Mɛsɛ́dó 5:11 - MAWUXÓWÉMA

¹¹ Bɔ xɛsi ɖaxó ɖé jɛ agun nǔɖitɔ́ lɛ́ɛ tɔn ɔ́ bǐ jí, bó jɛ mɛ e se nǔ énɛ́ e jɛ lɛ́ɛ bǐ jí.

Mɛsɛ́dó 5:11 Iomraidhean Croise

Ɖɛhan 89:7

Mɛ̌ è ka sixú jlɛ́ dó hwi Mawu Mavɔmavɔ wú ɖo jǐnukúnsin? Nǔmɛsɛn lɛ́ɛ ɖě tɛ́ ká yá ga we?

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Mɛsɛ́dó 19:17

Jwifu kpódó Glɛ̌sinu e ɖo Efɛ́zi lɛ́ɛ bǐ kpán wɛ se nǔ énɛ́ e jɛ ɔ́; énɛ́ ɔ́, xɛsi jɛ yě bǐ jǐ, bɔ yě sɔ́ Aklúnɔ Jezu sín nyǐkɔ su.

Mɛsɛ́dó 2:43

Đokpó ɖokpó yětɔn ɖo xɛsi ɖi wɛ; ɖó Mawu ɖo nǔjlɛ́jlɛ́ kpódó nǔdábaɖa gěgé kpó jlɛ́ wɛ gbɔn mɛsɛ́dó lɛ́ɛ jí.

Mɛsɛ́dó 5:5

Ée Ananíyasi se xó énɛ́ ɔ́, é jɛ ayǐ, bó kú cúɖúɖú, bɔ xɛsi ɖaxó ɖé jɛ mɛ e se nǔ énɛ́ e jɛ lɛ́ɛ bǐ jí.

Mɛsɛ́dó 9:31

Yě mɛ e ɖi nǔ nú Jezu lɛ́ɛ sín agun e ɖo Judée ɔ́ kpó ée ɖo Galilée ɔ́ kpó, kpódó ée ɖo Samalíi ɔ́ kpán bǐ sín ayi wɛ jɛ ayǐ, bɔ yě ɖo dǒ lí wɛ, bó nɔ́ ɖo sísí ɖó nú Aklúnɔ wɛ ɖo nǔwiwa yětɔn lɛ́ɛ mɛ; Yɛsinsɛn gɔ́ alɔ nú yě, bɔ yě ɖo kpɔ́ sú d'é jí wɛ.

Filípunu 2:12

Énɛ́ ɔ́, mɛvívɛ́ná ce lɛ́ɛ mi, hwenu e un ɖo kpɔ́ xá mi ɔ́, mi nɔ se tónú nú mì tɛgbɛ; din e un ma ka sɔ́ ɖo kpɔ́ xá mi ǎ ɔ́, é lɛ́ ɖo tají ɖɔ mi ní lɛ́ se tónú nú mì. Mi wa azɔ̌ kpó xɛsi kpó, kpódó sísɔ́sísɔ́ kpán nú hwlɛngán mitɔn ná nyí hwlɛngán kpíkpé.

Eblée 11:7

Nǔɖiɖi e Nɔwée ɖó ɔ́ wɛ zɔ́n bɔ nǔ e ɖo nǎ jɛ wɛ, bɔ Mawu ɖɔ n'i, bɔ mɛɖé ma ka ɖo mimɔ wɛ ǎ lɛ́ɛ ɔ́, é sɔ́ dó ylɔ́ nǔjɔnǔ. É se tónú nú Mawu, bó bló tɔjíhún ɖokpó, bɔ é kpódó xwédo tɔn kpó byɔ́ mɛ bó gán. Énɛ́ ɔ́, é ɖó hwɛ nú gbɛ ɔ́, bɔ Mawu sɔ́ ɛ dó mɔ hwɛjijɔnɔ gbɔn nǔɖiɖi e é ɖó ɔ́ gbla mɛ.

Eblée 12:15

Mi cɔ́ miɖée, bónú mɛɖé ma sú fɛ́nú Mawu tɔn sín ali dó éɖée ó. Mɛɖěbǔ ní ma cí atín aɖǐvɛ́nɔ e nɔ wú, bó nɔ gba kún kpé fí bǐ, lobɔ aɖǐvɛ́ tɔn nɔ dó azɔn gbɛtɔ́ gěgé ɔ́ ɖɔhun ó.

Eblée 12:28

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Eblée 4:1

Ée akpá e Mawu dó nú mǐ ɖɔ mǐ ná byɔ́ fí e émí ná ná gbɔjɛ́ mǐ ɖe ɔ́ lɛ́ kpo ɖo te ɔ́, hǔn mǐ ní bó cɔ́ mǐɖée, bónú mi mɛ ɖěbǔ ní ma gɔn gbɔjɛ́ énɛ́ ɔ́ mɛ byɔ́ ó.

1 Piyɛ́ɛ 1:17

Mi ɖo ɖɛ xo wɛ ɔ́, Mawu e nɔ ɖɔ hwɛ xá gbɛtɔ́ lɛ́ɛ bǐ gbɔn alɔkpa ɖokpó ɔ́ mɛ, lě e mɛ ɖokpó ɖokpó wa nǔ gbɔn ɔ́, mi nɔ ylɔ́ ɛ ɖɔ Tɔ́, hǔn mi bo ɖe sísí e mi ɖó n'i ɔ́ xlɛ́ gbɔn nǔwiwa mitɔn lɛ́ɛ mɛ, ɖo hwenu e kpo bɔ mi ná nɔ ayǐkúngban jí fí ná ɔ́ mɛ.

Nǔɖexlɛ́mɛ 15:4

Aklúnɔ, mɛ̌ ma ká ná ɖó sísí nú we ǎ? Mɛ̌ ka ná gbɛ́ ɖɔ émí kún ná kpa susu nú we ó? Đó hwi ɖokpónɔ géé wɛ nyí mǐmɛ́; to lɛ́ɛ bǐ ná wá sɛn we. Đó nǔ jlɔ́jlɔ́ e a nɔ wa lɛ́ɛ ɖe yěɖée xlɛ́ céɖécéɖé.”