Mɛsɛ́dó 22:1 - MAWUXÓWÉMA

¹ “Nɔví ce lɛ́ɛ mi; tɔ́ ce lɛ́ɛ mi, mi ɖótó xó e un ɖó, bó ná ɖɔ nú mi din dó nǔ e sín hwɛ dó mì wɛ mi ɖe lɛ́ɛ wú é.”

Mɛsɛ́dó 22:1 Iomraidhean Croise

Luki 12:11

“Hwenu e è nǎ dɔn mi yi kplɔ́ngbasá Jwifu lɛ́ɛ tɔn, bó ná dɔn mi yi hwɛɖɔtɔ́ lɛ́ɛ kpódó axɔ́sú lɛ́ɛ kpán nukɔn, bó ná yi ɖɔ hwɛ xá mi ɔ́, mi ma jɛ tagba, bó ɖo xósin e mi ná yi ná bó dó hwlɛ́n miɖée gán ɔ́, abǐ nǔ e mi ná yi ɖɔ ɖo dɔ̌n ɔ́ linkpɔ́n wɛ ó,

Luki 21:14

Mi ka tunwun ɖɔ xó e mi ná yi ɖɔ dó hwlɛ́n miɖée ɔ́, mi kún ná ba ɖ'ayǐ ó.

Mɛsɛ́dó 13:26

“Nɔví ce lɛ́ɛ mi, mi mɛ e jɔ ɖo Ablaxámu kúnkan mɛ lɛ́ɛ, kpódó mi mɛ e nɔ sí Mawu lɛ́ɛ kpán e mi; mi wɛ Mawu dó Wɛn Ɖagbe élɔ́ e nɔ hwlɛ́n mɛ gán ɔ́ sɛ́ dó.

Mɛsɛ́dó 19:33

Mɛ ɖé lɛ́ɛ ɖo agun ɔ́ mɛ, bó tín xó ɔ́ mɛ nú Alɛsándlu e Jwifu lɛ́ɛ sísɛ́ dó nukɔn é; énɛ́ ɔ́, Alɛsándlu bló alɔ nú yě, bó jló ná ɖɔ xó dó hwlɛ́n yě gán ɖo togun ɔ́ nukɔn.

Mɛsɛ́dó 23:1

Pɔ́lu bɔ nukún nyi toxóɖɔtɔ́ lɛ́ɛ wú, bó ɖɔ: “Nɔví ce lɛ́ɛ mi, ayi ce xo hun xá mì ɖo nǔ ɖěbǔ mɛ ɖo Mawu nukɔn káká jɛ égbé ǎ.”

Mɛsɛ́dó 23:6

Ée Pɔ́lu ka mɔ ɖɔ, ɖo toxóɖɔgbɛ́ ɔ́ mɛ ɔ́, mɛ ɖě nyí Saduseɛn, mɛ ɖě ka nyí Falizyɛn ɔ́, é sú xó ɖo toxóɖɔgbɛ́ ɔ́ tɛ́ntin, bó ɖɔ: “Nɔví ce lɛ́ɛ mi, nyɛ ɔ́, Falizyɛn gbɛ́ta ɔ́ mɛ wɛ un ɖe, bó ka lɛ́ nyí Falizyɛn ví jiji. Fínfɔ́n mɛkúkú lɛ́ɛ tɔn e ɖó nukún wɛ un ɖe ɔ́ wútu wɛ è ɖo hwɛ ɖɔ xá mì wɛ.”

Mɛsɛ́dó 24:10

Tokpɔngán ɔ́ ka jó xó nú Pɔ́lu, bɔ é wlí xó bo ɖɔ: “Un tunwun ɖɔ a ɖo gǎn ɖu wɛ ɖo to élɔ́ nu din ɔ́, xwe tɔn ko sɛ yi; énɛ́ ɔ́ wú wɛ un ɖeji, bó ná gblɔ́n xó nú mɛ e ɖo hwɛ dó mì wɛ lɛ́ɛ.

Mɛsɛ́dó 25:16

Un ka yí gbe nú yě ɖɔ cóbónú Hlɔ̌manu lɛ́ɛ ná jó mɛɖé ɔ́, mɛ e ɖo hwɛ dó e wɛ lɛ́ɛ ɖó ná jɛ hwɛ tɔn ɖo mɛ ɔ́ ɖésúnɔ nukɔn, bónú é ná mɔ tɛn, bó ɖɔ xó dó ba hwɛjijɔ nú éɖée hwɛ̌.

Mɛsɛ́dó 25:8

Pɔ́lu ka jɛ xó ɖɔ dó ba hwɛjijɔ nú éɖée jí ɖɔ: “Un jɛ agɔ ɖé dó Jwifu lɛ́ɛ sín sɛ́n wú ǎ; un ka jɛ dó sinsɛnxɔ ɔ́ wú ǎ; mɔ̌ jɛ́n un ma lɛ́ jɛ dó Dadá Hlɔ̌ma tɔn wú ǎ é nɛ́.”

Mɛsɛ́dó 26:24

Ée Pɔ́lu ɖo xó ɖɔ dó ba hwɛjijɔ nú éɖée wɛ mɔ̌ ɔ́, Fɛsitúsi sú xó, bó ɖɔ: “Pɔ́lu! A hun taɖu wɛ a? A kplɔ́n wěma káká bɔ é dó taɖu we!”

