Mɛsɛ́dó 26:16 - MAWUXÓWÉMA

¹⁶ Lo ɔ́, sí te, bó nɔ te; nǔ e wú un ka tɔ́n dó jǐ towe ɔ́ ɖíe: un ná sɔ́ we dó bló mɛsɛntɔ́ ce ná; a nǎ nyí kúnnuɖetɔ́ ce, bɔ nǔ e a mɔ din lɛ́ɛ kpódó ɖěe un ná lɛ́ wá sɔ́ xlɛ́ we lɛ́ɛ kpán ɔ́, a nǎ ɖɔ nú mɛ ɖě lɛ́ɛ.

Mɛsɛ́dó 26:16 Iomraidhean Croise

Ezekiyɛ́li 2:1

Mɛ e ɖo xó ɖɔ wɛ ɔ́ ɖɔ nú mì ɖɔ: “Hwi gbɛtɔ́ ɔ́ , sí te bó nɔ te, un ɖó xó ɖé bó ná ɖɔ nú we.”

Daniyɛ́li 10:11

Nya e mɔ wɛ un ɖe ɔ́ ɖɔ nú mì ɖɔ: ‘Daniyɛ́li, hwi mɛ e Mawu yí wǎn ná ɔ́, tɛ́nkpɔ́n bó mɔ nǔ jɛ xó e ɖɔ nú we gbé un ja é mɛ. Nɔ te ɖo fí e a ɖe ɔ́, ɖó hwi gɔ́n wɛ è sɛ́ mì dó din.’ Ée un se mɔ̌ ɔ́, un ɖo te bó ɖo sísɔ́sísɔ́ wɛ.

Luki 1:2

Yě ɖɔ nǔ lɛ́ɛ lě e mawuxójlátɔ́ e mɔ nǔ e jɛ lɛ́ɛ sín bǐbɛ́mɛ ɔ́ ɖɔ nú mǐ gbɔn é.

Mɛsɛ́dó 1:17

Hǎgbɛ́ mǐtɔn wɛ é kó nyí ɖ'ayǐ, bɔ é lɔmɔ̌ ɖó azɔ̌ tɔn.”

Mɛsɛ́dó 1:25

nú é ná nɔ Judási sín tɛn mɛ, bó wa mɛsɛ́dó sín azɔ̌ e Judási jó dó, bó yi tɛn e nyí étɔn ɔ́ mɛ é.”

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Mɛsɛ́dó 21:19

Pɔ́lu dó gbe yě, bɔ nǔ e Mawu jlɛ́ ɖo mɛ e ma nyí Jwifu ǎ lɛ́ɛ tɛ́ntin gbɔn gbla tɔn mɛ ɔ́, é wlí ɖokpó ɖokpó ɖɔ nú yě.

Mɛsɛ́dó 22:10

Un ka lɛ́ kanbyɔ́ mɛ e ɖo xó ɖɔ nú mì wɛ ɔ́ ɖɔ: ‘Ani un ɖó ná wa Aklúnɔ?’ Aklúnɔ ɔ́ ká ɖɔ nú mì ɖɔ: ‘Sí te, yi Damási; a ko yi dɔ̌n ɔ́, è nǎ ɖɔ nǔ e Mawu ɖɔ hwi ná wa ɔ́ bǐ nú we.’

Mɛsɛ́dó 23:11

Gbe énɛ́ gbe zǎn mɛ ɔ́, Aklúnɔ tɔ́n dó Pɔ́lu jí, bó ɖɔ n'i ɖɔ: “Kpan akɔ́n; a ɖe kúnnu nú mì ɖo Jeluzalɛ́mu fí; mɔ̌ ɖokpó ɔ́, a nǎ lɛ́ ɖe nú mì ɖo Hlɔ̌ma.”

Mɛsɛ́dó 26:15

Un ka kanbyɔ́ ɛ ɖɔ: ‘Hwi mɛ ka wɛ?’ Aklúnɔ ɔ́ ka yí gbe nú mì ɖɔ: ‘Nyɛ Jezu e dó ya ná wɛ a ɖe é wɛ.

