Mɛsɛ́dó 4:1 - MAWUXÓWÉMA

¹ Piyɛ́ɛ kpódó Jǎan kpán kpo ɖo xó ɖɔ nú togun ɔ́ wɛ, bɔ vɔ̌sánú-xwlémawutɔ́ lɛ́ɛ kpódó sinsɛnxɔcɔ́tɔ́ lɛ́ɛ sín gǎn kpó, sinsɛngbɛ́ e è nɔ ylɔ́ ɖɔ Saduseɛn lɛ́ɛ kpó wá xwetɔ́n.

Mɛsɛ́dó 4:1 Iomraidhean Croise

Matíe 16:12

Hwenɛ́nu wɛ yě wá mɔ nǔ jɛ wú ɖɔ é kún nyí ɖɔ émí ní cɔ́ émíɖée dó tɔ́n wú xó ɖɔ nú émí wɛ é ɖe ó; lo ɔ́, nǔkplɔ́nmɛ Falizyɛn lɛ́ɛ tɔn kpódó Saduseɛn lɛ́ɛ tɔn kpó xó ɖɔ nú émí wɛ é ɖe.

Matíe 22:16

bɔ yě sɛ́ ahwanvú yětɔn lɛ́ɛ kpódó toxóɖɔgbɛ́ Elódu tɔn ɖé lɛ́ɛ kpó dó gɔ̌n tɔn, bɔ yě yi ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ, bɔ a nɔ xlɛ́ Mawu sín ali ɔ́ mɛ titewungbe; a nɔ ɖi xɛsi nú nǔ e lin wɛ gbɛtɔ́ lɛ́ɛ ɖe ɔ́ ǎ, ɖó a nɔ kpɔ́n mɛɖé sín nukúnta dó ɖɔ xó ǎ.

Matíe 27:20

Vɔ̌sánú-xwlémawutɔ́gán lɛ́ɛ kpódó tomɛxó lɛ́ɛ kpó ka bló káká bɔ ahwan ɔ́ yí dó xó yětɔn jí, bó byɔ́ ɖɔ è jǒ Balabási, bó hu Jezu.

Matíe 27:41

Mɔ̌ jɛ́n wɛ vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó tomɛxó lɛ́ɛ kpó lɔ ɖo slǎmɛ ɖɔ wǔ tɔn wɛ, bó nɔ́ ɖɔ:

Matíe 3:7

Ée é mɔ Falizyɛn lɛ́ɛ kpódó Saduseɛn lɛ́ɛ gěgé kpó wá yɛhwesin lɛ gbé ɔ́, é ɖɔ nú yě ɖɔ: “Jakpata kúnkan e mi! Mɛ̌ ka kplɔ́n mi ɖɔ mi ní hɔn nú xomɛsin Mawu tɔn e jǎwe ɔ́?”

Luki 20:1

Gbe ɖokpó wá su, bɔ Jezu ɖo nǔ kplɔ́n mɛ lɛ́ɛ wɛ ɖo sinsɛnxɔ mɛ, bó ɖo Wɛn Ɖagbe Mawu tɔn jlá wɛ, bɔ vɔ̌sánú-xwlémawutɔ́gán lɛ́ɛ, kpódó sɛ́nkplɔ́nmɛtɔ́ lɛ́ɛ kpó, kpódó tomɛxó lɛ́ɛ kpó wá xwetɔ́n,

Luki 22:4

bɔ Judási yi mɔ vɔ̌sánú-xwlémawutɔ́gán lɛ́ɛ kpódó sɔ́jagán lɛ́ɛ kpán, bó ɖɔ xó xá yě dó lě e é ná jó Jezu nú yě gbɔn ɔ́ wú.

Jǎan 15:20

Mi vɛ́ nɔ flín xó e un ko ɖɔ nú mi é: ‘Mɛsɛntɔ́ nɔ hú gǎn gǎn tɔn ǎ.’ Ényí yě dó ya nú mì ɔ́, yě ná dó ya nú mi lɔmɔ̌; yě ká xwedó xó ce lɛ́ɛ ɔ́, yě ná xwedó xó mi lɔmɔ̌ tɔn lɛ́ɛ.

Jǎan 18:3

Énɛ́ ɔ́, Judási kplá sɔ́jahwan lɛ́ɛ kpódó sinsɛnxɔcɔ́tɔ́ e vɔ̌sánú-xwlémawutɔ́gán lɛ́ɛ, kpódó Falizyɛn lɛ́ɛ kpó ná ɛ lɛ́ɛ kpó, bɔ yě yi jikpá ɔ́ mɛ. Yě hɛn zogbɛ́n, bó hɛn zohwín kpódó alǐnnyánú kpó alɔ nu.

Mɛsɛ́dó 4:6

Vɔ̌sánú-xwlémawutɔ́ ɖaxó Hanna ɖo tɛn énɛ́ mɛ, kpódó Kayífu kpó, kpó Jǎan kpó, kpódó Alɛsándlu kpó, kpódó vɔ̌sánú-xwlémawutɔ́ ɖaxó ɔ́ sín hɛ̌nnumɔ lɛ́ɛ bǐ sésé kpán.

Mɛsɛ́dó 5:17

Vɔ̌sánú-xwlémawutɔ́ ɖaxó ɔ́ kpódó mɛ e ɖo kpɔ́ xá ɛ lɛ́ɛ bǐ kpó jɛ wǔ hwan jí, bó sí te dó mɛsɛ́dó lɛ́ɛ jí. Mɛ e ɖo kpɔ́ xá ɛ lɛ́ɛ wɛ nyí Saduseɛn lɛ́ɛ.

Mɛsɛ́dó 5:24

Ée sinsɛnxɔcɔ́tɔ́ lɛ́ɛ sín gǎn, kpódó vɔ̌sánú-xwlémawutɔ́gán lɛ́ɛ kpán se mɔ̌ ɔ́, yě bǔ ayǐ ɖo mɛsɛ́dó énɛ́ lɛ́ɛ sín xó kpódó nǔ e ná wá jɛ gúdo lɛ́ɛ kpó mɛ.

Mɛsɛ́dó 5:26

Bɔ sinsɛnxɔcɔ́tɔ́ lɛ́ɛ sín gǎn kpódó mɛ tɔn lɛ́ɛ kpán yí kplá mɛsɛ́dó lɛ́ɛ wá; yě ka kplá yě kpódó zǐngídi kpó ǎ, ɖó yě ɖo xɛsi ɖi wɛ ɖɔ togun ɔ́ táá wá nyi awǐnnyaglo dó hu émí.

Mɛsɛ́dó 6:12

Xó énɛ́ e yě kpá ɖɔ ɔ́ zɔ́n bɔ togun ɔ́ kpódó tomɛxó lɛ́ɛ kpó, kpódó sɛ́nkplɔ́nmɛtɔ́ lɛ́ɛ kpán bǐ xo zǐn, bó zɔn Etyɛ́ni jí bó wlí, lobo kplá ɛ hɛn yi toxóɖɔgbɛ́ ɔ́ nukɔn.

Mɛsɛ́dó 6:7

Mawuxó ɔ́ ka jɛ gbigba kpé jí, bɔ ahwanvú lɛ́ɛ ɖo kpɔ́ sú d'é jí wɛ ɖo Jeluzalɛ́mu, bɔ vɔ̌sánú-xwlémawutɔ́ wɔ̌buwɔ́bú ɖé lɛ́ɛ jɛ nǔ ɖi nú Jezu jí ɖo Jwifu lɛ́ɛ mɛ.