Mɛsɛ́dó 4:13 - MAWUXÓWÉMA

¹³ Mɛ e ɖo toxóɖɔgbɛ́ ɔ́ mɛ lɛ́ɛ mɔ ɖɔ Piyɛ́ɛ kpódó Jǎan kpán ɔ́, gbɛtɔ́ yǎyá ɖé kpowun wɛ yě nyí; yě kún se wěma ɖé ó; lě e yě ka gbó adɔ, bó ɖo xó ɖɔ gbɔn wɛ ɔ́ nyí nǔɖé, bó kpácá yě tlala. Yě ka mɔ nǔ jɛ yě wú ganjí ɖɔ yě mɛ e ko zɔn xá Jezu lɛ́ɛ ɖěe wɛ.

Mɛsɛ́dó 4:13 Iomraidhean Croise

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

Matíe 26:71

Ée Piyɛ́ɛ ɖidó hɔntogbó ɔ́ kɔn ɔ́, mɛsɛntɔ́ nyɔ̌nu ɖěvo mɔ ɛ, bó ɖɔ nú mɛ e ɖo fínɛ́ lɛ́ɛ ɖɔ: “Mɛ élɔ́ ko nyí ahwanvú Jezu Nazalɛ́tinu ɔ́ tɔn kpɔ́n.”

Matíe 26:73

Ée é ka nɔ zaan kpɛɖé ɔ́, mɛ e ɖo fínɛ́ lɛ́ɛ sɛkpɔ́ Piyɛ́ɛ, bo ɖɔ n'i ɖɔ: “Hwi lɔ ɖo yě mɛ dandan, ɖó gbe e ɖo kɔ towe nu ɔ́ ko ɖe xlɛ́.”

Luki 22:8

Jezu ka sɛ́ Piyɛ́ɛ kpódó Jǎan kpó dó, bó ɖɔ nú yě ɖɔ: “Mi yi bló tɛnmɛ ɖó, bó ɖa nǔɖuɖu e mǐ nǎ dó ɖu Dǐndínwáyixwe ɔ́ ná é.”

Jǎan 19:26

Ée Jezu mɔ nɔ tɔn, bó ka mɔ ahwanvú tɔn e é yí wǎn ná ɔ́ ɖo te ɖo akpá tɔn ɔ́, é ɖɔ nú nɔ tɔn ɖɔ: “Nǎna, vǐ towe nɛ́!”

Jǎan 7:15

Lě e kplɔ́n nǔ mɛ gbɔn wɛ é ɖe ɔ́ kpácá Jwifugán lɛ́ɛ káká bɔ yě nɔ ɖɔ: “Nya élɔ́ má ka yi wěmaxɔmɛ kpɔ́n nɛ́! Nɛ̌ é ká wa gbɔn bó tunwun Mawuxówéma ɔ́ sɔ mɔ̌?”

Jǎan 7:49

Mɛ tobutóbú élɔ́ lɛ́ɛ e ma ka tunwun Mɔyízi sɛ́n ɔ́ ǎ, bo ɖo xwixwedó e wɛ lɛ́ɛ ɔ́, nu wɛ è ko dó yě.”

Mɛsɛ́dó 4:14

Lo ɔ́, ée yě mɔ mɛ e yě gbɔ azɔn ná ɔ́ ɖo te ɖo yě kpá ɔ́, yě sɔ́ tunwun nǔ e yě ná ɖɔ d'é wú ɔ́ ǎ.

Mɛsɛ́dó 4:19

Piyɛ́ɛ kpódó Jǎan kpán ka yí xó, bó ɖɔ nú yě ɖɔ: “Mi ɖésú mi kpɔ́n ɖɔ é sɔgbe ɖo Mawu nukɔn ɖɔ è nǐ se tónú nú mi hú è nǐ se tónú nú Mawu ají.

Mɛsɛ́dó 4:29

Din ɔ́, Aklúnɔ, kpɔ́n adǎn e gblɔ́n nú mǐ wɛ yě ɖe é, bó bló bónú mǐ mɛ mɛsɛntɔ́ towe lɛ́ɛ ná ɖó akɔ́nkpinkpan, bó jlá xó towe kpódó jiɖiɖe bǐ kpán.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 9:27

Baanabási ka kplá Sólu hɛn yi mɛsɛ́dó lɛ́ɛ gɔ́n, bó wlí lě e é mɔ Aklúnɔ gbɔn ɖo ali jí é, lě e Aklúnɔ ɖɔ xó n'i gbɔn é ɖɔ nú yě; é ɖɔ lě e Sólu ɖésú gbó adɔ bó jlá Mawuxó ɔ́ ɖo Jezu sín nyǐkɔ mɛ gbɔn, ɖo togun mɛ agbawungba ɖo Damási é bǐ nú yě.

Mɛsɛ́dó 9:28

Bɛ́ sín hwenɛ́nu ɔ́, yě yí Sólu, bɔ é nɔ ɖo yiyi wɛ, bó nɔ́ ɖo wǐwá wɛ, bó nɔ́ gbó adɔ dó ɖɔ Mawuxó, ɖo Aklúnɔ nyǐkɔ mɛ, ɖo Jeluzalɛ́mu.

1 Kɔlɛ́ntinu 1:27

Lo ɔ́, Mawu sɔ́ nǔ e gbɛtɔ́ lɛ́ɛ nɔ mɔ dó mɔ xlo ná ɔ́ dó dó winnyá nǔnywɛ́tɔ́ lɛ́ɛ ná; é sɔ́ nǔ e yě nɔ mɔ dó mɔ vǐvɔ́ ná ɔ́ dó dó winnyá mɛ e ɖó hlɔ̌nhlɔ́n lɛ́ɛ.

1 Kɔlɛ́ntinu 14:25

Bɔ nǔ e ɖo hwlǎhwlá ɖo ayi tɔn mɛ lɛ́ɛ bǐ sésé ná jɛ wě jí. Hwenɛ́nu ɔ́, é ná cyɔ́n nukún mɛ ayǐ, bó ná sɛn Mawu, bó ná ɖɔ: “Mawu ɖo tɛ́ntin mitɔn nǔgbó.”

2 Kɔlɛ́ntinu 3:12

Nukúnɖíɖó mɔ̌hunkɔtɔn e mǐ ɖó ɔ́ wú wɛ mǐ ɖó jiɖiɖe sɔ mɔ̌.