎ.

Ezekiyɛ́li 22:7

È nɔ kpɔ́n nukún mɛ nú tɔ́ mɛtɔn kpó nɔ mɛtɔn kpó ɖo ayǐkúngban towe jí; è nɔ xo jǒnɔ lɛ́ɛ ɖu, è nɔ táfú tɔ́cyɔvǐ lɛ́ɛ kpó asúkúsi lɛ́ɛ kpó.

Malacíi 3:5

Mawu Mavɔmavɔ Nǔbǐwúkpétɔ́ ɔ́ ɖɔ: ‘Un ná wá tɛ́ntin mitɔn, bó ná ɖɔ hwɛ xá mi. Un ná hwlɛndó, bó ná dó hwɛ mɛ e nɔ wa bǒ lɛ́ɛ, mɛ e nɔ lɛ aga lɛ́ɛ, mɛ e nɔ dó akpá bó má nɔ́ ɖe ǎ lɛ́ɛ, mɛ e ma nɔ sú axɔ́ azɔ̌watɔ́ ǎ lɛ́ɛ, mɛ e nɔ táfú asúkúsi kpó tɔ́cyɔvǐ kpó, abǐ mɛ e nɔ́ jɛ agɔ dó jǒnɔ lɛ́ɛ, kpódó mɛ e ma nɔ ké ya ɖěbǔ nú mì ǎ lɛ́ɛ bǐ kpó.’ ”

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Mɛsɛ́dó 11:20

Amɔ̌, Cíplunu kpódó Silenɛ́ɛnu ɖé lɛ́ɛ kpán ka ɖo yě mɛ, bɔ hwenu e yě yi Antyɔ́ci ɔ́, yě jɛ Wɛn Ɖagbe Aklúnɔ Jezu tɔn sín xó jlá Glɛ̌sinu lɛ́ɛ lɔmɔ̌ jí.

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 11:29

Énɛ́ ɔ́, ahwanvú lɛ́ɛ ɖe gbeta tɔ́n, ɖɔ émí ɖokpó ɖokpó ná ná nǔ e wú émí kpé ɔ́, bɔ è nǎ sɛ́ dó nɔví émítɔn ɖo Klísu mɛ e ɖo Judée lɛ́ɛ, bó dó dó alɔ yě ná.

Mɛsɛ́dó 2:41

Mɛ e yí Piyɛ́ɛ xó se lɛ́ɛ ka lɛ yɛhwesin. Yě bǐ kplékplé yi afɔwó afatɔ́n (3.000) mɔ̌, bó jɛ yě jí gbe énɛ́ gbe.

Mɛsɛ́dó 2:45

Yě nɔ́ sa nǔ yětɔn lɛ́ɛ, bó nɔ́ má akwɛ́ tɔn ɖo yěɖée tɛ́ntin lě e nǔ tɔn hu dó mɛ ɖokpó ɖokpó gbɔn é.

Mɛsɛ́dó 2:47

Yě nɔ́ kpa susu nú Mawu, bɔ mɛ bǐ yí wǎn nú yě. Ayǐhɔ́ngbe ayǐhɔ́ngbe ɔ́, Aklúnɔ ka nɔ́ dɔn mɛ e é hwlɛ́n gán lɛ́ɛ wá gɔ́ nú yě.

Mɛsɛ́dó 4:35

bó nɔ́ zé akwɛ́ tɔn wá nú mɛsɛ́dó lɛ́ɛ, bɔ yě nɔ́ má nú mɛ ɖokpó ɖokpó lě e nǔ tɔn hudó e gbɔn é.

Mɛsɛ́dó 4:4

Nǔ ka ɖo mɔ̌ có, mɛ e se xó e mɛsɛ́dó lɛ́ɛ ɖɔ ɔ́ gěgé ɖi nǔ. Mɛ e ɖi nǔ lɛ́ɛ ná yi děgba ɖě afatɔ́n (5.000) mɔ̌.

