Mɛsɛ́dó 4:21 - MAWUXÓWÉMA

²¹ Ée yě ɖɔ mɔ̌ ɔ́, mɛ e ɖo toxóɖɔgbɛ́ ɔ́ mɛ lɛ́ɛ lɛ́ ván nukún dó yě, lobo jó yě. Yě tunwun lě e yě ná dɔn tó nú yě gbɔn é ǎ, ɖó togun ɔ́ wú. Đó togun ɔ́ bǐ wɛ ɖo susu kpa nú Mawu wɛ, ɖó nǔ énɛ́ e jɛ ɔ́ wú.

Mɛsɛ́dó 4:21 Iomraidhean Croise

Matíe 15:31

Ée mɛ lɛ́ɛ mɔ ɖɔ ɖɛ̌kúnánɔ lɛ́ɛ ɖo xó ɖɔ wɛ céɖécéɖé, bɔ wǔ syɛ́n wɔ̌ngblénánɔ lɛ́ɛ, bɔ sékúnɔ lɛ́ɛ ɖo zɔnlin ɖi wɛ, bɔ nukúntíntɔ́nnɔ lɛ́ɛ ɖo nǔ mɔ wɛ ɔ́, é kpácá yě ɖésú, bɔ yě jɛ susu kpa nú Mawu e Izlayɛ́li ví lɛ́ɛ nɔ́ sɛn é jí.

Matíe 21:46

bɔ yě ɖo biba ná wlí i wɛ; lo ɔ́, yě ɖi xɛsi nú togun ɔ́, ɖó togun ɔ́ sɔ́ Jezu dó ɖó gbeyíɖɔ Mawu tɔn ná.

Matíe 26:5

Lo ɔ́, yě ɖo ɖiɖɔ wɛ ɖo yěɖée tɛ́ntin ɖɔ: “Mǐ sixú wlí i xwe ɔ́ hwenu ǎ; é ma nyí mɔ̌ ǎ ɔ́, togun ɔ́ ná fɔ́n gǔ.”

Matíe 9:33

Ée Jezu nya yɛ nyanya ɔ́ sín ɖɛ̌kúnánɔ ɔ́ jí ɔ́, é jɛ xó ɖɔ jí. Nǔ énɛ́ ɔ́ kpácá mɛ lɛ́ɛ ɖésú, bɔ yě nɔ́ ɖɔ: “Mǐ mɔ nǔ lěhunkɔtɔn kpɔ́n gbeɖé ɖo Izlayɛ́li ǎ.”

Matíe 9:8

Ée mɛ lɛ́ɛ mɔ nǔ e jɛ énɛ́ ɔ́, xɛsi jɛ yě jí, bɔ yě jɛ susu kpa nú Mawu jí, ɖó acɛ mɔ̌hunkɔtɔn e é ná gbɛtɔ́ lɛ́ɛ ɔ́ wú.

Luki 13:17

Hwenu e Jezu ɖo mɔ̌ ɖɔ wɛ ɔ́, winnyá hu kɛntɔ́ tɔn lɛ́ɛ bǐ. Nǔ ɖaxó ɖaxó e jlɛ́ wɛ é ɖe lɛ́ɛ ká hun xomɛ nú mɛ lɛ́ɛ.

Luki 20:19

Gan énɛ́ mɛ ɖokpó ɔ́, vɔ̌sánú-xwlémawutɔ́gán lɛ́ɛ kpódó sɛ́nkplɔ́nmɛtɔ́ lɛ́ɛ kpán ɖo lě e yě ná wa gbɔn, bɔ alɔ ná jɛ Jezu wú ɔ́ ba wɛ, ɖó yě tunwun ɖɔ émí nyi mǎ wɛ é ɖe; lo ɔ́, yě ɖo xɛsi ɖi nú togun ɔ́ wɛ.

Luki 20:6

Ényí mǐ ka yí gbe ɖɔ gbɛtɔ́ lɛ́ɛ wɛ ɔ́, to ɔ́ bǐ ná nyi awǐnnyaglo dó hu mǐ ná, ɖó mɛ bǐ wɛ nɔ mɔ Jǎan dó mɔ gbeyíɖɔ Mawu tɔn.”

Luki 22:2

Vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpán ɖo lě e yě ná hu Jezu gbɔn ɔ́ sín wě ɖe wɛ; lo ɔ́, yě ɖo xɛsi ɖi nú to lɛ́ɛ wɛ.

Luki 5:26

Ahwi xo yě bǐ, bɔ yě jɛ susu kpa nú Mawu jí. Xɛsi ɖo yě jí, bɔ yě nɔ ɖɔ: “Nǔ e mǐ ma mɔ kpɔ́n gbeɖé ǎ wɛ mǐ mɔ égbé!”

Mɛsɛ́dó 4:17

Lo ɔ́, mǐ ná tɛ́nkpɔ́n nú xó ɔ́ má sɔ́ gba kpé d'é jí ɖo togun ɔ́ mɛ ó; mǐ ná ván nukún dó yě, bó dó sɛ́n nú yě ɖɔ yě ma sɔ́ ɖɔ xó nú mɛ ɖěbǔ ɖo Jezu nyǐkɔ mɛ ó.”

Mɛsɛ́dó 4:22

Nya e sín azɔn gbɔ gbɔn nǔ e Jezu jlɛ́ gbɔn yě jí nɛ́ ɔ́ gbla mɛ ɔ́ ko ɖó xwe kanɖé (40) zɛ wú.

Mɛsɛ́dó 5:13

Mɛɖěvo sɔ́ nɔ́ glá gɔ́ nú yě ǎ; lo ɔ́, togun ɔ́ yí wǎn nú yě ɖésú.

Mɛsɛ́dó 5:26

Bɔ sinsɛnxɔcɔ́tɔ́ lɛ́ɛ sín gǎn kpódó mɛ tɔn lɛ́ɛ kpán yí kplá mɛsɛ́dó lɛ́ɛ wá; yě ka kplá yě kpódó zǐngídi kpó ǎ, ɖó yě ɖo xɛsi ɖi wɛ ɖɔ togun ɔ́ táá wá nyi awǐnnyaglo dó hu émí.

Mɛsɛ́dó 5:40

Ée é ɖɔ mɔ̌ ɔ́, yě bǐ yí gbe nú xó tɔn, bó ka ylɔ́ mɛsɛ́dó lɛ́ɛ, lobo zɔ́n bɔ è xo yě, bó dó sɛ́n nú yě ɖɔ yě má sɔ́ ɖɔ xó dó Jezu nyǐkɔ tamɛ ɖě ó, lobo jó yě dó.