Mɛsɛ́dó 28:17

Azǎn atɔngɔ́ ɔ́ gbe ɔ́, Pɔ́lu ylɔ́ Jwifu nukúnɖéjí lɛ́ɛ wá xwé tɔn gbe. Ée yě wá kplé ɔ́, é ɖɔ nú yě ɖɔ: “Nɔví ce lɛ́ɛ mi, un jɛ agɔ ɖé dó togun mǐtɔn ǎ; un ka jɛ agɔ dó tɔ́gbó mǐtɔn lɛ́ɛ sín hwɛndo ǎ, có è wlǐ mì dó gankpá mɛ ɖo Jeluzalɛ́mu, bó jó mì nú Hlɔ̌manu lɛ́ɛ.

Mɛsɛ́dó 7:2

Bɔ Etyɛ́ni yí xó, bó ɖɔ: “Nɔví ce lɛ́ɛ mi, tɔ́ ce lɛ́ɛ mi, mi ɖótó mì. Mawu susunɔ ɔ́ tɔ́n dó tɔ́gbó mǐtɔn Ablaxámu jí hwenu e é kpo ɖo Mɛzopotamíi, bó ma kó yi sá xwé ɖó Haláani ǎ é,

Hlɔ̌manu 2:15

Lě e yě nɔ wa nǔ gbɔn ɔ́ nɔ ɖe xlɛ́ ɖɔ è wlǎn lě e sɛ́n ɔ́ zɔ́n ɖɔ è nǐ wa nǔ gbɔn ɔ́ dó ayi mɛ nú émí. Ayixa yětɔn lɔ nɔ ɖe kúnnu ná ɖɔ nǔgbó wɛ; mɔ̌ ɖokpó ɔ́, linlin yětɔn lɛ́ɛ e nɔ dó hwɛ yě hwe ɖé lɛ́ɛ nu, bó nɔ jɛ ahwan yě jí hwe ɖ'é lɛ́ɛ nu lɛ́ɛ lɔ nɔ ɖe xlɛ́.

1 Kɔlɛ́ntinu 9:3

Mɛ e nɔ ɖo biba ná mɔ do nú mì wɛ lɛ́ɛ ɔ́, xó e un nɔ dó hwlɛ́n nyɛɖée gán ɖo yě sí ɔ́ ɖíe:

2 Kɔlɛ́ntinu 12:19

Linlin wɛ mi ka ɖe sín hwe ɖé nu ɖɔ mǐ ɖo biba ná jɛ ahwan mǐɖée jí, ɖo nukɔn mitɔn a? Éeǒ, mǐ ɖo biba ná jɛ ahwan mǐɖée jí wɛ ǎ. Lě e Klísu jló gbɔn ɔ́ wɛ mǐ ɖo xó ɖɔ gbɔn wɛ ɖo Mawu nukɔn. Mɛvívɛ́ná mǐtɔn lɛ́ɛ mi, mǐ ɖo énɛ́ lɛ́ɛ bǐ ɖɔ nú mi wɛ, bó ná dó dɔn mi yi nukɔn ɖo nǔɖiɖi mɛ.

2 Kɔlɛ́ntinu 7:11

Aluwɛ e mɛ mi nɔ ɔ́, Mawu zě dó wa azɔ̌ ná; mi bó kpɔ́n nǔ e tɔ́n sín mɛ din lɛ́ɛ é! Aluwɛ énɛ́ e mɛ mi nɔ ɔ́, mi kpɔ́n lě e é zɔ́n bɔ mi sɔ́ nǔ e jɛ ɔ́ dó ylɔ́ nǔjɔnǔ sɔ é, bó kpɔ́n lě e é húzú mi gbɔn, bɔ mi bí dó azɔ̌ wú, bó ná dó jɛ ahwan miɖée jí é. Mi kpɔ́n lě e mi mɔ akpɔ sɔ é, bó kpɔ́n lě e xɛsi ɖi mi dó Mawu wú sɔ é. Mi kpɔ́n lě e mi ɖó jlǒ, bó ná mɔ mǐ sɔ é. Mi kpɔ́n lě e mi bí dó nǔ wú sɔ é, bó kpɔ́n lě e mi ván kan, bó ná dɔn tó nú mɛ e wa nǔ nyanya ɔ́ sɔ é! Mi ɖe xlɛ́ gbɔn alɔkpa lɛ́ɛ bǐ mɛ ɖɔ émí nyí xomɛvɔ́nɔ ɖo nǔ énɛ́ e jɛ ɔ́ mɛ.

Filípunu 1:17

Mɛɖě lɛ́ɛ ɔ́, xó e ɖɔ wɛ yě ɖe lɛ́ɛ gosín ayixa yětɔn mɛ ǎ; lo ɔ́, zalixámɛ sín ayixa wɛ yě sɔ́ dó ɖo Klísuxó ɔ́ jlá ná wɛ; yě ɖo linlin wɛ ɖɔ émí ná dó wǔvɛ́ wǔvɛ́ jí nú mì din e un ɖo gankpá mɛ é.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

2 Timɔtée 4:16

Nukɔn nukɔntɔn e un yi hwɛ nukɔn bó ná ɖɔ xó dó hwlɛ́n nyɛɖée ɔ́, un mɔ mɛɖé ɖo gǔdo ǎ; yě bǐ wɛ hɔn jó mì dó; Mawu ní ma lɛ́n hwɛ tɔn dó kɔ nú yě ó.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.