Mɛsɛ́dó 5:5 - MAWUXÓWÉMA

⁵ Ée Ananíyasi se xó énɛ́ ɔ́, é jɛ ayǐ, bó kú cúɖúɖú, bɔ xɛsi ɖaxó ɖé jɛ mɛ e se nǔ énɛ́ e jɛ lɛ́ɛ bǐ jí.

Mɛsɛ́dó 5:5 Iomraidhean Croise

2 Axɔ́sú 2:24

Bɔ Elizée lɛ́ kɔ kpɔ́n yě, bó dó nu yě ɖo Mawu Mavɔmavɔ nyíkɔ mɛ, bɔ lɔnmɔ we tɔ́n sín nǔkan mɛ, bó vúnvún mɛ kanɖé-nukún-we (42) ɖo yě mɛ.

1 Tan 13:12

Gbe énɛ́ ɔ́ gbe ɔ́, xɛsi ɖi Davídi dó Mawu wú, bɔ é ɖɔ: “Akɔjijɛgbá Mawu tɔn sixú yi xwé ce gbe ǎ.”

1 Tan 15:13

Azɔn nukɔntɔn e mǐ zě ɔ́, mi ɖo tɛn tɔn mɛ ǎ; énɛ́ ɔ́ wú wɛ Mawu Mavɔmavɔ, Mawu mǐtɔn dɔn tó nú mǐ, ɖó mǐ zé lě e sɛ́n ɔ́ zɔ́n gbɔn ɔ́ ǎ.”

Ɖɛhan 119:120

Un nɔ ɖo sísɔ́ sísɔ́ wɛ, ɖó a dǒ xɛsi, un nɔ ɖó sísí nú hwɛ e a nɔ ɖɔ lɛ́ɛ.

Ɖɛhan 64:9

Đɛ̌ yětɔn wɛ zin yě dɛ́; mɛ e mɔ yě lɛ́ɛ bǐ wɛ nɔ́ húnhún ta bo nɔ ko yě.

Jelemíi 5:14

Énɛ́ ɔ́ wú ɔ́, nyɛ Mawu Mavɔmavɔ, Mawu Nǔbǐwúkpétɔ́ ɔ́ ɖɔ: Jelemíi, ée yě ɖo xó ɖɔ gbɔn mɔ̌ wɛ é ɔ́, xó e un ná zé dó ayi towe mɛ ɔ́ ná cí zo ɖɔhun, bɔ togun élɔ́ ná nyí nakí e zo ɔ́ ná ji é.

Ezekiyɛ́li 11:13

Hwenu e un ɖo xó e Mawu ɖɔ nú mì lɛ́ɛ ɖɔ nú yě wɛ ɔ́, Pelatiyahu Benaya ví ɔ́ kú. Nyɛ ɖésú jɛ ayǐ, bó xwe agbɔ̌nnusú do, bó sú xó bó ɖɔ: “Áo, Aklúnɔ Mavɔmavɔ! A jlǒ ná sú Izlayɛ́li ví e kpo lɛ́ɛ sín kún dó wɛ a?”

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

Mɛsɛ́dó 13:11

Din ɔ́, ɖǒtó! Aklúnɔ ná dɔn tó nú we; a nǎ va nukún, bó ná gɔn hwesivɔ́ mɔ káká yi jɛ hwe ɖé nu.” Tlóló tɛn tɔn mɛ ɔ́, Elimasi va nukún, bó jɛ avi dlá jí, lobo ɖo mɛ e ná kplá ɛ ɔ́ ba wɛ.

Mɛsɛ́dó 2:43

Đokpó ɖokpó yětɔn ɖo xɛsi ɖi wɛ; ɖó Mawu ɖo nǔjlɛ́jlɛ́ kpódó nǔdábaɖa gěgé kpó jlɛ́ wɛ gbɔn mɛsɛ́dó lɛ́ɛ jí.

Mɛsɛ́dó 5:13

Mɛɖěvo sɔ́ nɔ́ glá gɔ́ nú yě ǎ; lo ɔ́, togun ɔ́ yí wǎn nú yě ɖésú.

1 Kɔlɛ́ntinu 4:21

Nɛ̌ mi ka jló gbɔn? Un ja gɔ̌n mitɔn hǔn, ma hɛn kpo a? Abǐ ma wá kpó wǎn yíyí kpó, kpódó xomɛfífá kpán a?

2 Kɔlɛ́ntinu 13:10

Nǔ e wú un ɖo zɔ bó wlán nǔ énɛ́ lɛ́ɛ bǐ sɛ́ dó mi ɔ́ ɖíe: é wɛ nyí ɖɔ, hwenu e un ná wá nɔ gɔ̌n mitɔn ɔ́, un ma kpɔ́n dó acɛ e Aklúnɔ ná mì ɔ́ wú, bó nylá hun dó mi ó; acɛ énɛ́ e Aklúnɔ ná mì ɔ́, azɔ̌ tɔn wɛ nyí ɖɔ ma dó dó alɔ mi, bónú mi ná yi nukɔn ɖo nǔɖiɖi mɛ; é nyí ɖɔ un ná dó dɔn mi dó gǔdo wɛ ǎ.

