Mɛsɛ́dó 5:12 - MAWUXÓWÉMA

¹² Mawu jlɛ́ nǔ gěgé, bó ɖe nǔdábaɖa gěgé xlɛ́ gbɔn mɛsɛ́dó lɛ́ɛ jí, ɖo togun ɔ́ mɛ. Nǔɖitɔ́ lɛ́ɛ bǐ nɔ́ nɔ kpɔ́ ɖo Salomɔ́ɔ gba jí.

Mɛsɛ́dó 5:12 Iomraidhean Croise

Jelemíi 26:9

Étɛ́wú a ka glá káká bó ɖɔ dó Mawu Mavɔmavɔ nyǐkɔ mɛ ɖɔ è na gba xwé élɔ́ Silóo tɔn ɖɔhun, lobɔ toxo élɔ́ ná gba hánnyá, káká bɔ mɛ ɖěbǔ kún sɔ́ ná kpo ɖo toxo ɔ́ mɛ ó? Étɛ́wú a ka ɖɔ mɔ̌?” Énɛ́ ɔ́, mɛ e ɖo Mawu Mavɔmavɔ xwé ɔ́ gbe lɛ́ɛ bǐ xísí dó Jelemíi.

Maki 16:20

Ahwanvú tɔn lɛ́ɛ ka sɔ́nǔ, bó jɛ Mawuxó jlá jí gbɔn fí bǐ. Aklúnɔ nɔ́ dó alɔ yě ɖo azɔ̌ énɛ́ kɔn, bó nɔ́ ɖe xlɛ́ ɖɔ xó e ɖɔ wɛ yě ɖe ɔ́ nyí nǔgbó, gbɔn nǔdábaɖa e yě nɔ́ jlɛ́ lɛ́ɛ gbla mɛ.]

Jǎan 10:23

bɔ Jezu ɖo sa ɖi wɛ gbɔn Salomɔ́ɔ sín agba jí, ɖo sinsɛnxɔ ɔ́ mɛ.

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Mɛsɛ́dó 1:14

Yě bǐ sín ayi ɖo bǔ, bɔ yě nɔ́ ɖó kan dó ɖɛxixo wú, yě kpódó nyɔ̌nu lɛ́ɛ kpán, kpódó Mali Jezu sín nɔ kpó, kpódó Jezu sín nɔví lɛ́ɛ kpó.

Mɛsɛ́dó 14:3

Pɔ́lu kpódó Baanabási kpán nɔ fínɛ́ ɖésú. Yě nɔ ɖɔ xó kpódó jiɖiɖe kpó. Aklúnɔ ká ná acɛ yě, bɔ yě nɔ́ ɖo nǔ tɛnmɛ tɛnmɛ jlɛ́ wɛ, bó nɔ́ ɖo nǔdábaɖa lɛ́ɛ jlɛ́ wɛ, bó ná dó ɖe xlɛ́ ɖɔ nǔ e ɖɔ wɛ yě ɖe dó nyɔ̌ná Mawu tɔn wú ɔ́ nǔgbó wɛ é nyí.

Mɛsɛ́dó 16:18

Mɔ̌ wɛ é ɖo mǐ gúdo xɔ azǎn mɔ̌kpán, bɔ é wá vɛ́ Pɔ́lu wú gbe ɖokpó, bɔ é lɛ́ kɔ bó ɖɔ nú yɛ e ɖo nyɔ̌nu ɔ́ jí ɔ́ ɖɔ: “Đo Jezu Klísu nyǐkɔ mɛ ɔ́, un ɖe gbe dó we: gosín nyɔ̌nu élɔ́ jí;” bɔ yɛ ɔ́ gosín nyɔ̌nu ɔ́ jí tlóló tɛn tɔn mɛ.

Mɛsɛ́dó 19:11

Mawu nɔ́ jlɛ́ nǔ ɖaxó ɖaxó lɛ́ɛ gbɔn Pɔ́lu jí,

Mɛsɛ́dó 2:46

Ayǐhɔ́ngbe ayǐhɔ́ngbe ɔ́, yě nɔ́ yi kplé ɖo sinsɛnxɔ mɛ; yě nɔ́ ɖu nǔ ɖó kpɔ́ gbɔn xwé yětɔn lɛ́ɛ gbe xwé yětɔn lɛ́ɛ gbe, bó nɔ́ lɛ́ ɖu nǔ kpó xomɛhunhun kpó, kpó ayixa ɖokpó kpó.

Mɛsɛ́dó 28:9

Énɛ́ gúdo ɔ́, azinzɔnnɔ e kpo ɖo to ɔ́ mɛ lɛ́ɛ wá mɔ Pɔ́lu, bɔ é gbɔ azɔn nú yě lɔmɔ̌.

Mɛsɛ́dó 3:11

Nya ɔ́ ka sɔ́ lɛ́ kɔ sín Piyɛ́ɛ kpódó Jǎan kpán gúdo ǎ, bɔ nǔ énɛ́ lɛ́ɛ kpácá togun ɔ́ bǐ, bɔ yě nyi ahwan wá mɔ yě, ɖo fí e è nɔ ylɔ́ ɖɔ Salomɔ́ɔ gba jí é.

Mɛsɛ́dó 4:30

Dlɛ̌n alɔ towe, bónú nǔjlɛ́jlɛ́ lɛ́ɛ kpódó nǔdábaɖa lɛ́ɛ kpó ná tíin, ɖo mɛsɛntɔ́ towe mímɛ́ Jezu sín nyǐkɔ mɛ.”

Mɛsɛ́dó 9:33

É mɔ nya ɖé ɖo fínɛ́, bɔ è nɔ ylɔ́ ɛ ɖɔ Enɛ́ɛ; nya énɛ́ xwe ayǐsó ɖo zan jí din ɔ́, xwe tɔn ko yi tántɔn; bɔ é ɖo ayǐmlɔ́mlɔ́.

Mɛsɛ́dó 9:40

Piyɛ́ɛ ka ɖe mɛ bǐ tɔ́n sín xɔ ɔ́ mɛ, bó húzú jɛ kpo, lobo xo ɖɛ, bó wá lílɛ́ kpan nukɔn cyɔ ɔ́, bó ɖɔ: “Tabita! Sí te!” Tabita ka hun nukún; ée é mɔ Piyɛ́ɛ ɔ́, é fɔ́n jínjɔ́n ayǐ.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

2 Kɔlɛ́ntinu 12:12

Un wa azɔ̌ e ɖe xlɛ́ ɖɔ un nyí mɛsɛ́dó lɛ́ɛ ɖo tɛ́ntin mitɔn kpó hǔnkúkú titewungbe kpó: nǔwiwa énɛ́ lɛ́ɛ wɛ nyí wuntun tɛnmɛ tɛnmɛ lɛ́ɛ, nǔjlɛ́jlɛ́ tɛnmɛ tɛnmɛ lɛ́ɛ kpó nǔdábaɖa tɛnmɛ tɛnmɛ e Mawu bló gbɔn jǐ ce lɛ́ɛ kpó.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.