Mɛsɛ́dó 26:8 - MAWUXÓWÉMA

⁸ Étɛ́wú mi ka nɔ lin ɖɔ è kún sixú ɖi ɖɔ Mawu ná fɔ́n mɛkúkú lɛ́ɛ ó?

Mɛsɛ́dó 26:8 Iomraidhean Croise

Bǐbɛ́mɛ 18:14

Nǔɖé gló Mawu Mavɔmavɔ wɛ a? Xwe ɖě ɔ́ mɛ lěhwenu ɔ́, un ná lɛ́ wá gɔ̌n towe lě e un ɖɔ gbɔn ɔ́. Sala ná kó ɖó vǐ súnnu ɖokpó nɛ́.”

Luki 1:37

Đó nǔ ɖěbǔ gló Mawu ǎ.”

Luki 18:27

Jezu ka yí gbe nú yě ɖɔ: “Nǔ e gló gbɛtɔ́ ɔ́ gló Mawu ǎ.”

Mɛsɛ́dó 23:6

Ée Pɔ́lu ka mɔ ɖɔ, ɖo toxóɖɔgbɛ́ ɔ́ mɛ ɔ́, mɛ ɖě nyí Saduseɛn, mɛ ɖě ka nyí Falizyɛn ɔ́, é sú xó ɖo toxóɖɔgbɛ́ ɔ́ tɛ́ntin, bó ɖɔ: “Nɔví ce lɛ́ɛ mi, nyɛ ɔ́, Falizyɛn gbɛ́ta ɔ́ mɛ wɛ un ɖe, bó ka lɛ́ nyí Falizyɛn ví jiji. Fínfɔ́n mɛkúkú lɛ́ɛ tɔn e ɖó nukún wɛ un ɖe ɔ́ wútu wɛ è ɖo hwɛ ɖɔ xá mì wɛ.”

Mɛsɛ́dó 25:19

Nǔɖé dɔn xá ɛ wɛ jɛ́n yě ɖe kpowun; yě ɖo nǔ dɔn xá ɛ wɛ dó sinsɛn yě ɖésúnɔ tɔn wú, bó ɖo nǔ dɔn xá ɛ wɛ dó nya e è nɔ ylɔ́ ɖɔ Jezu ɔ́ wú. Nya énɛ́ ko kú; Pɔ́lu ka ɖɔ é ɖo gbɛ.

Mɛsɛ́dó 4:2

Nǔ e kplɔ́n togun ɔ́ wɛ mɛsɛ́dó we énɛ́ lɛ́ɛ ɖe, bó ɖɔ Jezu fɔ́n sín kú, lobo dó ɖo ɖiɖe xlɛ́ gbɔn fínɛ́ wɛ ɖɔ mɛkúkú lɛ́ɛ ná fɔ́n sín kú ɔ́, é vɛ́ yě wú,

1 Kɔlɛ́ntinu 15:34

Mi byɔ́ miɖée mɛ lě e é jɛ xá gbɔn é, bó gɔn hwɛ hu. Mɛ ɖé lɛ́ɛ ɖo mi mɛ, bó tunwun Mawu ǎ; winnyá ní hu mi.

Filípunu 3:21

Ényí é ko wá ɔ́, é ná zán hlɔ̌nhlɔ́n tɔn e é nɔ dó sɔ́ nǔ lɛ́ɛ bǐ dó acɛ tɔn mɛ ná ɔ́, dó húzú agbaza mǐtɔn ayǐkúngban jí fí tɔn maɖógǎnɖé ɔ́ ná, bɔ agbaza mǐtɔn ná xɔ susu étɔn ɔ́ ɖɔhun.