Mɛsɛ́dó 3:12 - MAWUXÓWÉMA

¹² Ée Piyɛ́ɛ mɔ mɔ̌ é ɔ́, é yí xó, bó ɖɔ nú togun ɔ́ ɖɔ: “Izlayɛ́li ví e mi! Étɛ́wú azɔn e gbɔ nú nya élɔ́ ɔ́ nɔ́ kpácá mi? Étɛ́wú mi nɔ kpɔ́n mǐ mɔ̌, ɖi hlɔ̌nhlɔ́n mǐ ɖésúnɔ tɔn, abǐ Mawu sísí mǐtɔn wɛ wa nǔ, bɔ nya élɔ́ ɖo zɔnlin ɖi wɛ ɖɔhun?”

Mɛsɛ́dó 3:12 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Bǐbɛ́mɛ 41:16

Jozɛ́fu ka yí gbe n'i ɖɔ: “Nyɛ wɛ ǎ; gbeɖé kpɔ́n! Mawu wɛ ná ná tínmɛ tɔn nǔgbó ɔ́ we.”

Jǎan 7:18

Mɛ e ka ɖo é ɖésúnɔ sín susu ba wɛ ɔ́, acɛ é ɖésúnɔ tɔn mɛ wɛ é nɔ ɖɔ xó dó. Lo ɔ́, mɛ e ɖo mɛ e sɛ́ ɛ dó ɔ́ sín susu ba wɛ ɔ́, nǔgbó wɛ é nɔ ɖɔ, bɔ xó tɔn ɖě nɔ́ nyí nǔvú ǎ.

Mɛsɛ́dó 13:26

“Nɔví ce lɛ́ɛ mi, mi mɛ e jɔ ɖo Ablaxámu kúnkan mɛ lɛ́ɛ, kpódó mi mɛ e nɔ sí Mawu lɛ́ɛ kpán e mi; mi wɛ Mawu dó Wɛn Ɖagbe élɔ́ e nɔ hwlɛ́n mɛ gán ɔ́ sɛ́ dó.

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 3:11

Nya ɔ́ ka sɔ́ lɛ́ kɔ sín Piyɛ́ɛ kpódó Jǎan kpán gúdo ǎ, bɔ nǔ énɛ́ lɛ́ɛ kpácá togun ɔ́ bǐ, bɔ yě nyi ahwan wá mɔ yě, ɖo fí e è nɔ ylɔ́ ɖɔ Salomɔ́ɔ gba jí é.

Mɛsɛ́dó 3:13

Mawu Ablaxámu tɔn, Izáki tɔn, Jakɔ́bu tɔn, Mawu tɔ́gbó mǐtɔn lɛ́ɛ tɔn wɛ sɔ́ mɛsɛntɔ́ tɔn Jezu sɔ́ su. Jezu e mi jó nú gǎn lɛ́ɛ, lobo gbɛ́ ɛ ɖo Pilátu nukɔn hwenu e éyɛ́ jló ná ɖe e nyi te é.

Hlɔ̌manu 11:1

Hǔn, un nɔ kanbyɔ́ ɖɔ: Mawu gbɛ̌ togun tɔn wɛ a? Gbeɖé kpɔ́n! Đó nyɛ ɖésúnɔ ɔ́, Izlayɛ́li ví wɛ un nyí; Ablaxámu kún mɛ wɛ un jɔ ɖe, ɖo akɔta Bɛnjamɛ́ɛ tɔn mɛ.

Hlɔ̌manu 9:4

Yě wɛ nyí Izlayɛ́li ví lɛ́ɛ. Mawu sɔ́ yě dó ɖó vǐ; é ná kpɔ́nɔxámɛ tɔn susunɔ ɔ́ yě; é jɛ akɔ xá yě; é ná sɛ́n yě, é ɖɔ lě e è nǎ sɛn ɛ gbɔn ɔ́ nú yě; é dó akpá tɔn lɛ́ɛ nú yě.

2 Kɔlɛ́ntinu 3:5

Nǔgbó ɔ́, gbɔn alɔkpa ɖěbǔ mɛ ɔ́, mǐ sixú ɖɔ ɖɔ mǐ sixú wa azɔ̌ mɔ̌hunkɔtɔn ɖo mǐ ɖésúnɔ sín hlɔ̌nhlɔ́n mɛ ǎ. Hlɔ̌nhlɔ́n e mǐ nɔ dó kpé nǔ wú ɔ́, Mawu gɔ́n wɛ é nɔ gosín.

Nǔɖexlɛ́mɛ 7:13

Mɛxó lɛ́ɛ ɖokpó kanbyɔ́ mì ɖɔ: “Mɛ̌ ka nyí mɛ énɛ́ lɛ́ɛ e dó awu gaga wěwé é? Fítɛ́ yě gosín?”