Mɛsɛ́dó 22:4 - MAWUXÓWÉMA

⁴ Un ko dó ya nú yě mɛ e xwedó Aklúnɔ sín ali lɛ́ɛ, káká bɔ mɛ kú ɖo yě mɛ kpɔ́n; un ko wlí súnnu kpódó nyɔ̌nu kpán yi dó gankpá mɛ.

Mɛsɛ́dó 22:4 Iomraidhean Croise

Mɛsɛ́dó 16:17

Nyɔ̌nu énɛ́ ɔ́ jɛ Pɔ́lu kpó mǐ kpó gúdo, bó nɔ sú xó ɖɔ: “Mɛ élɔ́ lɛ́ɛ ɔ́, Mawu Ajalɔ̌nlɔn sín mɛsɛntɔ́ wɛ nú yě; hwlɛngán sín ali ɔ́ sín xó ɖɔ nú mi wɛ yě ɖe.”

Mɛsɛ́dó 18:26

É nɔ ɖo xó ɖɔ wɛ kpódó jiɖiɖe kpán ɖo kplɔ́ngbasá. Đěe Plisílu kpódó Akilási kpán se xó e ɖɔ wɛ é ɖe lɛ́ɛ ɔ́, yě dɔn ɛ dó wǔ, bó tín Mawu sín ali ɔ́ mɛ n'i.

Mɛsɛ́dó 19:23

Hwenɛ́nu wɛ hunnyahunnya ɖaxó ɖé tíin ɖó Aklúnɔ sín ali ɔ́ wútu.

Mɛsɛ́dó 19:9

Lo ɔ́, mɛɖé lɛ́ɛ ti tamɛ ɖo yě mɛ; yě gbɛ̌, lobo nɔ ɖɔ xó nyanya dó Aklúnɔ sín ali ɔ́ wú, ɖo togun ɔ́ nukɔn; énɛ́ ɔ́ wú ɔ́, Pɔ́lu gosín yě mɛ, bó kplá ahwanvú lɛ́ɛ, bó nɔ́ ɖɔ xó dó xó ɔ́ wú ayǐhɔ́ngbe ayǐhɔ́ngbe ɖo Tilánɔsi sín wěmaxɔmɛ.

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Mɛsɛ́dó 7:58

bó dɔn ɛ yi to ɔ́ gúdo, lobo nyi awǐnnyaglo dó hu i. Kúnnuɖetɔ́ lɛ́ɛ zɔ́n awu yětɔn hɛn nyaví dɔ̌nkpɛvú ɖé, bɔ è nɔ ylɔ́ ɛ ɖɔ Sólu.

Mɛsɛ́dó 9:21

Nǔ énɛ́ kpácá mɛ e nɔ se xó e ɖɔ wɛ é ɖe lɛ́ɛ bǐ, bɔ yě nɔ́ ɖɔ: “Nya e ɖo mɛ e nɔ xomlá Jezu ɖo Jeluzalɛ́mu lɛ́ɛ sín kún sú dó wɛ ɔ́ nɛ́ ǎ cé? Mɛ e nɔ xomlá Jezu lɛ́ɛ ná wlí yi jó nú vɔ̌sánú-xwlémawutɔ́gán lɛ́ɛ gbé wɛ é tɔ́n bó wá fí ǎ cé?”

1 Kɔlɛ́ntinu 15:9

Nǔgbó ɔ́, nyɛ wɛ nyí mɛ e gbɔn gǔdo bǐ ɖo mɛsɛ́dó lɛ́ɛ mɛ é. Ényí è nǎ ɖɔ nǔgbó ɔ́, é jɛ xá ɖɔ è nǐ ylɔ́ mì ɖɔ mɛsɛ́dó ǎ, ɖó un dó ya nú agun Mawu tɔn.

Galatinu 1:13

Hwenu e un ɖo Jwifu lɛ́ɛ sín sinsɛn mɛ ɔ́, mi se lě e un zán gbɛ ce gbɔn é; mi tunwun lě e un nɔ dó ya nú agun Mawu tɔn gbɔn é; un nɔ dó ya n'i titewungbe, bó nɔ dó gǎn ná sú kún tɔn dó.

Filípunu 3:6

Un nɔ jɛ hun dó Jwifu lɛ́ɛ sín sɛ́n jí káká, bó nɔ dó ya nú agun e ɖi nǔ nú Jezu lɛ́ɛ. Mɛ ɖé nɔ mɔ nǔjɛdo ɖé ɖo wǔ ce ɖo sɛ́n ɔ́ nyinyi sín ali xo ǎ.

2 Piyɛ́ɛ 2:2

Mɛ gěgé ná xwedó yě ɖo gbɛ kwíji kwíji énɛ́ e yě nɔ zán ɔ́ mɛ, bɔ lě e yě nɔ wa nǔ gbɔn ɔ́ ná zɔ́n bɔ è nǎ ɖɔ xó nyanya dó nǔgbó sín ali ɔ́ wú.