Mɛsɛ́dó 6:4

Énɛ́ ɔ́, mǐdɛɛ lɛ́ɛ ɔ́, mǐ ná kpé nukún dó ɖɛxixo kpódó Mawuxó jlájlá kpó wú.”

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

2 Kɔlɛ́ntinu 4:1

Mawu ɔ́, ɖo xomɛnyínyɔ́ tɔn mɛ ɔ́, é sɔ́ azɔ̌ énɛ́ dó así nú mǐ; énɛ́ ɔ́ wú wɛ awakanmɛ ma kú mǐ ǎ.

2 Kɔlɛ́ntinu 5:18

Mawu e dó hwɛ gbɔ xá mǐ gbɔn Klísu jí ɔ́ sín azɔ̌ wɛ nyí nǔ énɛ́ lɛ́ɛ bǐ; é wɛ zé azɔ̌ dó así nú mǐ, bɔ mǐ ná dɔn mɛɖěvo lɛ́ɛ wá, bɔ é ná dó hwɛ gbɔ xá yě.

Galatinu 1:12

mɛɖé wɛ ɖɔ nú mì ǎ; mɛɖé ka kplɔ́n mì ǎ; Jezu Klísu ɖésú wɛ ɖe xlɛ́ mì.

Galatinu 2:2

Un yi dɔ̌n ɖó Mawu ɖe xlɛ́ mì ɖɔ un ɖó ná yi. Ée un yi ɔ́, nyɛ kpódó agunnukɔntɔ́ lɛ́ɛ kpó kɛ́ɖɛ́ kplé, bɔ Wɛn Ɖagbe e un jlá mɛ e ma nyí Jwifu ǎ lɛ́ɛ ɔ́, un tínmɛ nú yě, ɖó un jló nú azɔ̌ e un wa ɖ'ayǐ ɔ́, kpódó ée wa wɛ un ɖe din ɔ́ kpó ní nyí nǔ yǎyá ǎ.

Efɛ́zinu 3:3

Mawu ɖe nǔɖé xlɛ́ mì, bónú ma mɔ nǔ jɛ nǔbúdo tɔn wú. Un ko ɖɔ xó kpɛɖé dó nǔbúdo énɛ́ ɔ́ wú dó wěma élɔ́ mɛ.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.

Kolósinu 1:25

Un húzú mɛsɛntɔ́ nú agun Klísu tɔn, bɔ é sɔgbe xá azɔ̌ e Mawu sɔ́ dó así nú mì, ɖɔ ma wa nú mi é: azɔ̌ e é sɔ́ dó así nú mì ɔ́ wɛ nyí ɖɔ ma jlá xó tɔn fó.

Kolósinu 1:7

Azɔ̌gbɛ́ mǐtɔn wǎnyínámɔ mǐtɔn Epaflasi wɛ kplɔ́n nǔ énɛ́ mi; mɛsɛntɔ́ Klísu tɔn gbejínɔtɔ́ wɛ é nyí, bó ɖo azɔ̌ wa ɖó tɛn mǐtɔn mɛ wɛ.

1 Tɛsalonikinu 3:2

bó sɛ́ nɔví mǐtɔn Timɔtée e kpó mǐ kpó ɖo Wɛn Ɖagbe e ɖɔ xó dó Klísu wú ɔ́ jlá wɛ, bó dó ɖo azɔ̌ wa nú Mawu wɛ ɔ́ dó mi. Mǐ sɛ́ ɛ dó mi, bónú é ná wá ɖɔ xó dó ná lǐnsyɛ́nsyɛ́n kpó akɔ́nkpinkpan kpó mi, ɖo nǔɖiɖi mitɔn mɛ;

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

1 Timɔtée 4:6

A kplɔ́n nǔ énɛ́ lɛ́ɛ nɔví lɛ́ɛ ɔ́, a nǎ nyí Klísu Jezu sín mɛsɛntɔ́ ɖagbe, bó ná ɖe xlɛ́ ɖɔ nǔɖiɖixó kpódó nǔkplɔ́nmɛ titewungbe e a xwedó lɛ́ɛ kpán wɛ nyí Yɛsinsɛn sín nǔɖuɖu nú we.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.