2 Kɔlɛ́ntinu 13:2

Un ɖó xóɖɔɖ'ayǐnúmɛ ɖé, bó ná ɖɔ nú mɛ e ko hu hwɛ wá yi lɛ́ɛ kpó mɛ ɖě lɛ́ɛ bǐ kpó; un ko ɖɔ nú mi hwenu e un wá gɔ̌n mitɔn azɔn wegɔ́ ɔ́ é; amɔ̌ un lɛ́ ɖo vǐvɔ́ ɖɔ wɛ din e un ɖo zɔ é. Din tɔn e un ná wá gɔ̌n mitɔn ɔ́, un ná kpɔ́n bó ɖɔ xá mɛ ɖěbǔ ǎ.

2 Kɔlɛ́ntinu 7:11

Aluwɛ e mɛ mi nɔ ɔ́, Mawu zě dó wa azɔ̌ ná; mi bó kpɔ́n nǔ e tɔ́n sín mɛ din lɛ́ɛ é! Aluwɛ énɛ́ e mɛ mi nɔ ɔ́, mi kpɔ́n lě e é zɔ́n bɔ mi sɔ́ nǔ e jɛ ɔ́ dó ylɔ́ nǔjɔnǔ sɔ é, bó kpɔ́n lě e é húzú mi gbɔn, bɔ mi bí dó azɔ̌ wú, bó ná dó jɛ ahwan miɖée jí é. Mi kpɔ́n lě e mi mɔ akpɔ sɔ é, bó kpɔ́n lě e xɛsi ɖi mi dó Mawu wú sɔ é. Mi kpɔ́n lě e mi ɖó jlǒ, bó ná mɔ mǐ sɔ é. Mi kpɔ́n lě e mi bí dó nǔ wú sɔ é, bó kpɔ́n lě e mi ván kan, bó ná dɔn tó nú mɛ e wa nǔ nyanya ɔ́ sɔ é! Mi ɖe xlɛ́ gbɔn alɔkpa lɛ́ɛ bǐ mɛ ɖɔ émí nyí xomɛvɔ́nɔ ɖo nǔ énɛ́ e jɛ ɔ́ mɛ.

Sɛ́nflínmɛ 13:11

Mawu Mavɔmavɔ ɖe mi tɔ́n sín Ejípu. Mɛ e ná ɖɔ émí ná lɛ́ kɔ nú mi sín gǔdo tɔn ɔ́, awǐnnyaglo wɛ è nǎ nyi dó mɛ mɔ̌hun káká bɔ é ná kú.

Sɛ́nflínmɛ 21:21

Énɛ́ ɔ́, súnnu e ɖo toxo tɔn mɛ lɛ́ɛ bǐ ná nyi awǐnnyaglo dó e káká bɔ é ná kú. Lě e mi ná ɖe nǔ nyanya sín tɛ́ntin mitɔn gbɔn ɔ́ nɛ́. Izlayɛ́li toxo ɔ́ bǐ ná se xó énɛ́, bó ná ɖó sísí nú Mawu.

Jozuwée 22:20

Hwenu e Akáni Zeláxi ví ɔ́ hu hwɛ ɖaxó, ɖó é bɛ́ dɔkun e è gbɛ̌ ɖɔ è nǐ má bɛ́ ó lɛ́ɛ wútu ɔ́, Izlayɛ́li togun ɔ́ bǐ wɛ Mawu Mavɔmavɔ zé xomɛsin tɔn dó wa nǔ xá, mi tunwun ganjí. Ényí Akáni ɖokpónɔ wɛ kú ɖó hwɛ énɛ́ ɔ́ e é hu ɔ́ wútu ǎ.”

Nǔɖexlɛ́mɛ 11:13

Hwenɛ́nu ɖokpó ɔ́, ayǐkúngban dán wǔ kpódó zǐngídi kpó, bɔ toxo ɔ́ sín wǒvlɔ́ɖó mu; ayǐkúngban énɛ́ e dán wǔ ɔ́ hu gbɛtɔ́ děgba ɖě afɔwó-afatɔ́n (7.000); énɛ́ ɔ́, xɛsi jɛ mɛ ɖě lɛ́ɛ jí, bɔ yě nɔ kpa susu nú Mawu jǐxwé tɔn.

Nǔɖexlɛ́mɛ 11:5

Ényí mɛɖé jló ná wa nǔ nyanya dó yě wú ɔ́, myɔ nɔ tɔ́n sín nu yětɔn mɛ bó nɔ fyɔ́ kɛntɔ́ yětɔn lɛ́ɛ. Lě e è ɖǒ ná hu mɛ e ná ba ná wa nǔ nyanya dó yě wú lɛ́ɛ gbɔn é nɛ́.