Mɛsɛ́dó 21:5 - MAWUXÓWÉMA

⁵ Lo ɔ́, ée mǐ nɔ fínɛ́ xɔ azǎn tɛ́nwe ɔ́, mǐ lɛ́ wlí ali ɖidó; yě kpódó asi yětɔn lɛ́ɛ kpó, kpódó vǐ yětɔn lɛ́ɛ kpó bǐ wá nyi mǐ káká jɛ toxo ɔ́ gúdo. Ée mǐ jɛ xutó ɔ́, mǐ jɛ kpo bó xo ɖɛ.

Mɛsɛ́dó 21:5 Iomraidhean Croise

1 Axɔ́sú 8:54

Ée Salomɔ́ɔ xo ɖɛ énɛ́ lɛ́ɛ bǐ, bó sa vo énɛ́ bǐ sɛ́ dó Mawu Mavɔmavɔ fó ɔ́, é sí te sín vɔ̌sákpe Mawu Mavɔmavɔ tɔn e kɔn é ko jɛ kpo ɖe ɖ'ayǐ, bó dlɛ́n alɔ sɛ́ dó jǐnukúnsin ɔ́ nukɔn.

2 Tan 20:13

Judáanu lɛ́ɛ bǐ ɖo te fínɛ́ ɖo Mawu Mavɔmavɔ xwé ɔ́ nukɔn, yě kpó asi yětɔn lɛ́ɛ kpó vǐ yětɔn lɛ́ɛ kpó.

Nɛɛmíi 12:43

Gbe énɛ́ ɔ́ gbe ɔ́, è sá vɔ̌ nú Mawu kpɔ́ gégé, bɔ mɛ bǐ ɖo awǎ jɛ wɛ, ɖó Mawu sɔ́ awǎjijɛnú ɖaxó ɖokpó dó así nú togun tɔn. Nyɔ̌nu lɛ́ɛ kpó yɔkpɔ́vú lɛ́ɛ kpó lɔmɔ̌ ɖo awǎ jɛ wɛ, bɔ awǎ e jɛ wɛ yě ɖe ɖo Jeluzalɛ́mu, bó ɖo xó sú wɛ ɔ́, è nɔ se ɖo zɔ.

Ɖɛhan 95:6

Mi wá mǐ ɖe kɔ́ nú Mawu Mavɔmavɔ, mi wá mǐ yi do n'i, mi wá mǐ jɛ kpo nú Mawu Mavɔmavɔ e bló mǐ é.

Matíe 14:21

Mɛ e ɖu nǔ lɛ́ɛ ka yi gbɛtɔ́ děgba ɖě afatɔ́n (5.000); è ka xa nyɔ̌nu lɛ́ɛ kpódó yɔkpɔ́vú lɛ́ɛ kpó ǎ.

Maki 1:40

Nya gudunɔ ɖé wá Jezu gɔ́n, bó jɛ kpo ɖo nukɔn tɔn, bó ɖɔ: “Nú é jló we ɔ́, a hɛn ɔ́, a nǎ gbɔ azɔn nú mì.”

Luki 22:41

Ée é ɖɔ mɔ̌ ɔ́, é sɛ yi zɔ nú yě, nǎ yi mɛ̌tlukpo gban mɔ̌, bó jɛ kpo, bó jɛ ɖɛ xo jí

Mɛsɛ́dó 15:3

Nǔɖitɔ́ lɛ́ɛ nyi yě, bɔ yě wlǐ ali, bó gbɔn Fenisíi kpódó Samalíi kpán gbé jí bó nɔ́ ɖo lě e mɛ e ma nyí Jwifu ǎ lɛ́ɛ jɛ Mawu li jí gbɔn é jlá wɛ, bɔ é nɔ nyí xomɛhunhun ɖaxó nú nɔví ɖo Klísu mɛ lɛ́ɛ.

Mɛsɛ́dó 17:10

Ée nǔ énɛ́ lɛ́ɛ jɛ tlóló ɔ́, nɔví ɖo Klísu mɛ lɛ́ɛ nyi Pɔ́lu kpódó Silási kpán sɛ́ dó Belée gbe nɛ́ gbe zǎn mɛ. Ée yě jɛ dɔ̌n ɔ́, yě yi kplɔ́ngbasá Jwifu lɛ́ɛ tɔn.

Mɛsɛ́dó 20:36

Ée Pɔ́lu ɖɔ xó énɛ́ lɛ́ɛ vɔ ɔ́, é jɛ kpo kpódó yě bǐ kpó, bó xo ɖɛ;

Mɛsɛ́dó 20:38

Wǔ kú yě tlala, ɖó é kó ɖɔ nú yě ɖɔ yě kún sɔ́ ná mɔ émí ó, bɔ yě nyi i káká yi ɖó tɔjíhún ɔ́ kɔn.

Mɛsɛ́dó 9:40

Piyɛ́ɛ ka ɖe mɛ bǐ tɔ́n sín xɔ ɔ́ mɛ, bó húzú jɛ kpo, lobo xo ɖɛ, bó wá lílɛ́ kpan nukɔn cyɔ ɔ́, bó ɖɔ: “Tabita! Sí te!” Tabita ka hun nukún; ée é mɔ Piyɛ́ɛ ɔ́, é fɔ́n jínjɔ́n ayǐ.

Jozuwée 24:15

Nú mi ma ka jló ná sɛn Mawu Mavɔmavɔ ǎ hǔn, mi bo ɖɔ nǔ e mi ná sɛn ɔ́ bɛ́ sín égbé. É sixú nyí vodún e tɔ́gbó mitɔn lɛ́ɛ sɛn ɖ'ayǐ ɖo Efláti tɔ ɔ́ gúdo lɛ́ɛ; é ká sixú nyí vodún e Amɔliti e mɛ mi ɖe lɛ́ɛ nɔ sɛn lɛ́ɛ é. Amɔ̌, nyɛ kpó xwédo ce kpó ɔ́, Mawu Mavɔmavɔ wɛ mǐ ná sɛn.”

Jozuwée 8:35

É xa Mɔyízisɛ́n lɛ́ɛ bǐ sésé nú yě; é wɔn ɖokpó géé ǎ. Togun ɔ́ bǐ nukɔn wɛ é xa ɖe; nyɔ̌nu lɛ́ɛ, yɔkpɔ́vú lɛ́ɛ kpódó jǒnɔ e ɖo yě mɛ lɛ́ɛ bǐ kpó lɔ ɖo fínɛ́.