Mɛsɛ́dó 26:1 - MAWUXÓWÉMA

¹ Aglipa ka ɖɔ nú Pɔ́lu ɖɔ: “A ɖó xó ɖé ná ɖɔ, bó ná dó ba hwɛjijɔ nú hwiɖée hǔn, bó ɖɔ; un ná gbe tɔn we.” Pɔ́lu ka dlɛ́n alɔ, bó wlí xó, bó ɖɔ:

Mɛsɛ́dó 26:1 Iomraidhean Croise

Ɖɛhan 119:46

Un ná ɖɔ sɛ́n towe lɛ́ɛ nú axɔ́sú lɛ́ɛ, winnyá ná hu mì ǎ.

Nǔnywɛ́xó 1:24

Un ylɔ́ mi, mi ka dó tókúse mɛ. Un kɛ alɔ nú mi, mɛɖé ká kpɔ́n jɛ ce jí ǎ.

Nǔnywɛ́xó 18:13

Mɛ e ma nɔ kú hǔn bó nɔ́ se xó cóbó nɔ́ kɛ nu d'é wú ǎ ɔ́, é nɔ́ ɖe xlonɔ e é nyí ɔ́ xlɛ́, bó nɔ́ dó winnyá éɖée.

Nǔnywɛ́xó 18:17

Mɛ ɖé wá jɛ hwɛ dó nukɔn ɔ́, è nɔ mɔ ɖɔ hwɛ tɔn jɔ; mɛ e é dó hwɛ ɔ́ ká wá ɔ́, é nɔ́ flí xó tɔn xwe.

Ezekiyɛ́li 16:27

Énɛ́ ɔ́, un ɖe xomɛsin ce xlɛ́ we: un tɛ nǔɖuɖu we; un jó we nú kɛntɔ́ towe lɛ́ɛ, un jó we nú toxo Filisitɛ́ɛn lɛ́ɛ tɔn, ɖó Filisitɛ́ɛn lɛ́ɛ ɖésú ɔ́, nǔ blíblí e wa wɛ a ɖe ɔ́ nyɔ́ yě nukún mɛ ǎ.

Jǎan 7:51

“Đo sɛ́n mǐtɔn mɛ ɔ́, e nɔ ɖó hwɛ nú mɛɖé má se xó ɖé ɖo nu tɔn, ma ka tunwun nǔ e é wa nyi do ɔ́ a?”

Mɛsɛ́dó 22:1

“Nɔví ce lɛ́ɛ mi; tɔ́ ce lɛ́ɛ mi, mi ɖótó xó e un ɖó, bó ná ɖɔ nú mi din dó nǔ e sín hwɛ dó mì wɛ mi ɖe lɛ́ɛ wú é.”

Mɛsɛ́dó 25:16

Un ka yí gbe nú yě ɖɔ cóbónú Hlɔ̌manu lɛ́ɛ ná jó mɛɖé ɔ́, mɛ e ɖo hwɛ dó e wɛ lɛ́ɛ ɖó ná jɛ hwɛ tɔn ɖo mɛ ɔ́ ɖésúnɔ nukɔn, bónú é ná mɔ tɛn, bó ɖɔ xó dó ba hwɛjijɔ nú éɖée hwɛ̌.

Mɛsɛ́dó 25:27

Đó nyɛ mɔ ɖɔ è sɛ́ gantɔ́ ɖé dó mɛ, bó ma ka ɖɔ nǔ e é wa ɔ́ dó jǐ tɔn ǎ ɔ́, é kún sɔgbe ó.”

Mɛsɛ́dó 26:2

“Axɔ́sú Aglipa, é víví nú mì tlala, bɔ nǔ e sín hwɛ dó mì wɛ Jwifu lɛ́ɛ ɖe ɔ́, má sixú ɖɔ xó dó ba hwɛjijɔ nú nyɛɖée ɖo nukɔn towe égbé;

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 10:21

Lo ɔ́, nǔ e é ɖɔ dó Izlayɛ́li wú ɔ́ ɖíe: “Tɛgbɛ tɛgbɛ wɛ un nɔ dlɛ́n alɔ nú togun e nɔ vɛ́ tóli, togun e nɔ fɔ́n gǔ é.”