Mɛsɛ́dó 24:1 - MAWUXÓWÉMA

¹ Azǎn atɔ́ɔ́ngɔ́ ɔ́ gbe ɔ́, vɔ̌sánú-xwlémawutɔ́ ɖaxó Ananíyasi kpódó tomɛxó ɖé lɛ́ɛ kpó, kpódó ɖɛ̌mɛɖenúxótɔ́ e è nɔ ylɔ́ ɖɔ Tɛtulúsi é kpán wá Sezalée, bó wá jɛ Pɔ́lu sín hwɛ nú tokpɔngán ɔ́.

Mɛsɛ́dó 24:1 Iomraidhean Croise

Ɖɛhan 11:2

ɖó mɛdídá lɛ́ɛ tlɔ́ gǎ, yě bló gǎ ɔ́ ɖó kan jí ganjí, bó ná nɔ ablu mɛ bó da dó gbɛtɔ́ ayijlɔ́jlɔ́nɔ lɛ́ɛ.

Ezayíi 3:3

é ná yí ahwangán kpó tonukún kpó sín yě sí, é ná yí azaglɔ́gán kpó majíkiblótɔ́ kpó, kpódó azěgán kpó sín yě sí.

Mɛsɛ́dó 12:21

Ée kplézán ɔ́ sɔgbe ɔ́, Elódu dó axɔ́súwu tɔn lɛ́ɛ, bó jínjɔ́n axɔ́súzinkpo tɔn jí, bó ɖɔ xó nú yě agbawungba,

Mɛsɛ́dó 21:27

Azǎn tɛ́nwe lɛ́ɛ wɛ ɖo ná vɔ wɛ kɛ́ɖɛ́, bɔ Jwifu Azíi gbé jí tɔn lɛ́ɛ wá mɔ Pɔ́lu ɖo sinsɛnxɔ ɔ́ mɛ, bó fɔ́n togun ɔ́ bǐ dó jǐ tɔn, lobo wlí i.

Mɛsɛ́dó 23:2

Vɔ̌sánú-xwlémawutɔ́ ɖaxó Ananíyasi ka ɖɔ nú mɛ e ɖo Pɔ́lu kpá lɛ́ɛ ɖɔ yě ní gba nu n'i,

Mɛsɛ́dó 23:24

Mi blá akpa nú sɔ́ ɖé lɛ́ɛ ɖ'ayǐ nú Pɔ́lu lɔmɔ̌, bó kplá ɛ yi tokpɔngán Felísi gɔ́n wǔyɛ́yɛ́ afɔyɛ́yɛ́.”

Mɛsɛ́dó 23:30

Ée è lɛ́ wá ɖɔ nú mì ɖɔ Jwifu lɛ́ɛ blá gbě tɔn ɔ́, un yǎ wǔ bo sɛ́ ɛ dó we, bó ka ɖɔ nú mɛ e ɖo hwɛ dó e wɛ lɛ́ɛ azɔn ɖokpó ɖɔ yě ní wá ylɔ́ hwɛ ɛ ɖo gɔ̌n towe.”

Mɛsɛ́dó 23:33

Ée sɔ́xátɔ́ lɛ́ɛ yi Sezalée ɔ́, yě sɔ́ wěma ɔ́ nú tokpɔngán ɔ́, lobo kplá Pɔ́lu jó n'i.

Mɛsɛ́dó 23:35

é ɖɔ n'i ɖɔ: “Mɛ e ɖo hwɛ dó we wɛ lɛ́ɛ ko wá ɔ́, un ná kan nǔ byɔ́ we.” Énɛ́ gúdo ɔ́, é ná gbe ɖɔ è ní sɔ́ ɛ dó axɔ́sú Elódu sín hɔnmɛ, bó cɔ́ ɛ.

Mɛsɛ́dó 24:11

Un yi Aklúnɔ sɛn gbé ɖo Jeluzalɛ́mu din ɔ́, é sɔ́ hú azǎn wěwe ǎ; hwi ɖésúnɔ hɛn ɔ́, a nǎ ba do ná.

Mɛsɛ́dó 24:2

Tokpɔngán ɔ́ ka ylɔ́ Pɔ́lu wá, bɔ Tɛtulúsi wlí xó, bó jɛ hwɛ dó Pɔ́lu jí ɖɔ: “Mɛsísí ce Felísi, hwi wɛ nyí mɔ̌, bɔ mǐ mɔ vivo; nǔnywɛ́ e a dǒ ɖo to élɔ́ sín azɔ̌ wa ná wɛ ɔ́ wɛ zɔ́n bɔ nǔ gěgé húzú nú nukɔn yiyi to ɔ́ tɔn.

Mɛsɛ́dó 25:15

Hwenu e un yi Jeluzalɛ́mu ɔ́, vɔ̌sánú-xwlémawutɔ́gán lɛ́ɛ kpódó Jwifu tomɛxó lɛ́ɛ kpán wá jɛ hwɛ tɔn nú mì, bó byɔ́ ɖɔ ma ɖó hwɛ n'i.

Mɛsɛ́dó 25:2

Vɔ̌sánú-xwlémawutɔ́gán ɔ́, kpódó Jwifugán lɛ́ɛ kpán ka kplé bo yi jɛ Pɔ́lu sín hwɛ̌ nú Fɛsitúsi,

1 Kɔlɛ́ntinu 2:1

Nɔví lɛ́ɛ mi, hwenu e un wá mi gɔ́n bó ná ɖɔ nǔbúdo Mawu tɔn ɔ́ sín xó nú mi ɔ́, un zán xógbe gɛ́dɛ́gɛ́dɛ́, abǐ nǔnywɛ́ xwítíxwítí ɖé dó ɖɔ xó nú mi ǎ.

1 Kɔlɛ́ntinu 2:4

É nyí nǔnywɛ́ gbɛtɔ́ tɔn sín xó víví lɛ́ɛ wɛ un sɔ́ dó kplɔ́n nǔ mɛ ǎ, é ka nyí é wɛ un dó ɖɔ Mawuxó ɔ́ ná ǎ; lo ɔ́, Yɛ Mawu tɔn sín hlɔ̌nhlɔ́n sín nǔwiwa wɛ.