Mɛsɛ́dó 4:5 - MAWUXÓWÉMA

⁵ Ayǐhɔ́ngbe tɔn ɔ́, Jwifugán lɛ́ɛ, tomɛxó lɛ́ɛ, kpódó sɛ́nkplɔ́nmɛtɔ́ lɛ́ɛ kpán wá kplé ɖo Jeluzalɛ́mu.

Mɛsɛ́dó 4:5 Iomraidhean Croise

Ezayíi 1:10

Mi Sodɔ́mu gán e mi, mi ɖótó xó e ɖɔ wɛ Mawu Mavɔmavɔ ɖe é. Mi Gomɔ́ɔ togun e mi, mi wlí tó Mawu Mavɔmavɔ mǐtɔn sín nǔkplɔ́nmɛ lɛ́ɛ wú.

Micée 2:1

Heelú mɛ e nɔ mlɔ́ ayǐ zǎn mɛ bó nɔ gɔn amlɔ dɔ́, bó nɔ ɖo nǔ nyanya e yě ná wa dó nɔzo yětɔn wú wɛ lɛ́ɛ lin wɛ lɛ́ɛ! Yě mɛ e ayǐ hɔ́n lě tlóló ɔ́, yě nɔ́ wa nǔ e yě lin ɔ́, ɖó yě ɖǒ acɛ tɔn.

Maki 15:1

É wá su zǎnzǎn tɛɛn, bɔ vɔ̌sánú-xwlémawutɔ́gán lɛ́ɛ, mɛxó lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó toxóɖɔgbɛ́ ɔ́ kpó kplé, bó yi kpá dó Jezu wú. Yě blǎ ɛ, bo kplá ɛ yi jó nú tokpɔngán Pilátu.

Luki 20:1

Gbe ɖokpó wá su, bɔ Jezu ɖo nǔ kplɔ́n mɛ lɛ́ɛ wɛ ɖo sinsɛnxɔ mɛ, bó ɖo Wɛn Ɖagbe Mawu tɔn jlá wɛ, bɔ vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó tomɛxó lɛ́ɛ kpó wá xwetɔ́n,

Luki 22:66

Ayǐ ká wá hɔ́n, bɔ tomɛxó lɛ́ɛ kpódó vɔ̌sánú-xwlémawutɔ́gán lɛ́ɛ kpó, kpódó sɛ́nkplɔ́nmɛtɔ́ lɛ́ɛ kpán wá kplé, bó dɔn Jezu yi hwɛɖɔxɔsá yětɔn ɖaxó ɔ́,

Luki 23:13

Pilátu ka ylɔ́ vɔ̌sánú-xwlémawutɔ́gán lɛ́ɛ kpódó togán lɛ́ɛ kpó, kpódó togun ɔ́ kpán kplé,

Luki 24:20

Vɔ̌sánú-xwlémawutɔ́gán lɛ́ɛ kpódó togán mǐtɔn lɛ́ɛ kpán ka sɔ́ ɛ jó ɖɔ è nǐ ɖó kúhwɛ n'i, bó ká ɛ nyi aklúzu jí.

Mɛsɛ́dó 4:8

Hwenɛ́nu ɔ́, Yɛsinsɛn gɔ́ ayi mɛ nú Piyɛ́ɛ bɔ é ɖɔ nú yě ɖɔ jí: “Gǎn lɛ́ɛ mi; tomɛxó lɛ́ɛ mi;

Mɛsɛ́dó 5:34

Lo ɔ́, Falizyɛn ɖokpó ɖo yě mɛ hwenɛ́nu; è nɔ ylɔ́ ɛ ɖɔ Gamaliyɛ́li; sɛ́nkplɔ́nmɛtɔ́ ɖaxó ɖokpó wɛ é nyí, bɔ to ɔ́ bǐ nɔ́ sí i. Nya énɛ́ sí te ɖo toxóɖɔgbɛ́ ɔ́ mɛ, bó ɖe gbe ɖɔ è nǐ ɖe mɛsɛ́dó lɛ́ɛ tɔ́n hwɛ̌.

Mɛsɛ́dó 6:12

Xó énɛ́ e yě kpá ɖɔ ɔ́ zɔ́n bɔ togun ɔ́ kpódó tomɛxó lɛ́ɛ kpó, kpódó sɛ́nkplɔ́nmɛtɔ́ lɛ́ɛ kpán bǐ xo zǐn, bó zɔn Etyɛ́ni jí bó wlí, lobo kplá ɛ hɛn yi toxóɖɔgbɛ́ ɔ́ nukɔn.