Mɛsɛ́dó 27:1 - MAWUXÓWÉMA

¹ Hwenu e è wǎ ɖe gbe bɔ mǐ ná dó tɔjíhún bo yi Italíi ɔ́, è ɖǒ Pɔ́lu kpódó gantɔ́ ɖěvo lɛ́ɛ kpán nú sɔ́ja kanwekogán ɖé, bɔ è nɔ ylɔ́ ɛ ɖɔ Juliwusi, bɔ é ɖo ahwangbɛ́ e è sun nyǐ ɖɔ ahwangbɛ́ Ogwísi ɔ́ tɔn mɛ.

Mɛsɛ́dó 27:1 Iomraidhean Croise

Bǐbɛ́mɛ 50:20

Nǔ nyanya wɛ mi lin ná wa dó wǔtu ce, Mawu ká zé dó húzú nǔ ɖagbe ná, bónú nǔ e ɖo jijɛ wɛ égbé ɔ́ ná dó sixú jɛ, bónú mɛ gěgé ná gán.

Ɖɛhan 33:11

Wě e Mawu Mavɔmavɔ nɔ́ ɖe ɔ́ nɔ́ nyí tɛgbɛ nú, tito tɔn lɛ́ɛ nɔ́ nyí wiwa, bɛ́ sín jijimɛ ɖě mɛ yi jɛ ɖěvo mɛ káká sɔ́yi.

Ɖɛhan 76:10

hwenu e a sí te bo ná ɖɔ hwɛjijɔ é, hwenu e a sí te bó ná hwlɛ́n mɛ e è dǒ winnyá lɛ́ɛ gán é. Agbɔ̌n

Nǔnywɛ́xó 19:21

Gbɛtɔ́ nɔ́ lin nǔ gěgé bó ná wa, amɔ̌, jlǒ Mawu Mavɔmavɔ tɔn wɛ nɔ nyí wiwa.

Gbɛvíhan 3:27

É nyɔ́ bónú gbɛtɔ́ ní hɛn agban kpinkpɛn sín vǔ.

Matíe 27:54

Ée sɔ́ja kanwekogán ɔ́ kpódó sɔ́ja e ɖo Jezu cɔ́ xá ɛ wɛ lɛ́ɛ kpó mɔ lě e ayǐkúngban dán wǔ gbɔn, bó mɔ lě e nǔ lɛ́ɛ jɛ gbɔn ɔ́, xɛsi ɖaxó ɖé jɛ yě jí, bɔ yě ɖɔ jí: “Nya élɔ́ ɔ́, Mawu ví wɛ é nyí nǔgbó.”

Luki 23:47

Ée sɔ́ja kanwekogán ɔ́ mɔ nǔ énɛ́ lɛ́ɛ e jɛ lɛ́ɛ ɔ́, é jɛ susu kpa nú Mawu jí ɖɔ: “Dandan mɛ ɔ́, nya élɔ́ ɔ́, xomɛvɔ́nɔ wɛ é nyí nǔgbó.”

Luki 7:2

Đo fínɛ́ ɔ́, sɔ́ja kanwekogán Hlɔ̌ma tomɛ tɔn ɖé ka ɖó mɛsɛntɔ́ vívɛ́ná ɖokpó, bɔ mɛsɛntɔ́ ɔ́ ɖo azɔn jɛ wɛ, bó ɖo kúdonu.

Mɛsɛ́dó 10:1

Nya ɖé ɖo Sezalée, bɔ è nɔ ylɔ́ ɛ ɖɔ Kɔnɛ́yi; sɔ́ja kanwekogán wɛ é nyí, ɖo ahwangbɛ́ e è nɔ ylɔ́ ɖɔ Italíi tɔn ɔ́ mɛ.

Mɛsɛ́dó 10:22

Yě ka yí gbe n'i ɖɔ: “Sɔ́ja kanwekogán Kɔnɛ́yi wɛ sɛ́ mǐ dó; nya énɛ́ ɔ́, gbɛtɔ́ ɖagbe ɖé wɛ; é nɔ́ sí Mawu, bɔ Jwifu lɛ́ɛ bǐ nɔ́ ɖe kúnnu ɖagbe n'i. Wɛnsagun Mawu tɔn ɖé tɔ́n dó jǐ tɔn, bó ɖɔ n'i ɖɔ ní ylɔ́ we wá xwé tɔn gbe, bó ɖótó xó e a nǎ ɖɔ n'i é.”

Mɛsɛ́dó 16:10

Ée Pɔ́lu mɔ nǔ énɛ́ ɔ́ gúdo ɔ́, mǐ sɔ́ nǔ, azɔn ɖokpó, bó ná yi Masedwani, ɖó mǐ mɔ gaan ɖɔ Mawu wɛ ylɔ́ mǐ, nú mǐ ná yi jlá Wɛn Ɖagbe ɔ́ to énɛ́ ɔ́ mɛ nu lɛ́ɛ.

Mɛsɛ́dó 18:2

É mɔ nya Jwifu ɖokpó ɖo fínɛ́; è nɔ ylɔ́ nya ɔ́ ɖɔ Akilási, bɔ é nyí tokpɔn Pɔ́ɔn mɛ nu; nya énɛ́ kpódó asi tɔn Plisílu kpó gosín Italíi wá ɔ́, é ko lín ǎ, ɖó axɔ́sú Klódu ɖe gbeta tɔ́n ɖɔ mɛ e nyí Jwifu lɛ́ɛ bǐ ní tɔ́n sín Hlɔ̌ma; Pɔ́lu yi mɔ yě.

