Mɛsɛ́dó 26:6 - MAWUXÓWÉMA

⁶ Akpá e Mawu dó nú tɔ́gbó mǐtɔn lɛ́ɛ, bɔ un ɖo nukún ɖó wɛ ɔ́, é wútu wɛ è ɖo hwɛ ɖɔ xá mì wɛ din.

Mɛsɛ́dó 26:6 Iomraidhean Croise

Bǐbɛ́mɛ 12:3

Un ná xo ɖɛ dó mɛ e ná xo ɖɛ dó jǐ towe lɛ́ɛ jí; un ná dó nu mɛ e ná dó nu we lɛ́ɛ. Hwi jí wɛ un ná gbɔn bó ná xo ɖɛ dó hɛ̌nnu e ɖo gbɛ ɔ́ mɛ lɛ́ɛ bǐ jí.”

Bǐbɛ́mɛ 22:18

Đó a se tónú nú mì wútu ɔ́, un ná wa ɖagbe nú akɔta e ɖo ayǐkúngban jí lɛ́ɛ gbɔn vǐ towe lɛ́ɛ jí.’ ”

Bǐbɛ́mɛ 26:4

Un ná bló bɔ kúnkan towe ná sukpɔ́ sunví e ɖo jǐnukúnsin lɛ́ɛ ɖɔhun. Un ná ná ayǐkúngban élɔ́ bǐ kúnkan towe lɛ́ɛ, bó ná xo ɖɛ dó akɔta e ɖo ayǐkúngban jí lɛ́ɛ bǐ jí gbɔn yě jí.

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ɖɛhan 132:11

Mawu Mavɔmavɔ dó akpá nú Davídi bó xwlé éɖée n'i, akpá ɔ́ ná húzú gbeɖé ǎ; é ɖɔ: “Vǐ towe lɛ́ɛ mɛ wɛ un ná sɔ́ axɔ́sú e ná nɔ zinkpo towe jí ɔ́ ɖe.

Ɖɛhan 132:17

Un ná sɔ́ axɔ́sú syɛ́nsyɛ́n ɖokpó ɖo fí ɖo Davídi ví lɛ́ɛ mɛ ɖó zinkpo tɔn jí. Un ná hɛn axɔ́sú e un sɔ́ ɔ́ ɖó te ɖo zinkpo tɔn jí zogbɛ́n ɖo te ɖɔhun.

Ɖɛhan 98:2

Mawu Mavɔmavɔ ɖe ɖuɖéjí tɔn xlɛ́, é ɖe lě e é nɔ wa nǔ ɖó sɛ́nxwi jí gbɔn é xlɛ́ akɔta lɛ́ɛ.

Ezayíi 4:2

Ayǐ ɖokpó ná hɔ́n, bɔ nǔ e Mawu Mavɔmavɔ ná nyí tɔn bɔ é ná wú ɖo to ɔ́ mɛ ɔ́, ná nyí wi kpó susu kpó nú mɛ e kpo ɖo gbɛ ɖo Jeluzalɛ́mu lɛ́ɛ. Sínsɛ́n e ná tɔ́n ɖo to ɔ́ mɛ lɛ́ɛ ná sɔ́ yě su, bó ná wlí yɛ̌yi nú yě.

Ezayíi 7:14

Din ɔ́, Aklúnɔ ɖésú ɖo xlɛ̌ ɖokpó ná mi wɛ: Éɖíe, ɖyɔ̌vǐ ɔ́ ná mɔ xo, bó ná ji vǐ súnnu ɖokpó. É ná sun nyǐ vǐ ɔ́ ɖɔ Emanuwɛ́li, ‘Mawu ɖo kpɔ́ xá mǐ.’

Ezekiyɛ́li 21:27

Ée é ɖo nǔ kan wɛ ɔ́, gǎ e ɖɔ Jeluzalɛ́mu wɛ é ná yi ɔ́ jɛ alɔ tɔn aɖisí ɔ́ mɛ. É jɛ Jeluzalɛ́mu ɔ́, é ná gblɔ́n ahwan dán bó ná sú xó bɔ ahwan ná bɛ́. É ná ɖó mɔ e nɔ gba nǔ ɔ́ nú hɔntogbó Jeluzalɛ́mu toxo ɔ́ tɔn lɛ́ɛ; é ná kplé kɔ́ e gúdo sɔ́ja lɛ́ɛ ná nɔ é, bó ná kun do e mɛ sɔ́ja lɛ́ɛ ná nɔ́ ɔ́ lɛ́ lɛ̌ dó toxo ɔ́.

Ezekiyɛ́li 37:24

Mɛsɛntɔ́ ce Davídi ná nyí axɔ́sú mitɔn. É ɖokpónɔ wɛ ná nyí lɛ̌ngbɔ́nyitɔ́ mitɔn. Mi ná nɔ́ nyi sɛ́n ce lɛ́ɛ, bó ná se tónú nú nǔ e un ɖɔ lɛ́ɛ, bó ná nɔ́ bló ɖ'é jí.

Ozée 3:5

Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.

Abudiyási 1:21

Yě ná ɖu ɖ'é jí, bó ná byɔ́ Jeluzalɛ́mu toxo ɔ́ mɛ, bó ná kpa acɛ nú Edɔ́munu lɛ́ɛ. Axɔ́súɖuɖu ɔ́ ná nyí Mawu Mavɔmavɔ tɔn.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Micée 7:20

A nǎ ɖe wǎn yíyí towe e ma nɔ húzú ǎ é xlɛ́ Ablaxámu ví lɛ́ɛ, bó ná ɖe xlɛ́ Jakɔ́bu ví lɛ́ɛ, lě e a ko dó akpá tɔn nú tɔ́gbó mǐtɔn lɛ́ɛ gbɔn é.

