Mɛsɛ́dó 3:13 - MAWUXÓWÉMA

¹³ Mawu Ablaxámu tɔn, Izáki tɔn, Jakɔ́bu tɔn, Mawu tɔ́gbó mǐtɔn lɛ́ɛ tɔn wɛ sɔ́ mɛsɛntɔ́ tɔn Jezu sɔ́ su. Jezu e mi jó nú gǎn lɛ́ɛ, lobo gbɛ́ ɛ ɖo Pilátu nukɔn hwenu e éyɛ́ jló ná ɖe e nyi te é.

Mɛsɛ́dó 3:13 Iomraidhean Croise

Tíntɔ́n 3:13

Bɔ Mɔyízi ɖɔ nú Mawu ɖɔ: “Hǔn un ná yi Izlayɛ́li ví lɛ́ɛ gɔ́n, bó ná ɖɔ nú yě ɖɔ Mawu wɛ sɛ́ mì dó, Mawu e tɔ́gbó yětɔn lɛ́ɛ nɔ sɛn é wɛ sɛ́ mì dó gɔ̌n yětɔn. Nú yě ká kanbyɔ́ mì ɖɔ nɛ̌ nyǐkɔ tɔn nɔ́ nyí a jí ɔ́, nɛ̌ wɛ un ná ɖɔ nú yě?”

Tíntɔ́n 3:15

Mawu lɛ́ ɖɔ nú Mɔyízi ɖɔ: “A nǎ ɖɔ nú Izlayɛ́li ví lɛ́ɛ ɖɔ Mawu Mavɔmavɔ, Mawu e tɔ́gbó yětɔn lɛ́ɛ nɔ sɛn ɔ́ wɛ sɛ́ émí dó. Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ sɛ́ émí dó yě gɔ̌n. Nyǐkɔ ce nɛ́ káká sɔ́yi; nyǐkɔ ce nɛ́ nú hwe lɛ́ɛ bǐ nu.”

Tíntɔ́n 3:6

Mawu lɛ́ ɖɔ: “Nyɛ wɛ nyí Mawu. Nyɛ wɛ tɔ́gbó Ablaxámu, Izáki, Jakɔ́bu kpó tɔ́ towe kpó nɔ sɛn.” Ée Mɔyízi se mɔ̌ ɔ́, é sɔ́ nǔ cyɔ́n nukún mɛ, ɖó é ɖo xɛsi ɖi wɛ ɖɔ émí táá mɔ Mawu.

Matíe 11:27

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ ka mɔ nǔ jɛ Vǐ ɔ́ wú, zɛ Tɔ́ ɔ́ wú ǎ; mɛ ɖěbǔ ka lɛ́ mɔ nǔ jɛ Tɔ́ ɔ́ wú, zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.

Matíe 20:19

bó ná jó mì nú mɛ e ma nyí Jwifu ǎ lɛ́ɛ, bɔ yě ná ɖɔ slǎmɛ wǔtu ce; yě ná sɔ́ lanbá dó xo mì, lobo ná ká mì nyi aklúzu jí, bó ná hu mì. Azǎn tɔn atɔngɔ́ ɔ́ gbe ɔ́, Mawu ka ná fɔ́n mì sín kú.”

Matíe 22:32

‘Nyɛ wɛ nyí Mawu Ablaxámu tɔn, Mawu Izáki tɔn, Mawu Jakɔ́bu tɔn.’ Mawu nyí Mawu mɛkúkú lɛ́ɛ tɔn ǎ; lo ɔ́, mɛ e ɖo gbɛ lɛ́ɛ sín Mawu wɛ é nyí.”

Matíe 27:2

Yě blá Jezu, bó kplá ɛ yi jó nú tokpɔngán Pilátu.

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Maki 15:11

Vɔ̌sánú-xwlémawutɔ́gán lɛ́ɛ ka fɔ́n hun dó jǐ nú mɛ lɛ́ɛ nú yě ní byɔ́ ɖɔ é ní gbɔ bó ɖe Balabási nyi te nú émí.