Mɛsɛ́dó 19:21

Ée nǔ énɛ́ lɛ́ɛ jɛ gúdo ɔ́, Pɔ́lu ɖɔ émí ná gbɔn Masedwani kpódó Akáyi kpán gbé jí, bó ná yi Jeluzalɛ́mu. É ka lɛ́ ɖɔ: “Un yi dɔ̌n ɔ́, un ɖó ná wá yi Hlɔ̌ma lɔmɔ̌.”

Mɛsɛ́dó 21:32

Azɔn ɖokpó ɔ́, ahwangán ɖaxó ɔ́ kplá sɔ́ja lɛ́ɛ kpódó sɔ́ja kanwekogán lɛ́ɛ kpán, bó kplɔ́ dó mɛ lɛ́ɛ. Ée mɛ e ɖo Pɔ́lu xo wɛ lɛ́ɛ mɔ ahwangán ɔ́ kpódó sɔ́ja lɛ́ɛ kpán ɔ́, yě ɖó alɔ te.

Mɛsɛ́dó 22:26

Ée sɔ́ja kanwekogán énɛ́ se mɔ̌ ɔ́, é yi mɔ ahwangán ɖaxó Hlɔ̌manu ɔ́, bó ɖɔ n'i ɖɔ: “Étɛ́ ná dó sin wɛ a ka ɖe nɛ́? Nya ɔ́ Hlɔ̌manu wɛ hǔn.”

Mɛsɛ́dó 23:11

Gbe énɛ́ gbe zǎn mɛ ɔ́, Aklúnɔ tɔ́n dó Pɔ́lu jí, bó ɖɔ n'i ɖɔ: “Kpan akɔ́n; a ɖe kúnnu nú mì ɖo Jeluzalɛ́mu fí; mɔ̌ ɖokpó ɔ́, a nǎ lɛ́ ɖe nú mì ɖo Hlɔ̌ma.”

Mɛsɛ́dó 23:17

Pɔ́lu ka ylɔ́ sɔ́ja lɛ́ɛ sín gǎn ɖokpó, bó ɖɔ n'i ɖɔ: “Kplá nyaví élɔ́ yi ahwangán ɖaxó ɔ́ gɔ́n; é ɖó xó ɖé ná ɖɔ n'i.”

Mɛsɛ́dó 24:23

É ka ɖɔ nú sɔ́jagán ɔ́ ɖɔ é ní cɔ́ Pɔ́lu bó ka ná ɛ vivo, bó ná gbe xɔ́ntɔn tɔn lɛ́ɛ, nú yě ní nɔ wá gɔ́ alɔ n'i.

Mɛsɛ́dó 25:12

Fɛsitúsi kpódó toxóɖɔtɔ́ tɔn lɛ́ɛ kpán ka wá yi kpá, bɔ é wá ɖɔ nú Pɔ́lu ɖɔ: “A ylɔ́ hwɛ ɖaxó ɖo Dadá Hlɔ̌ma tɔn gɔ́n. Hǔn a nǎ yi Dadá Hlɔ̌ma tɔn ɔ́ gɔ́n.”

Mɛsɛ́dó 25:25

Nyɛ ka mɔ ɖɔ é kún wa nǔɖé nyi do bónú è nǎ hu i ó. Lo ɔ́, ée é ɖésúnɔ ko ylɔ́ hwɛ ɖaxó ɖo Dadá Hlɔ̌ma tɔn gɔ́n ɔ́, énɛ́ ɔ́ wú wɛ un ɖe gbeta tɔ́n ɖɔ un ná sɛ́ ɛ dó gɔ̌n tɔn.

Mɛsɛ́dó 27:11

Sɔ́ja kanwekogán ɔ́ ka ɖeji dó xó e ɖɔ wɛ hǔnkuntɔ́ ɔ́ kpódó hǔnnɔ ɔ́ kpán ɖe é wú hú xó e ɖɔ wɛ Pɔ́lu ɖe lɛ́ɛ.

Mɛsɛ́dó 27:43

Lo ɔ́, sɔ́ja kanwekogán ɔ́ lɔn nú yě ǎ, ɖó é jló ná hwlɛ́n Pɔ́lu gán. É ná gbe ɖɔ mɛ e nyɔ́ tɔ lin lɛ́ɛ ní jɛ tɔ dó nukɔn, bó lin tɔ yi agě jí.

Mɛsɛ́dó 27:6

Sɔ́ja kanwekogán ɔ́ mɔ tɔjíhún Alɛsándli tɔn ɖé ɖo fínɛ́, bɔ é xwe Italíi, bɔ sɔ́ja kanwekogán ɔ́ kplá mǐ d'é mɛ.

Mɛsɛ́dó 28:1

Ée mǐ wá gán lo ɔ́, mǐ se ɖɔ tɔtɛ́ntinto énɛ́ ɔ́, Maluti wɛ è nɔ ylɔ́ ɖɔ.

Mɛsɛ́dó 28:16

Ée mǐ jɛ Hlɔ̌ma ɔ́, è nǎ gbe Pɔ́lu ɖɔ ní yi nɔ vo; è ka ɖó sɔ́ja ɖokpó n'i, bɔ é ná nɔ cɔ́ ɛ.

Eblée 13:24

Mi dó gbe agunnukɔntɔ́ mitɔn lɛ́ɛ bǐ, bó dó gbe mɛɖeɖóvo Mawu tɔn lɛ́ɛ bǐ. Nɔví e ɖo Italíi lɛ́ɛ dó gbe sɛ́ dó mi.