Mɛsɛ́dó 5:3 - MAWUXÓWÉMA

³ Piyɛ́ɛ ka kanbyɔ́ ɛ ɖɔ: “Ananíyasi! Aniwú Satáan gɔ́ ayi mɛ nú we mɔ̌, bó zɔ́n bɔ a ɖe akwɛ́ e a dǒ sa ayǐkúngban ɔ́ ná ɔ́ kpo, bó wá ɖo nǔvú ɖó nú Yɛsinsɛn wɛ?

Mɛsɛ́dó 5:3 Iomraidhean Croise

Jɔ̌bu 22:13

Bɔ hwɛ ɔ́, a nɔ ɖɔ: “Ani wɛ Mawu ká tunwun? É sixú nɔ akpɔ́kpɔ́ lɛ́ɛ gúdo dɔ̌n bó ɖɔ hwɛ xá mǐ a?

Nǔnywɛ́xó 20:25

È ma lin tamɛ kpɔ́n ǎ, bó dó akpá ɖɔ émí ná sɔ́ nǔɖé ɖó vo nú Mawu, abǐ è ko dó akpá ɔ́ cóbó wá jɛ tamɛ lin jí ɔ́, nǔ nyanya wɛ.

Nǔnywɛ́tɔ́xó 5:4

A gbɔ bo gɔn akpá dó ɔ́, é nyɔ́ hú a dǒ bó gɔn ɖiɖe.

Ezayíi 29:15

Heelú mɛ énɛ́ lɛ́ɛ e nɔ ɖo nǔ wa dó nǔglɔ́ wɛ lɛ́ɛ; yě mɛ e nɔ hwlá tito yětɔn lɛ́ɛ dó Mawu Mavɔmavɔ, bó nɔ́ ɖo nǔ wa dó nǔglɔ́ wɛ lɛ́ɛ ɔ́, heelú yě. Yě nɔ́ lin ɖɔ mɛ ɖé kún sixú mɔ émí ó; mɛɖé kún sixú tunwun nǔ e wa wɛ émí ɖe ɔ́ ó.

Jelemíi 23:24

Mɛ ɖé hɔn yi bɛ ɖo fí ɖé ɔ́, un nɔ mɔ ɛ jɛ́n wɛ. Un ɖo fí bǐ ɖo jǐxwé, bó lɛ́ ɖo fí bǐ ɖo ayǐkúngban ɔ́ jí. Xó e nyɛ Mawu Mavɔmavɔ ɖɔ ɔ́ nɛ́.”

Kɛ́nsísɔ́ 30:2

Énɛ́ ɔ́ gúdo ɔ́, Mɔyízi ɖɔ xó ɖěvo e Mawu Mavɔmavɔ ɖɔ n'i lɛ́ɛ nú akɔta Izlayɛ́li tɔn sín gǎn lɛ́ɛ. É ɖɔ:

Matíe 13:19

Ayǐkúngban e jí nǔkún lɛ́ɛ jɛ ɖo alixo ɔ́ wɛ nyí mɛ e se axɔ́súɖuɖu Mawu tɔn sín xó, bó ma mɔ nukúnnú jɛ wú ǎ é; awǒvi nɔ́ wá ɖe ée é se ɔ́ sín ayi tɔn mɛ.

Luki 22:3

Satáan ka byɔ́ ayi mɛ nú Judási e è nɔ ylɔ́ ɖɔ Isikaliɔ́ti, bɔ é ɖo ahwanvú Jezu tɔn wěwe lɛ́ɛ mɛ é;

Jǎan 13:2

Jezu kpódó ahwanvú tɔn lɛ́ɛ kpó ɖo gbada nǔɖuɖu ɖu wɛ. Awǒvi ka ko sɔ́ linlin nyanya dó ayi mɛ nú Judási Sinmɔ́ɔ Isikaliɔ́ti ví ɔ́, ɖɔ ní sa Jezu.

Jǎan 13:27

Ée Judási yí wɔ̌xúxú ɔ́, Satáan wá ayi tɔn mɛ, bɔ Jezu ɖɔ n'i ɖɔ: “Nǔ e ná bló wɛ a ɖe ɔ́, yǎ wǔ bló.”

Mɛsɛ́dó 5:2

É ɖɔ xá asi tɔn, bɔ yě ɖe akwɛ́ e yě sa ayǐkúngban ɔ́ yí ɔ́ kpo, bɔ é sɔ́ ée kpo ɔ́ yi jó nú mɛsɛ́dó lɛ́ɛ.

Mɛsɛ́dó 5:4

Hwenu e a ma ko sa ayǐkúngban ɔ́ ǎ ɔ́, towe wɛ é nyí ǎ cé? Ée a ka wá sa ɔ́, akwɛ́ tɔn ɔ́, é má nyí towe wɛ é nyí a? Fítɛ́ a ka ba ayi hízíhízí mɔ̌hun sín? Gbɛtɔ́ lɛ́ɛ wɛ a ɖǒ nǔvú ná ǎ, Mawu wɛ a ɖǒ nǔvú ná.”

Mɛsɛ́dó 5:9

Ée é ɖɔ mɔ̌ ɔ́, Piyɛ́ɛ ɖɔ n'i ɖɔ: “Nɛ̌ ka gbɔn bɔ hwi kpódó asú towe kpó blá ɖɔ, bó jló ná ba do nú Yɛ Aklúnɔ tɔn kpɔ́n mɔ̌? Đǒtó; mɛ e ɖi asú towe lɛ́ɛ nɛ́ ɖo xwé gbe byɔ́ wɛ nɛ́; yě ná sɔ́ hwi lɔmɔ̌ yi ɖi.”

Sɛ́nflínmɛ 23:21

Ényí to ɖěvo mɛ nu wɛ mi nya nǔɖé ná ɔ́, mi sixú yí d'é jí. É ká nyí nɔví mitɔn wɛ ɔ́, mi ná yí d'é jí ǎ. Mi nyi sɛ́n énɛ́ ɔ́ ɖo to e yí gbé mi ja ɔ́ mɛ; énɛ́ ɔ́, Mawu Mavɔmavɔ, Mawu mitɔn ná dó acɛ nǔ e mi ná wa lɛ́ɛ bǐ jí.

Jaki 4:7

Hǔn, mi bo hwíhwɛ́ miɖée ɖó Mawu glɔ́; mi ló dǒ ɖo awǒvi nukɔn; énɛ́ ɔ́, é ná hɔn yi zɔ nú mi.

1 Piyɛ́ɛ 5:8

Ayixa mitɔn ní ɖo te; mi cɔ́ miɖée, ɖó kɛntɔ́ mitɔn awǒvi ɔ́ ɖo lɛ̌ lɛ́ dó mi wɛ kinnikínní e ɖo adǎn jí é ɖɔhun, bó ɖo mɛ e é ná vún ɖu ɔ́ ba wɛ.