Mɛsɛ́dó 3:6 - MAWUXÓWÉMA

⁶ Piyɛ́ɛ ka ɖɔ n'i ɖɔ jí: “Un ɖó akwɛ́ ǎ, un ka ɖó siká ǎ, lo ɔ́, nǔ e un ɖó ɔ́, un ná ná we; ɖo Jezu Klísu Nazalɛ́tinu ɔ́ sín nyǐkɔ mɛ ɔ́: ɖi zɔnlin.”

Mɛsɛ́dó 3:6 Iomraidhean Croise

Matíe 10:9

Mi ma hɛn siká ó, mi ma hɛn kpatágan ó, mi ma ka hɛn akwɛ́ dó ganɖɔkɛn mɛ ó;

Matíe 7:22

Ɖó gbe e gbe Mawu ná ɖɔ hwɛ xá gbɛtɔ́ lɛ́ɛ bǐ ɔ́, mɛ gěgé ná ɖɔ nú mì ɖɔ: ‘Aklúnɔ, Aklúnɔ, é ma ka nyí nyǐkɔ towe mɛ wɛ mǐ ɖɔ Mawuxó nú gbɛtɔ́ lɛ́ɛ dó a? É ma nyí nyǐkɔ towe mɛ wɛ mǐ nya yɛ nyanya lɛ́ɛ dó a? Nǔ tɛnmɛ tɛnmɛ e mǐ jlɛ́ lɛ́ɛ ɔ́, nyǐkɔ towe mɛ wɛ mǐ jlɛ́ dó ǎ cé?’

Maki 14:8

Lě e é kpé wú gbɔn ɔ́ nɛ́ é bló gbɔn nɛ́; lě e è nɔ sá ami nú cyɔ bó nɔ ɖi ɔ́ wɛ é ko sá nú agbaza ce ɖ'ayǐ din nú gbe e gbe è nǎ ɖi mì é.

Maki 16:17

Nǔ e mɛ e ɖi nǔ nú mì lɛ́ɛ ná nɔ jlɛ́ ɔ́ ɖíe: ɖo nyǐkɔ ce mɛ ɔ́, yě ná nɔ́ nya yɛ nyanya lɛ́ɛ sín gbɛtɔ́ lɛ́ɛ jí, bó ná nɔ́ ɖɔ xó dó gbe yɔ̌yɔ́ mɛ.

Jǎan 19:19

Pilátu wlán xógbe élɔ́, bó sɔ́ ɖó aklúzu ɔ́ jí aga ɖɔ: “Jezu Nazalɛ́ti tɔn, Jwifu lɛ́ɛ xɔ́sú.”

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 16:18

Mɔ̌ wɛ é ɖo mǐ gúdo xɔ azǎn mɔ̌kpán, bɔ é wá vɛ́ Pɔ́lu wú gbe ɖokpó, bɔ é lɛ́ kɔ bó ɖɔ nú yɛ e ɖo nyɔ̌nu ɔ́ jí ɔ́ ɖɔ: “Đo Jezu Klísu nyǐkɔ mɛ ɔ́, un ɖe gbe dó we: gosín nyɔ̌nu élɔ́ jí;” bɔ yɛ ɔ́ gosín nyɔ̌nu ɔ́ jí tlóló tɛn tɔn mɛ.

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 2:36

“Izlayɛ́li ví lɛ́ɛ bǐ ní bó tunwun ganjí ɖɔ Jezu énɛ́ e mi ká nyi aklúzu jí ɔ́ wɛ Mawu sɔ́ Aklúnɔ, bó lɛ́ sɔ́ Klísu.”

Mɛsɛ́dó 3:16

Nǔɖiɖi ɖó nú hlɔ̌nhlɔ́n e Jezu sín nyǐkɔ ɖó ɔ́ zɔ́n, bɔ nyǐkɔ énɛ́ ná hlɔ̌nhlɔ́n nya e mi ko tunwun, bó ka ɖo mimɔ wɛ din é; nǔɖiɖi ɖó n'i wɛ zɔ́n, bɔ nya élɔ́ sín azɔn gbɔ bǐ sésé lě e mi ɖésúnɔ ɖo mimɔ gbɔn wɛ din é.