Luki 22:57

Piyɛ́ɛ ka gbɛ́ bó ɖɔ: “Nyɔ̌nu, un tunwun i ǎ.”

Luki 23:4

Pilátu ka wá ɖɔ nú vɔ̌sánú-xwlémawutɔ́gán lɛ́ɛ kpódó agun ɔ́ kpán ɖɔ: “Un mɔ hwɛ ɖě ɖo kɔ nú nya élɔ́ ǎ.”

Luki 6:37

“Mi ma ɖɔ hwɛ xá mɛɖé ó, énɛ́ ɔ́, Mawu ná ɖɔ hwɛ xá mi lɔmɔ̌ ǎ; mi ma ɖó hwɛ nú mɛɖé ó, énɛ́ ɔ́, Mawu ná ɖó hwɛ nú mi lɔmɔ̌ ǎ. Mi sɔ́ hwɛ kɛ mɛ, énɛ́ ɔ́, Mawu ná sɔ́ hwɛ kɛ mi lɔmɔ̌.

Jǎan 12:16

Ahwanvú Jezu tɔn lɛ́ɛ ka yá wǔ mɔ nǔ jɛ nǔ énɛ́ lɛ́ɛ e ɖo jijɛ wɛ lɛ́ɛ mɛ ǎ; lo ɔ́, hwenu e è sɔ́ Jezu su ɔ́, yě flín ɖɔ nǔ énɛ́ lɛ́ɛ e jɛ ɔ́ bǐ wɛ è ko wlán dó wú tɔn ɖ'ayǐ nǔgbó.

Jǎan 18:40

Yě bǐ ka sú xó, bó ɖɔ jí: “Gbeɖé, é wɛ a nǎ jǒ nú mǐ ǎ, Balabási wɛ a nǎ jó nú mǐ!” Ajotɔ́ axánsúnxó ɖokpó wɛ ka nyí Balabási ɔ́.

Jǎan 19:11

Jezu ka yí gbe n'i ɖɔ: “Ényí Mawu ma ná gbe tɔn we ǎ ɔ́, a sixú ɖó acɛ ɖěbǔ ɖo jǐ ce ǎ; énɛ́ ɔ́ wú wɛ mɛ e jó mì ɔ́ hu hwɛ hú we.”

Jǎan 19:12

Bɛ́ sín hwenɛ́nu ɔ́, Pilátu jɛ lě e é ná wa gbɔn, bó ná ɖe Jezu nyi te ɔ́ ba jí. Jwifu lɛ́ɛ ka jɛ xó sú jí, bó ɖɔ: “Ényí a ɖe nya énɛ́ nyi te hǔn, a nyǐ Dadá Hlɔ̌ma tɔn sín xɔ́ntɔn ǎ; ɖó mɛ e sɔ́ éɖée axɔ́sú ɔ́, gǔ wɛ é fɔ́n dó Dadá Hlɔ̌ma tɔn jí.”

Jǎan 19:15

Jwifu lɛ́ɛ ka sú xó, bó ɖɔ: “È hu i! È hu i! È ká ɛ nyi aklúzu jí.” Pilátu ka kanbyɔ́ yě ɖɔ: “Má ká axɔ́sú mitɔn nyi aklúzu jí wɛ a?” Vɔ̌sánú-xwlémawutɔ́gán lɛ́ɛ yí gbe n'i ɖɔ: “Mǐ sɔ́ ɖó axɔ́sú ɖěvo zɛ Dadá Hlɔ̌ma tɔn wú ǎ.”

Jǎan 7:39

Yɛsinsɛn e mɛ e ɖi nǔ n'i lɛ́ɛ ná mɔ yí ɔ́ xó ɖɔ wɛ Jezu ɖe. Hwenɛ́nu ɔ́, Mawu ko na Yɛsinsɛn mɛɖé ǎ; ɖó Jezu ko byɔ́ susu tɔn mɛ ǎ.

