Mɛsɛ́dó 3:21 - MAWUXÓWÉMA

²¹ Amɔ̌, din ɔ́, Jezu ná to ɖo Mawu gɔ́n hwɛ̌, káká jɛ hwenu e Mawu ná lɛ́ vɔ́ nǔ bǐ húzú dó, lě e é ko ɖɔ gbɔn ɖ'ayǐ xóxó gbɔn gbeyíɖɔ mímɛ́ tɔn lɛ́ɛ jí é.

Mɛsɛ́dó 3:21 Iomraidhean Croise

Ezayíi 1:26

Un ná zé hwɛɖɔtɔ́ towe lɛ́ɛ dó húzú hwɛɖɔtɔ́ ɖ'ayǐ tɔn lɛ́ɛ, un ná zé azaglɔ́gán towe lɛ́ɛ dó húzú azaglɔ́gán xóxó tɔn lɛ́ɛ; énɛ́ ɔ́, è nǎ nɔ́ ylɔ́ we ɖɔ ‘Toxo hwɛjijɔ tɔn’ ‘Toxo gbejínɔtɔ́.’ ”

Luki 1:70

Nǔ e é ko ɖɔ ɖ'ayǐ xóxó, gbɔn gbeyíɖɔ mímɛ́ tɔn lɛ́ɛ jí é nɛ́.

Mɛsɛ́dó 1:11

bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”

Mɛsɛ́dó 10:43

É wɛ gbeyíɖɔ Mawu tɔn lɛ́ɛ bǐ ɖe kúnnu ná ɖɔ jí: ‘Mɛ e ná ɖi nǔ n'i lɛ́ɛ ɔ́, Mawu ná sɔ́ hwɛ yětɔn lɛ́ɛ kɛ yě, gbɔn hlɔ̌nhlɔ́n e Jezu sín nyǐkɔ ɖó ɔ́ gbla mɛ.’ ”

Mɛsɛ́dó 3:19

Hǔn mi bo lɛ́ kɔ sín hwɛ mitɔn lɛ́ɛ gúdo, bó wá Mawu gɔ́n, bónú é ná súnsún hwɛ mitɔn lɛ́ɛ.

Mɛsɛ́dó 3:20

Aklúnɔ Mawu ná sɛ́ fífá sín hwenu lɛ́ɛ dó mi, bó ná sɛ́ mɛ e é ko sɔ́ ɖ'ayǐ nú mi ɔ́ dó mi; mɛ ɔ́ wɛ nyí Jezu Klísu.

Hlɔ̌manu 8:21

Đó è nǎ ɖe yě sín acɛ nǔhɛngblétɔ́ e hɛn yě dó hɛn gantɔ́ ná ɔ́ tɔn mɛ gbe ɖokpó, bɔ yě ná ɖó mǐmá ɖo mɛɖée sí jijɛ susunɔ e Mawu ví lɛ́ɛ ɖó ɔ́ mɛ.

Eblée 1:1

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ.

2 Piyɛ́ɛ 1:21

Đó mɛ ɖěbǔ nɔ sɔ́ jlǒ é ɖésúnɔ tɔn kpowun dó ɖɔ Mawuxó ɔ́ ná kpɔ́n gbeɖé ǎ; lo ɔ́, Yɛsinsɛn wɛ nɔ sɔ́ dó ayi mɛ nú gbɛtɔ́ lɛ́ɛ, bɔ yě nɔ ɖɔ xó e Mawu ɖɔ yě ní ɖɔ é.

2 Piyɛ́ɛ 3:2

Un jló ɖɔ mi ná nɔ flín xó e gbeyíɖɔ mímɛ́ Mawu tɔn lɛ́ɛ ɖɔ ɖ'ayǐ xóxó lɛ́ɛ kpódó nǔ e Aklúnɔ Mɛhwlɛ́ngántɔ́ zɔ́n ɖɔ mi ní wa, bɔ mɛsɛ́dó mitɔn lɛ́ɛ kplɔ́n mi ɔ́ kpán.

Nǔɖexlɛ́mɛ 18:20

Jǐnukúnsin! Jɛ awǎ ɖó gba e é gba ɔ́ wú! Mɛɖeɖóvo Mawu tɔn lɛ́ɛ, mɛsɛ́dó lɛ́ɛ kpó gbeyíɖɔ lɛ́ɛ kpó e, mi lɔmɔ̌ ní jɛ awǎ! Đó Mawu ko ɖó nǔ nyanya e é wa nú mi ɔ́ sín hwɛ n'i.

Nǔɖexlɛ́mɛ 22:6

Énɛ́ ɔ́ gúdo ɔ́, wɛnsagun ɔ́ ɖɔ nú mì ɖɔ: “Xó nǔgbó wɛ nyí xó élɔ́ lɛ́ɛ, bó nyí xó e wú è ná ɖeji dó lɛ́ɛ. Bɔ Aklúnɔ Mawu e nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě ɔ́ sɛ́ wɛnsagun tɔn dó, bɔ é ná xlɛ́ nǔ e ɖó ná jɛ ɖo malín málín mɛ din lɛ́ɛ mɛsɛntɔ́ tɔn lɛ́ɛ.”