Mɛsɛ́dó 5:14

Mɛ e ɖo nǔ ɖi nú Aklúnɔ wɛ lɛ́ɛ ɖo kpɔ́ su d'é jí wɛ, ɖo súnnu mɛ, ɖo nyɔ̌nu mɛ.

Mɛsɛ́dó 5:28

“Mǐ má kó dó sɛ́n nú mi syɛ́nsyɛ́n ɖɔ mi ma sɔ́ kplɔ́n nǔ mɛ dó nya énɛ́ sín nyǐkɔ mɛ ó a? Énɛ́ nǔ e kplɔ́n mɛ wɛ mi ɖe ɔ́ ka gba kpé Jeluzalɛ́mu to ɔ́ bǐ mɛ nɛ́; bɔ mi jló ná zé nya énɛ́ sín kú kplá kɔ nú mǐ.”

Mɛsɛ́dó 6:2

Énɛ́ wú wɛ mɛsɛ́dó wěwe lɛ́ɛ wá ylɔ́ ahwanvú lɛ́ɛ bǐ kplé, bó ɖɔ nú yě ɖɔ: “É jɛ xá ɖɔ mǐ ní jó Mawuxó jlájlá dó, bó wá yi ɖo nǔɖuɖu má wɛ ǎ.

Mɛsɛ́dó 6:7

Mawuxó ɔ́ ka jɛ gbigba kpé jí, bɔ ahwanvú lɛ́ɛ ɖo kpɔ́ sú d'é jí wɛ ɖo Jeluzalɛ́mu, bɔ vɔ̌sánú-xwlémawutɔ́ wɔ̌buwɔ́bú ɖé lɛ́ɛ jɛ nǔ ɖi nú Jezu jí ɖo Jwifu lɛ́ɛ mɛ.

Mɛsɛ́dó 9:29

É nɔ́ ɖɔ xó nú Jwifu e nɔ xwedó walɔ Glɛ̌sinu lɛ́ɛ tɔn ɔ́ lɔmɔ̌, bó nɔ́ ɖo nǔ dɔn xá yě wɛ; amɔ̌, yě ɖo biba ná hu i wɛ.

Mɛsɛ́dó 9:39

Ée Piyɛ́ɛ se wɛn énɛ́ tlóló ɔ́, é sí te bó xwedó yě azɔn ɖokpó. Ée yě wá Jopée ɔ́, yě kplá ɛ yi xɔ ɔ́ mɛ, ɖo síngbó jí. Ée Piyɛ́ɛ byɔ́ xɔ ɔ́ mɛ ɔ́, asúkúsi lɛ́ɛ bǐ sɛkpɔ́ ɛ ɖasin ɖo nukún mɛ, bó xlɛ́ ɛ awu kpó avɔ kpán e Dɔ̌kási nɔ bló hwenu e é ɖo gbɛ é.

Mɛsɛ́dó 9:41

Piyɛ́ɛ ka hɛn alɔ tɔn, bó sɔ́ ɛ sí te, bó ylɔ́ nǔɖitɔ́ lɛ́ɛ, kpódó asúkúsi lɛ́ɛ kpán, bó sɔ́ ɛ xlɛ́ yě gbɛɖe.

Hlɔ̌manu 12:7

Ényí mɛɖé ɖó nǔníná e ná wa Mawuzɔ́ ɔ́ hǔn, é ní wa. Mɛ e ɖó nǔníná e ná kplɔ́n nǔ mɛ ɔ́, ní kplɔ́n nǔ mɛ.

1 Kɔlɛ́ntinu 10:10

Mi ɖó ná hlún nǔ ɖɔ lě e mɛɖé lɛ́ɛ bló gbɔn ɖo yě mɛ, bɔ wɛnsagun e nɔ hu mɛ ɔ́ wá hu yě ɔ́ ǎ.

