Mɛsɛ́dó 26:3 - MAWUXÓWÉMA

³ ɖó a mɔ nǔ jɛ Jwifu lɛ́ɛ sín hwɛndo wú ganjí, bó tunwun nǔ e yě nɔ dɔn xá yěɖée lɛ́ɛ. Énɛ́ wú ɔ́, kɛnklɛ́n ɖǒ suúlu, bó ɖótó mì.

Mɛsɛ́dó 26:3 Iomraidhean Croise

Jelemíi 32:11

Un zé wěma e un sú bó ɖó wuntun é, lě e sɛ́n ɔ́ kpódó walɔ mǐtɔn kpó ɖɔ gbɔn ɔ́, lobo sɔ́ ée è ma sú ǎ é lɔmɔ̌.

Mɛsɛ́dó 21:21

È ka wá ɖɔ nú yě ɖɔ hwi nɔ kplɔ́n nǔ Jwifu e ɖo to ɖěvo mɛ lɛ́ɛ ɖɔ yě ma sɔ́ nyi Mɔyízisɛ́n ɔ́ ɖě ó; yě má sɔ́ gbo ada nú vǐ yětɔn lɛ́ɛ ɖě ó, yě ma ka sɔ́ xwedó hwɛndo tɔ́gbó mǐtɔn lɛ́ɛ tɔn ɖě ó.

Mɛsɛ́dó 24:10

Tokpɔngán ɔ́ ka jó xó nú Pɔ́lu, bɔ é wlí xó bo ɖɔ: “Un tunwun ɖɔ a ɖo gǎn ɖu wɛ ɖo to élɔ́ nu din ɔ́, xwe tɔn ko sɛ yi; énɛ́ ɔ́ wú wɛ un ɖeji, bó ná gblɔ́n xó nú mɛ e ɖo hwɛ dó mì wɛ lɛ́ɛ.

Mɛsɛ́dó 24:4

Lo ɔ́, un jló ná yí hwenu towe gěgé ǎ, énɛ́ ɔ́ wútu wɛ un ɖo kɛnklɛ́n dó nú we wɛ, ɖɔ a ní nyɔ̌ xomɛ, bó ɖótó xó e ɖɔ nú we gbé un ja ɔ́ ɖo kléwún mɛ.

Mɛsɛ́dó 25:26

Un ɖó nǔɖé tawun bó ná wlán dó wǔ tɔn sɛ́ dó Dadá ɔ́ ǎ. Énɛ́ ɔ́ wú wɛ un ylɔ́ ɛ wá nukɔn mitɔn, ɖo tají ɔ́, hwi axɔ́sú Aglipa nukɔn, bónú è ko kan nǔ byɔ́ ɛ ɔ́, ma mɔ nǔɖé wlán sɛ́ dó.

Mɛsɛ́dó 26:2

“Axɔ́sú Aglipa, é víví nú mì tlala, bɔ nǔ e sín hwɛ dó mì wɛ Jwifu lɛ́ɛ ɖe ɔ́, má sixú ɖɔ xó dó ba hwɛjijɔ nú nyɛɖée ɖo nukɔn towe égbé;

Mɛsɛ́dó 26:26

Axɔ́sú Aglipa mɔ do nú nǔ énɛ́ lɛ́ɛ bǐ; hǔn un hɛn ɔ́, un ná ɖɔ xó kpódó jiɖiɖe kpó ɖo nukɔn tɔn; ɖó un ɖó gǎnjɛwú ɖɔ é tunwun nǔ énɛ́ lɛ́ɛ ɖokpó ɖokpó, ɖó nǔ énɛ́ lɛ́ɛ ɖě jɛ ɖo nǔglɔ́ fí ɖé ǎ.

Mɛsɛ́dó 26:7

Akɔta mǐtɔn wěwe lɛ́ɛ lɔ ɖo nukún ɖó akpá énɛ́ sín ɖiɖe wɛ, bó nɔ́ ván kan bó nɔ́ sɛn Mawu kpódó lǐnsyɛ́nsyɛ́n kpán zǎn kéze. Axɔ́sú e! Nukúnɖíɖó énɛ́ wɛ zɔ́n bɔ Jwifu lɛ́ɛ ɖo hwɛ dó mì wɛ.

Mɛsɛ́dó 28:17

Azǎn atɔngɔ́ ɔ́ gbe ɔ́, Pɔ́lu ylɔ́ Jwifu nukúnɖéjí lɛ́ɛ wá xwé tɔn gbe. Ée yě wá kplé ɔ́, é ɖɔ nú yě ɖɔ: “Nɔví ce lɛ́ɛ mi, un jɛ agɔ ɖé dó togun mǐtɔn ǎ; un ka jɛ agɔ dó tɔ́gbó mǐtɔn lɛ́ɛ sín hwɛndo ǎ, có è wlǐ mì dó gankpá mɛ ɖo Jeluzalɛ́mu, bó jó mì nú Hlɔ̌manu lɛ́ɛ.

Mɛsɛ́dó 6:14

Đó mǐ se bɔ é ɖɔ Jezu Nazalɛ́tinu ɔ́ ná gba sinsɛnxɔ ɔ́, lobo ná húzú hwɛndo e Mɔyízi ɖó ayǐ nú mǐ é.”

1 Kɔlɛ́ntinu 13:2

Ényí un ná bo ɖó nǔníná e nɔ yí wɛn ɖo Mawu sí, bó nɔ dó ɔ́, un ná bó mɔ nukúnnú jɛ nǔbúdo lɛ́ɛ bǐ wú, bó ná bó tunwun nǔ bǐ ɔ́, un ná bó ɖó nǔɖiɖi e sixú sɛ tɛn nú só ɔ́, bó ma ka ɖó wǎn yíyí ǎ ɔ́, un nyí nǔtí ǎ.

Sɛ́nflínmɛ 17:18

Ée é ká ná yi zinkpo jí ɔ́, é ná yí sɛ́n énɛ́ ɔ́ ɖo Levíi ví vɔ̌sánú-xwlémawutɔ́ lɛ́ɛ sí, bó ná wlán lobo hɛn.