Zakalíi 13:1

Mawu Mavɔmavɔ Nǔbǐwúkpétɔ́ ɔ́ lɛ́ ɖɔ: “Hwenɛ́nu ɔ́, sin ná sa sín tɔjɔtɛn ɖé mɛ, bó ná lɛ hwɛ e Davídi ví lɛ́ɛ kpó Jeluzalɛ́munu lɛ́ɛ kpó hu ɔ́ sín kɔ nú yě, bó ná lɛ nǔ blíblí e yě wa lɛ́ɛ sín kɔ nú yě.”

Zakalíi 13:7

Mawu Mavɔmavɔ Nǔbǐwúkpétɔ́ ɔ́ ɖɔ: “Hwǐ, sí te, tɔ́n ahwan lɛ̌ngbɔ́nyitɔ́ ɔ́, lɛ̌ngbɔ́nyitɔ́ e un sɔ́ bɔ é ná wa azɔ̌ xá mì é. Hu i, énɛ́ ɔ́ lɛ̌ngbɔ́ lɛ́ɛ ná gba dó, bɔ un ná tɔ́n ahwan lɛ̌ngbɔ́ e má ɖó hlɔ̌nhlɔ́n ǎ lɛ́ɛ.”

Zakalíi 6:12

A nǎ ɖɔ n'i ɖɔ: Mawu Mavɔmavɔ Nǔbǐwúkpétɔ́ ɔ́ ɖɔ: ‘Gbɛtɔ́ ɖokpó ɖo fí, bɔ è nɔ ylɔ́ ɖɔ Kun.’ Afɔ tɔn lɛ́ɛ glɔ́ wɛ gbɛ ná tɔ́n kun sín; é wɛ ná vɔ́ sinsɛnxɔ ce gbá.

Zakalíi 9:9

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

Malacíi 3:1

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.

Mɛsɛ́dó 23:6

Ée Pɔ́lu ka mɔ ɖɔ, ɖo toxóɖɔgbɛ́ ɔ́ mɛ ɔ́, mɛ ɖě nyí Saduseɛn, mɛ ɖě ka nyí Falizyɛn ɔ́, é sú xó ɖo toxóɖɔgbɛ́ ɔ́ tɛ́ntin, bó ɖɔ: “Nɔví ce lɛ́ɛ mi, nyɛ ɔ́, Falizyɛn gbɛ́ta ɔ́ mɛ wɛ un ɖe, bó ka lɛ́ nyí Falizyɛn ví jiji. Fínfɔ́n mɛkúkú lɛ́ɛ tɔn e ɖó nukún wɛ un ɖe ɔ́ wútu wɛ è ɖo hwɛ ɖɔ xá mì wɛ.”

Mɛsɛ́dó 24:15

Un ka ɖo nukún ɖó Mawu wɛ, lě e yě lɔmɔ̌ ɖo nukún ɖó e wɛ gbɔn é. Mawu ná wá fɔ́n mɛ ɖagbe lɛ́ɛ, kpódó mɛ nyanya lɛ́ɛ kpó sín kú.

Mɛsɛ́dó 24:21

Xó ɖokpó e un nɔ te ɖo nukɔn yětɔn, bó ɖɔ bɔ yě hɛn ɔ́, yě ná ɖɔ ɔ́ ɖíe: ‘Un ɖi nǔ ɖɔ mɛkúkú lɛ́ɛ ná fɔ́n wú wɛ è ɖo hwɛ dó mì wɛ ɖo nukɔn mitɔn égbé.’ ”

Mɛsɛ́dó 26:8

Étɛ́wú mi ka nɔ lin ɖɔ è kún sixú ɖi ɖɔ Mawu ná fɔ́n mɛkúkú lɛ́ɛ ó?

Mɛsɛ́dó 28:20

Nǔ e wú un byɔ́ ɖɔ ma mɔ mi, bó ná ɖɔ xó nú mi ɔ́ nɛ́; ɖó mɛ e ɖó nukún wɛ Izlayɛ́li togun ɔ́ ɖe ɔ́ wú wɛ è dǒ wlɔ mì lě.”

Mɛsɛ́dó 3:24

Mɔ̌ ɖokpó ɔ́, gbeyíɖɔ Mawu tɔn e jí Mawu ɖɔ xó gbɔn, bɛ́ sín Samuwɛ́li jí lɛ́ɛ bǐ ɖɔ xó dó azǎn élɔ́ lɛ́ɛ wú ɖě jɛ ɖě gúdo.

Hlɔ̌manu 15:8

Nǔgbó ɔ́, un ɖo ɖiɖɔ nú mi wɛ ɖɔ Klísu húzú Jwifu lɛ́ɛ sín mɛsɛntɔ́, bó ná dó ɖe akpá e Mawu dó nú tɔ́gbó yětɔn lɛ́ɛ é, bó ná ɖe xlɛ́ gbɔn mɔ̌ ɖɔ Mawu kún nɔ́ dó akpá bó nɔ́ gɔn ɖiɖe ó.

Galatinu 4:4

Lo ɔ́, ée hwe tɔn nu wá su ɔ́, é sɛ́ vǐ tɔn dó gbɔn nyɔ̌nu ɖé jí, bɔ vǐ énɛ́ lɔ nɔ sɛ́n ɔ́ glɔ́,

Sɛ́nflínmɛ 18:15

É ká ná sɛ́ gbeyíɖɔ nyɛ Mɔyízi ɖɔhun ɖokpó dó mi, togun mitɔn mɛ nu wɛ é ná nyí: mi ná ɖótó nǔ e é ná ɖɔ nú mi é.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.