Mɛsɛ́dó 26:2 - MAWUXÓWÉMA

² “Axɔ́sú Aglipa, é víví nú mì tlala, bɔ nǔ e sín hwɛ dó mì wɛ Jwifu lɛ́ɛ ɖe ɔ́, má sixú ɖɔ xó dó ba hwɛjijɔ nú nyɛɖée ɖo nukɔn towe égbé;

Mɛsɛ́dó 26:2 Iomraidhean Croise

Ɖɛhan 119:46

Un ná ɖɔ sɛ́n towe lɛ́ɛ nú axɔ́sú lɛ́ɛ, winnyá ná hu mì ǎ.

Matíe 10:19

Lo ɔ́, hwenu e yě ná wá wlí mi yi jó ɔ́, mi ma jɛ tagba bo ɖo nǔ e mi ná ɖɔ ɖo dɔ̌n lɛ́ɛ, abǐ lě e mi ná ɖɔ xó gbɔn ɖo dɔ̌n ɔ́ linkpɔ́n wɛ ó, è nǎ sɔ́ nǔ e mi ná ɖɔ ɖo dɔ̌n hwenɛ́nu lɛ́ɛ dó ayi mɛ nú mi.

Luki 12:11

“Hwenu e è nǎ dɔn mi yi kplɔ́ngbasá Jwifu lɛ́ɛ tɔn, bó ná dɔn mi yi hwɛɖɔtɔ́ lɛ́ɛ kpódó axɔ́sú lɛ́ɛ kpán nukɔn, bó ná yi ɖɔ hwɛ xá mi ɔ́, mi ma jɛ tagba, bó ɖo xósin e mi ná yi ná bó dó hwlɛ́n miɖée gán ɔ́, abǐ nǔ e mi ná yi ɖɔ ɖo dɔ̌n ɔ́ linkpɔ́n wɛ ó,

Luki 21:12

“Amɔ̌, cóbónú nǔ énɛ́ lɛ́ɛ ná jɛ ɔ́, alɔ ná jɛ mi wú, bɔ è nǎ dó ya nú mi, bó ná dɔn mi yi kplɔ́ngbasá Jwifu lɛ́ɛ tɔn, bó ná sɔ́ mi dó gankpá mɛ; è nǎ ylɔ́ hwɛ mi ɖo axɔ́sú lɛ́ɛ kpódó tokpɔngán lɛ́ɛ kpó nukɔn, ɖó nyɛ wú.

Mɛsɛ́dó 25:26

Un ɖó nǔɖé tawun bó ná wlán dó wǔ tɔn sɛ́ dó Dadá ɔ́ ǎ. Énɛ́ ɔ́ wú wɛ un ylɔ́ ɛ wá nukɔn mitɔn, ɖo tají ɔ́, hwi axɔ́sú Aglipa nukɔn, bónú è ko kan nǔ byɔ́ ɛ ɔ́, ma mɔ nǔɖé wlán sɛ́ dó.

Mɛsɛ́dó 26:1

Aglipa ka ɖɔ nú Pɔ́lu ɖɔ: “A ɖó xó ɖé ná ɖɔ, bó ná dó ba hwɛjijɔ nú hwiɖée hǔn, bó ɖɔ; un ná gbe tɔn we.” Pɔ́lu ka dlɛ́n alɔ, bó wlí xó, bó ɖɔ:

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Mɛsɛ́dó 26:26

Axɔ́sú Aglipa mɔ do nú nǔ énɛ́ lɛ́ɛ bǐ; hǔn un hɛn ɔ́, un ná ɖɔ xó kpódó jiɖiɖe kpó ɖo nukɔn tɔn; ɖó un ɖó gǎnjɛwú ɖɔ é tunwun nǔ énɛ́ lɛ́ɛ ɖokpó ɖokpó, ɖó nǔ énɛ́ lɛ́ɛ ɖě jɛ ɖo nǔglɔ́ fí ɖé ǎ.

Mɛsɛ́dó 26:3

ɖó a mɔ nǔ jɛ Jwifu lɛ́ɛ sín hwɛndo wú ganjí, bó tunwun nǔ e yě nɔ dɔn xá yěɖée lɛ́ɛ. Énɛ́ wú ɔ́, kɛnklɛ́n ɖǒ suúlu, bó ɖótó mì.

Mɛsɛ́dó 26:7

Akɔta mǐtɔn wěwe lɛ́ɛ lɔ ɖo nukún ɖó akpá énɛ́ sín ɖiɖe wɛ, bó nɔ́ ván kan bó nɔ́ sɛn Mawu kpódó lǐnsyɛ́nsyɛ́n kpán zǎn kéze. Axɔ́sú e! Nukúnɖíɖó énɛ́ wɛ zɔ́n bɔ Jwifu lɛ́ɛ ɖo hwɛ dó mì wɛ.