Mɛsɛ́dó 21:9 - MAWUXÓWÉMA

⁹ Filípu ɖó ɖyɔ̌vǐ ɛnɛ; yě ɖě tunwun súnnu ǎ; yě nɔ́ ɖo Mawuxó ɖɔ wɛ.

Mɛsɛ́dó 21:9 Iomraidhean Croise

2 Axɔ́sú 22:14

Énɛ́ ɔ́, Ilukya vɔ̌sánú-xwlémawutɔ́ ɖaxó ɔ́, Axikamu, Akubɔ́ɔ, Cafáni kpó Asaya kpó yi gbeyíɖɔ Mawu tɔn nyɔ̌nu Hulida Calúmu sín asi ɔ́ gɔ́n, bó ɖɔ xó ɔ́ n'i. Calúmu ɔ́, Tikwa ví wɛ, bó nyí Haaxási vívú, bó nɔ kpé nukún dó awu e è nɔ dó bó nɔ wa azɔ̌ ɖo Mawu Mavɔmavɔ xwé lɛ́ɛ wú. Hulida ɔ́, Jeluzalɛ́mu sín slǎ yɔ̌yɔ́ ɔ́ mɛ wɛ é nɔ́ nɔ.

Nɛɛmíi 6:14

Mawu ce, flín nǔ e Toviya kpó Sanbaláti kpó bló é, bó flín nǔ e gbeyíɖɔ nyɔ̌nu Nɔadiya kpó gbeyíɖɔ ɖěɖě e jló ná dó xɛsi mì lɛ́ɛ kpó bló é.

Tíntɔ́n 15:20

Miliamu, gbeyíɖɔ Mawu tɔn, Aalɔ́ɔn nɔví ɔ́ zé hǔn, bɔ nyɔ̌nu e ɖo Izlayɛ́li lɛ́ɛ bǐ xwedó e, bó ɖo hun xo wɛ, bó ɖo xwe ɖu wɛ.

Ezekiyɛ́li 13:17

Mawu ɖɔ nú mì ɖɔ: “Din ɔ́, hwɛ gbɛtɔ́ e, nyɔ̌nu Izlayɛ́li tɔn e nɔ ɖo nǔ e ɖo ayi yětɔn mɛ lɛ́ɛ ɖɔ wɛ, bó nɔ́ ɖɔ émí ɖo Mawu wɛn dó wɛ lɛ́ɛ ɔ́, ɖe yě gba ɖo nyǐkɔ ce mɛ.

Luki 2:36

Nyɔ̌nu gbeyíɖɔ Mawu tɔn ɖé ka ɖo fínɛ́, bɔ è nɔ ylɔ́ ɛ ɖɔ Ana; Fanuwɛli ví wɛ, bɔ é jɔ ɖo akɔta Acɛ́ɛ tɔn mɛ; xwe tɔn ko sɛ yi tlala. Đyɔ̌vǐ mɛ wɛ é ɖe, bó yi asúxwé. Xwe tɔn tɛ́nwe gúdo wɛ asú tɔn kú jó e dó.

Mɛsɛ́dó 13:1

Đo mɛ e ɖi nǔ nú Jezu lɛ́ɛ sín agun e ɖo Antyɔ́ci ɔ́ mɛ ɔ́, è nɔ mɔ gbeyíɖɔ Mawu tɔn lɛ́ɛ, kpódó nǔkplɔ́nmɛtɔ́ lɛ́ɛ kpó: Baanabási, Simɛ́nyɔ́ɔ e è nɔ ylɔ́ ɖɔ Mɛwi é, Lusiwúsi Silenɛ́ɛnu ɔ́, Manayɛnu e Elódu tokpɔngán ɔ́ sín mɛ lɛ́ɛ hɛn, bɔ é kpó é kpó nɔ kpɔ́ bó su é, kpódó Sólu kpán.

Mɛsɛ́dó 2:17

‘Mawu ɖɔ: ɖo azǎn gǔdo gúdo tɔn lɛ́ɛ mɛ ɔ́, un ná gba Yɛ ce kɔn nyi mɛ bǐ jǐ; vǐ mitɔn lɛ́ɛ, súnnu kpó nyɔ̌nu kpán ná nɔ́ ɖɔ Mawuxó; dɔ̌nkpɛvú mitɔn lɛ́ɛ ná nɔ́ mɔ nǔ, bɔ Mawu ná nɔ́ xo dlɔ̌ nyɔ̌xónɔ mitɔn lɛ́ɛ.

1 Kɔlɛ́ntinu 7:38

Énɛ́ ɔ́, mɛ e da asixɔ́ntɔn tɔn ɔ́, nǔ ɖagbe wɛ é wa; mɛ e ma ka da ɛ ǎ ɔ́, é wa nǔ ɖagbe hú mɛ ɖě ɔ́.

Nǔɖexlɛ́mɛ 2:20

Lo ɔ́, nǔ towe e vɛ́ wǔ ce ɔ́ ɖíe: nyɔ̌nu e nɔ nyí Jezabɛ́li bó nɔ ylɔ́ éɖée ɖɔ gbeyíɖɔ Mawu tɔn ɔ́, a nɔ jó e dó bɔ é nɔ kplɔ́n nǔ mɛsɛntɔ́ ce lɛ́ɛ ɖɔ yě ní nɔ́ lɛ aga; yě ní nɔ́ ɖu kanlin e è xwlé vodún lɛ́ɛ sín lan; é nɔ́ kplɔ́n nǔ énɛ́ lɛ́ɛ yě dó flú yě.

Hwɛɖɔtɔ́ 4:4

Gbeyíɖɔ Mawu tɔn Debola, Lapidɔ́ti sín asi ɔ́, wɛ nyí hwɛɖɔtɔ́ hwenɛ́nu ɖo Izlayɛ́li.