Mɛsɛ́dó 22:14

É ka ɖɔ: ‘Mawu tɔ́gbó mǐtɔn lɛ́ɛ tɔn ɔ́ ko sɔ́ we, bónú a na tunwun jló tɔn, bó ná mɔ mɛsɛntɔ́ Mawu tɔn hwɛjijɔnɔ ɖokpó géé ɔ́, bó ná se xó e na tɔ́n sín nu tɔn mɛ é.

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Mɛsɛ́dó 3:12

Ée Piyɛ́ɛ mɔ mɔ̌ é ɔ́, é yí xó, bó ɖɔ nú togun ɔ́ ɖɔ: “Izlayɛ́li ví e mi! Étɛ́wú azɔn e gbɔ nú nya élɔ́ ɔ́ nɔ́ kpácá mi? Étɛ́wú mi nɔ kpɔ́n mǐ mɔ̌, ɖi hlɔ̌nhlɔ́n mǐ ɖésúnɔ tɔn, abǐ Mawu sísí mǐtɔn wɛ wa nǔ, bɔ nya élɔ́ ɖo zɔnlin ɖi wɛ ɖɔhun?”

Mɛsɛ́dó 3:26

Hǔn, midɛɛ lɛ́ɛ wɛ nyí mɛ nukɔn tɔn e Mawu sɛ́ Jezu dó é. É sɛ́ ɛ dó bónú é ná lɛ́ kɔ nú ɖokpó ɖokpó mitɔn sín nǔ nyanya e mi nɔ wa lɛ́ɛ gúdo, bó ná xo ɖɛ dó mi jí.

Mɛsɛ́dó 4:27

Nǔgbó ɔ́, gbe wɛ Elódu kpódó Pɔ́nsu Pilátu kpó ɖó kpɔ́ ɖo tomɛ fí xá mɛ e ma nyí Jwifu ǎ lɛ́ɛ, kpódó Izlayɛ́li ví lɛ́ɛ kpán, bó fɔ́n gǔ dó mɛsɛntɔ́ towe mímɛ́ Jezu, e a sɔ́ Klísu ɔ́ jí.

Mɛsɛ́dó 4:30

Dlɛ̌n alɔ towe, bónú nǔjlɛ́jlɛ́ lɛ́ɛ kpódó nǔdábaɖa lɛ́ɛ kpó ná tíin, ɖo mɛsɛntɔ́ towe mímɛ́ Jezu sín nyǐkɔ mɛ.”

Mɛsɛ́dó 7:32

‘Nyɛ wɛ nyí Mawu tɔ́gbó towe lɛ́ɛ tɔn; Mawu Ablaxámu tɔn; Mawu Izáki tɔn; Mawu Jakɔ́bu tɔn.’ Ée Mɔyízi se mɔ̌ ɔ́, é jɛ sísɔ́sísɔ́ jí, bó sɔ́ glá, bó kpɔ́n ǎ.

Hlɔ̌manu 9:5

Tɔ́gbó mitɔn lɛ́ɛ sín vǐ wɛ yě nyí , bɔ Klísu ɔ́, ɖo gbɛtɔ́ nyínyí tɔn sín alixo ɔ́, akɔta yětɔn mɛ wɛ é jɔ ɖe. Susu nú Mawu e ɖo axɔ́sú ɖu ɖo mǐ bǐ nu wɛ káká sɔ́yi é. Amǐ!

Eblée 2:9

Nǔ e mɔ wɛ mǐ ɖe ɔ́ ɖíe: Mawu sɔ́ Jezu hwe ɖo wɛnsagun lɛ́ɛ glɔ́ nú hwenu kpɛɖé, bónú é ní kú dó gbɛtɔ́ lɛ́ɛ bǐ tamɛ gbɔn fɛ́nú Mawu tɔn gbla mɛ, bɔ mǐ ka ɖo mimɔ ɛ wɛ din bɔ è sɔ́ susu kpódó yɛ̌yi kpán sín axɔ́súgbákún xwe n'i ɖó ya e é ji, bó kú ɔ́ wú.

Nǔɖexlɛ́mɛ 1:18

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.