Mɛsɛ́dó 3:16 - MAWUXÓWÉMA

¹⁶ Nǔɖiɖi ɖó nú hlɔ̌nhlɔ́n e Jezu sín nyǐkɔ ɖó ɔ́ zɔ́n, bɔ nyǐkɔ énɛ́ ná hlɔ̌nhlɔ́n nya e mi ko tunwun, bó ka ɖo mimɔ wɛ din é; nǔɖiɖi ɖó n'i wɛ zɔ́n, bɔ nya élɔ́ sín azɔn gbɔ bǐ sésé lě e mi ɖésúnɔ ɖo mimɔ gbɔn wɛ din é.

Mɛsɛ́dó 3:16 Iomraidhean Croise

Matíe 14:29

Bɔ Jezu ɖɔ n'i ɖɔ: “Wǎ!” Piyɛ́ɛ ka tɔ́n sín tɔjíhún ɔ́ mɛ, bó jɛ zɔnlin ɖi jí, bó ɖidó Jezu gɔ́n.

Matíe 9:22

Jezu ka lɛ́ kɔ bó mɔ ɛ, bó ɖɔ n'i ɖɔ: “Vǐ ce, ɖǒ akɔ́nkpinkpan, nǔɖiɖi towe zɔ́n bɔ azɔn towe gbɔ .” Tlóló ɔ́, azɔn gbɔ nú nyɔ̌nu ɔ́.

Jǎan 14:12

Ma ɖɔ nǔgbó nú mi: mɛ e ɖi nǔ nú mì ɔ́ ná jlɛ́ nǔ e jlɛ́ wɛ un ɖe lɛ́ɛ, bó ná lɛ́ jlɛ́ hú mɔ̌; ɖó un ko xwe Tɔ́ ɔ́ gɔ́n.

Jǎan 7:23

É ma nyí Mɔyízisɛ́n ɔ́ nyi wɛ mi ɖe bó nɔ́ gbo ada nú mɛ gbɔjɛzán gbe a? Étɛ́wú mi ka ɖo xomɛ sin dó nyɛ mɛ e gbɔ azɔn nú gbɛtɔ́ blěbǔ ɖokpó gbɔjɛzán gbe ɔ́ wɛ.

Mɛsɛ́dó 14:9

É ɖo xó e ɖɔ wɛ Pɔ́lu ɖe ɔ́ ɖótó wɛ. Pɔ́lu sín nukún wá yi jɛ jǐ tɔn, bɔ é kpɔ́n ɛ tlítlí, bó mɔ ɖɔ nya énɛ́ ɖó nǔɖiɖi e ná zɔ́n bɔ azɔn tɔn ná gbɔ é.

Mɛsɛ́dó 16:18

Mɔ̌ wɛ é ɖo mǐ gúdo xɔ azǎn mɔ̌kpán, bɔ é wá vɛ́ Pɔ́lu wú gbe ɖokpó, bɔ é lɛ́ kɔ bó ɖɔ nú yɛ e ɖo nyɔ̌nu ɔ́ jí ɔ́ ɖɔ: “Đo Jezu Klísu nyǐkɔ mɛ ɔ́, un ɖe gbe dó we: gosín nyɔ̌nu élɔ́ jí;” bɔ yɛ ɔ́ gosín nyɔ̌nu ɔ́ jí tlóló tɛn tɔn mɛ.

Mɛsɛ́dó 3:6

Piyɛ́ɛ ka ɖɔ n'i ɖɔ jí: “Un ɖó akwɛ́ ǎ, un ka ɖó siká ǎ, lo ɔ́, nǔ e un ɖó ɔ́, un ná ná we; ɖo Jezu Klísu Nazalɛ́tinu ɔ́ sín nyǐkɔ mɛ ɔ́: ɖi zɔnlin.”

Mɛsɛ́dó 3:8

bɔ é lɔ́n xwete, bó jɛ zɔnlin ɖi jí, bó xwedó yě byɔ́ sinsɛnxɔ ɔ́ mɛ, bó ɖo zɔnlin ɖi wɛ, bó ɖo jǐ lɔ́n yi wɛ, bó ɖo susu kpa nú Mawu wɛ.

Mɛsɛ́dó 4:10

Mi bǐ kpódó Izlayɛ́li togun ɔ́ lɔmɔ̌ kpó ní tunwun ɖɔ Jezu Klísu Nazalɛ́tinu e mi ká nyi aklúzu jí, bɔ Mawu ka fɔ́n ɛ sín kú ɔ́ sín nyǐkɔ mɛ wɛ nya énɛ́ ɖo ganjí ɖe, bó ɖo te nukɔn mitɔn din.

Mɛsɛ́dó 4:30

Dlɛ̌n alɔ towe, bónú nǔjlɛ́jlɛ́ lɛ́ɛ kpódó nǔdábaɖa lɛ́ɛ kpó ná tíin, ɖo mɛsɛntɔ́ towe mímɛ́ Jezu sín nyǐkɔ mɛ.”

Mɛsɛ́dó 4:7

Yě zɔ̌n bɔ è kplá Piyɛ́ɛ kpódó Jǎan kpán wá nukɔn yětɔn, bɔ yě kanbyɔ́ yě ɖɔ jí: “Mɛ̌ sín acɛ mɛ abǐ mɛ̌ sín nyǐkɔ mɛ mi ka bló nǔ énɛ́ dó?”

Hlɔ̌manu 3:22

Mawu nɔ́ sɔ́ gbɛtɔ́ lɛ́ɛ dó húzú hwɛjijɔnɔ ná ɖo nukún tɔn mɛ, gbɔn nǔ e yě ɖi nú Jezu Klísu é jí. É nɔ wa mɔ̌ nú mɛ e nɔ ɖi nǔ nú Klísu lɛ́ɛ bǐ, ɖó ɖo Mawu gɔ́n ɔ́, vogbingbɔn ɖěbǔ ɖo yě mɛ ǎ.

1 Kɔlɛ́ntinu 13:2

Ényí un ná bo ɖó nǔníná e nɔ yí wɛn ɖo Mawu sí, bó nɔ dó ɔ́, un ná bó mɔ nukúnnú jɛ nǔbúdo lɛ́ɛ bǐ wú, bó ná bó tunwun nǔ bǐ ɔ́, un ná bó ɖó nǔɖiɖi e sixú sɛ tɛn nú só ɔ́, bó ma ka ɖó wǎn yíyí ǎ ɔ́, un nyí nǔtí ǎ.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.