Mɛsɛ́dó 3:5

Sékúnɔ ɔ́ ka jɛ yě kpɔ́n jí ma ɖe nukún, bó vɛdó ɖɔ nǔɖé ná ná émí wɛ yě ɖe sín.

Mɛsɛ́dó 3:7

Piyɛ́ɛ ɖɔ mɔ̌ bó hɛn alɔ tɔn ɖisí ɔ́, bó sɔ́ ɛ sí te, bɔ azɔn ɖokpó ɔ́, sékúnɔ ɔ́ sín afɔ lɛ́ɛ kpódó afɔgómɛ tɔn lɛ́ɛ kpó syɛ́n,

Mɛsɛ́dó 4:10

Mi bǐ kpódó Izlayɛ́li togun ɔ́ lɔmɔ̌ kpó ní tunwun ɖɔ Jezu Klísu Nazalɛ́tinu e mi ká nyi aklúzu jí, bɔ Mawu ka fɔ́n ɛ sín kú ɔ́ sín nyǐkɔ mɛ wɛ nya énɛ́ ɖo ganjí ɖe, bó ɖo te nukɔn mitɔn din.

Mɛsɛ́dó 4:7

Yě zɔ̌n bɔ è kplá Piyɛ́ɛ kpódó Jǎan kpán wá nukɔn yětɔn, bɔ yě kanbyɔ́ yě ɖɔ jí: “Mɛ̌ sín acɛ mɛ abǐ mɛ̌ sín nyǐkɔ mɛ mi ka bló nǔ énɛ́ dó?”

Mɛsɛ́dó 9:34

Piyɛ́ɛ ka ɖɔ n'i ɖɔ: “Enɛ́ɛ, Jezu Klísu gbɔ azɔn nú we; sí te bó mlá zan towe.” Bɔ é sí te tlóló tɛn tɔn mɛ.

1 Kɔlɛ́ntinu 4:11

Káká jɛ gan élɔ́ mɛ ɔ́, mǐ mɔ nǔ ná ɖu ǎ, mǐ ka mɔ sin ná nu ǎ; avɔ vún mǐ; è xo mǐ; mǐ flú yi dě ɔ́, mǐ nɔ́ flú yi dě.

2 Kɔlɛ́ntinu 6:10

È nɔ dɔn mǐ dó aluwɛ mɛ, có mǐ nɔ́ ɖo awǎjijɛ mɛ hwebǐnu; mǐ cí wamamɔnɔ ɖɔhun; lo ɔ́, mǐ nɔ́ dó dɔkun nú mɛ gěgé; mǐ cí mɛ e ma ɖó nǔɖé ɖɔhun, è ka ná ɖɔ nǔgbó ɔ́, mǐ ɖó nǔ bǐ.

2 Kɔlɛ́ntinu 8:12

Đó, nú è sɔ́ jlǒ ɖagbe dó ná nǔ mɛ ɔ́, nǔ e ɖo mɛ sí ɔ́ wɛ Mawu nɔ́ kpɔ́n, bó nɔ yí nǔníná énɛ́; é nyí nǔ e ma ɖo mɛ sí ǎ ɔ́ wɛ é nɔ kpɔ́n ǎ.

2 Kɔlɛ́ntinu 8:9

Đó mi tunwun wǔ e Aklúnɔ mǐtɔn Jezu Klísu jɔ mi é: éyɛ́ mɛ e nyí dɔkunnɔ ɔ́, é sɔ́ éɖée dó bló wamamɔnɔ dó ta mitɔn mɛ, bó ná dó dó dɔkun nú mi gbɔn wamamɔnɔ nyínyí tɔn gbla mɛ.

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

1 Piyɛ́ɛ 4:10

Nǔníná tɛnmɛ tɛnmɛ wɛ Mawu ná mi. Mɛ ɖokpó ɖokpó ɖó ná nyí nǔjíkpɔ́ntɔ́ ɖagbe nǔníná e Mawu ná ɛ tɔn, bó ɖó ná zán nú ɖagbe mɛ bǐ tɔn.