2 Kɔlɛ́ntinu 11:22

É ma nyí Eblée wɛ yě nyí a? Nyɛ lɔmɔ̌ ɔ́, Eblée wɛ un nyí. É ma nyí Izlayɛ́li ví wɛ yě nyí a? Nyɛ lɔmɔ̌ ɔ́, Izlayɛ́li ví wɛ un nyí. É ma nyí Ablaxámu ví wɛ nyí a? Nyɛ lɔmɔ̌ ɔ́, Ablaxámu ví wɛ un nyí.

Sɛ́nflínmɛ 26:12

Xwe atɔn mɛ atɔn mɛ wɛ mi ná nɔ́ ná mǎɖówǒ. Hǔn xwe atɔn mɛ atɔn mɛ ɔ́, mi mɛ ɖokpó ɖokpó ná nɔ́ ɖe mǎɖówǒ ɖo nǔ e mi dó lɛ́ɛ bǐ jí, bó ná nɔ́ ná Levíi ví lɛ́ɛ, jǒnɔ e ɖo to mitɔn mɛ lɛ́ɛ, tɔ́cyɔvǐ lɛ́ɛ kpó asúkúsi lɛ́ɛ kpó, bɔ yě ná nɔ́ ɖu nǔ gɔ́ xo ɖo gɔ̌n mitɔn.

Filípunu 3:5

Đó Izlayɛ́li ví jiji wɛ nú mì, bɔ un jɔ ɖo Bɛnjamɛ́ɛ sín hɛ̌nnu mɛ. Mɛ e ji mì lɛ́ɛ ɔ́, Eblée wɛ yě nyí. Azǎn tántɔn wɛ un ɖó, bɔ è gbo ada nú mì. Nú è nǎ xwedó sɛ́n Jwifu lɛ́ɛ tɔn ɔ́, Falizyɛn wɛ un nyí.

1 Timɔtée 5:3

Kpé nukún dó asúkúsi e nyí asúkúsi nǔgbó nǔgbó lɛ́ɛ wú kpódó sísí kpó.

1 Timɔtée 5:9

Asúkúsi ɖé ma ɖó xwe kanɖé ko (60) jɛjí ǎ hǔn, ma lɛ́n ɛ dó asúkúsi lɛ́ɛ mɛ ó. É ka ná nyí mɛɖé, bɔ súnnu ɖokpó géé jɛ́n é ná da kpɔ́n.

Eblée 13:1

Wǎn e yí nú miɖée wɛ mi ɖe nɔví nɔví ɖɔhun ɔ́, mi ma jó dó ó.

Jaki 1:27

Sinsɛn e nyí sinsɛn mímɛ́, sinsɛn nǔgbó nǔgbó ɖo Mawu Tɔ́ ɔ́ nukɔn ɔ́ ɖíe: è nǐ kpé nukún dó tɔ́cyɔvǐ nɔcyɔvǐ lɛ́ɛ kpó asúkúsi lɛ́ɛ kpó wú ɖo wǔvɛ́ yětɔn lɛ́ɛ mɛ; è nǐ cɔ́ mɛɖée dó nǔ e wa wɛ mɛ e nyí gbɛ ɔ́ tɔn lɛ́ɛ ɖe lɛ́ɛ wú, bó ma hɛn mɛɖée blí ó.

Jaki 4:5

Mi ma vɛdó ɖɔ yǎyá wɛ è wlǎn xó élɔ́ dó Mawuxówéma ɔ́ mɛ sín ó: è wlǎn ɖɔ: “Mawu nɔ zé wǔhwinhwan dó byɔ́ yɛ e é sɔ́ dó mǐ mɛ ɔ́ ná.”

Jaki 5:9

Nɔví lɛ́ɛ mi, mi ma nɔ jɛ miɖée sín hwɛ, bónú Mawu wá ɖɔ hwɛ xá mi ó. Hwɛɖɔtɔ́ ɔ́ ko ɖo hɔnta, bó ɖo xwé gbe ná byɔ́ wɛ.