Mɛsɛ́dó 5:9 - MAWUXÓWÉMA

⁹ Ée é ɖɔ mɔ̌ ɔ́, Piyɛ́ɛ ɖɔ n'i ɖɔ: “Nɛ̌ ka gbɔn bɔ hwi kpódó asú towe kpó blá ɖɔ, bó jló ná ba do nú Yɛ Aklúnɔ tɔn kpɔ́n mɔ̌? Đǒtó; mɛ e ɖi asú towe lɛ́ɛ nɛ́ ɖo xwé gbe byɔ́ wɛ nɛ́; yě ná sɔ́ hwi lɔmɔ̌ yi ɖi.”

Mɛsɛ́dó 5:9 Iomraidhean Croise

Bǐbɛ́mɛ 20:13

Hwenu e Mawu ɖɔ nú mì ɖɔ má gosín tɔ́ ce xwé ɔ́, un ɖɔ nú asi ce Sala ɖɔ: ‘Đagbe e a nǎ wa nú mì ɔ́ wɛ nyí ɖɔ mǐ jɛ fí ɖěbǔ hǔn, nɔ ɖɔ nú mɛ lɛ́ɛ ɖɔ nɔví towe wɛ un nyí.’ ”

2 Axɔ́sú 6:32

Hwenɛ́nu ɔ́, Elizée ɖo ayǐjínjɔ́n ɖo xwé tɔn gbe, bɔ tomɛxó lɛ́ɛ jínjɔ́n akpá tɔn. Axɔ́sú ɔ́ sɛ́ mɛ dó e. Lo ɔ́, cóbónú mɛ e axɔ́sú ɔ́ sɛ́ dó ɔ́ ná wá ɔ́, Elizée ɖɔ nú tomɛxó lɛ́ɛ ɖɔ: “Mi mɔ nǔ a? Nǔ mɛhutɔ́ nɛ́ ɔ́ sɛ́ mɛ dó ɖɔ è nǐ wá ɖe ta sín kɔ nu nú mì á! Mi ɖótó mì: ényí nya ɔ́ wá hǔn, mi sú hɔn ɔ́, bó má lɔn nú é byɔ́ xwé ɔ́ gbe ó. È ko ɖo gǎn tɔn e sɛ́ ɛ dó ɔ́ sín afɔgbe se ɖo gǔdo tɔn jǎwe wɛ lɔ.”

Ɖɛhan 50:18

A mɔ ajotɔ́ ɖé ɔ́, a nɔ dó gbɛ̌ tɔn; mɛ e nɔ lɛ aga lɛ́ɛ wɛ a nɔ zun xɔ́ntɔn xá

Ɖɛhan 78:56

Lo ɔ́, yě tɛ́n Mawu Ajalɔ̌nlɔn ɔ́ kpɔ́n, yě fɔ́n gǔ dó jǐ tɔn, yě sɔ́ nɔ́ nyi sɛ́n tɔn lɛ́ɛ ǎ.

Tíntɔ́n 17:2

Énɛ́ ɔ́, togun ɔ́ ba xó Mɔyízi. Yě ɖɔ n'i ɖɔ: “Nǎ sin mǐ, nú mǐ ná nu.” Bɔ Mɔyízi ɖɔ nú yě ɖɔ: “Aniwú mi ɖo xó ba mì wɛ? Étɛ́wú mi ɖo Mawu Mavɔmavɔ tɛ́n kpɔ́n wɛ?”

Tíntɔ́n 17:7

È ɖǒ nyǐkɔ nú fí énɛ́ ɔ́ ɖɔ Masa kpó Mɛliba kpó; tínmɛ tɔn wɛ nyí “tɛ́nkpɔ́n” kpó “xóbiba” kpó, ɖó Izlayɛ́li ví lɛ́ɛ ba xó Mɔyízi bó tɛ́n Mawu Mavɔmavɔ kpɔ́n bó ɖɔ: “Mawu Mavɔmavɔ ɖo tɛ́ntin mǐtɔn a? Abǐ é ɖo tɛ́ntin mǐtɔn ǎ?”

Nǔnywɛ́xó 11:21

Mawu Mavɔmavɔ ná dɔn tó nú mɛdídá, é ɖó gblǎ ǎ; é ká ná hwlɛ́n mɛ e nɔ wa nǔ ɖó sɛ́nxwi jí lɛ́ɛ bǐ gán.

Nǔnywɛ́xó 16:5

Mawu Mavɔmavɔ gbɛ́ wǎn nú gbɛtɔ́ e nɔ yí go lɛ́ɛ, é ná gɔn tó dɔn nú yě ǎ.

Micée 7:3

Nǔ nyanya wiwa sín gǎn wɛ yě nyǐ. Gǎn lɛ́ɛ kpó hwɛɖɔtɔ́ lɛ́ɛ kpó nɔ byɔ́ ɖɔ émí ná ɖu nǔ ɖo nǔ mɛ dandan. Gbɛtɔ́ nukúnɖéjí lɛ́ɛ ɖo nǔɖé ba wɛ ɔ́, yě nɔ́ ɖɔ gannaganna, bó nɔ́ ba wlɛnwín tɔn ɖó kpɔ́, bó nɔ́ bló.

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Matíe 4:7

Jezu ka yí gbe n'i ɖɔ: “Mɔ̌ jɛ́n wɛ è lɛ́ wlán ɖɔ jí: ‘Ma tɛ́n Aklúnɔ Mawu towe kpɔ́n ó.’ ”

Luki 16:2

Nya ɔ́ ka ylɔ́ ɛ, bó ɖɔ n'i ɖɔ: ‘Étɛ́ se dó wú towe wɛ un ɖe nɛ́? Wǎ xa nǔ ce lɛ́ɛ nú mì, ɖó a sɔ́ sixú nɔ nǔ ce lɛ́ɛ nu ǎ.’

Mɛsɛ́dó 15:10

Hǔn din ɔ́, aniwú mi ka nɔ ɖíɖá agban e tɔ́gbó mitɔn lɛ́ɛ kpódó mi ɖésúnɔ kpó ma kpé wú bó hɛn ǎ ɔ́ ahwanvú lɛ́ɛ, bó dó ɖo do ba nú Mawu wɛ?

Mɛsɛ́dó 5:6

Dɔ̌nkpɛvú e ɖo fínɛ́ lɛ́ɛ sí te, bó bú avɔ dó cyɔ tɔn, lobo sɔ́ ɛ yi ɖi.

Hlɔ̌manu 10:15

Ényí è ma sɛ́ mɛ dó xó tɔn jlá gbé ǎ ɔ́, nɛ̌ è ka ná mɔ Wɛn Ɖagbejlátɔ́ gbɔn? Lě e Mawuxówéma ɔ́ ɖɔ gbɔn ɔ́ ɖíe: “È mɔ Wɛn Ɖagbejlátɔ́ lɛ́ɛ jǎwe ɔ́, é nɔ nyɔ́ kpɔ́n mɛ.”

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

1 Kɔlɛ́ntinu 10:9

Mǐ ɖó ná tɛ́n Aklúnɔ kpɔ́n, lě e mɛɖé lɛ́ɛ bló gbɔn ɖo yě mɛ, bɔ dan ɖu yě bɔ yě kú é ǎ.