Mɛsɛ́dó 21:3 - MAWUXÓWÉMA

³ Mǐ mɔ tɔtɛ́ntinto e è nɔ ylɔ́ ɖɔ Cíplu é sɛ́ dó, bó jó to énɛ́ ɔ́ dó nyi amyɔxwé, lobo yi Silíi; bó wá glín hǔn ɖó Tíi, ɖó fínɛ́ wɛ tɔjíhún ɔ́ ɖó ná ɖe agban ɖe.

Mɛsɛ́dó 21:3 Iomraidhean Croise

2 Samuwɛ́li 8:6

Davídi sɔ́ tokpɔngán lɛ́ɛ ɖó yě nu gǎnnugǎnnu, bɔ Silíinu lɛ́ɛ húzú kannumɔ tɔn, bó nɔ ná nǔjɔ. Mawu Mavɔmavɔ dó alɔ Davídi bɔ é fun ahwan gbɔn fí ɖěbǔ ɔ́, é nɔ ɖu ɖ'é jí.

Ɖɛhan 45:12

Đɛkpɛ towe ní dɔn axɔ́sú ɔ́. Bɛ́ sín din ɔ́, é wɛ nyí Aklúnɔ towe. Énɛ́ wú ɔ́, nɔ ɖe kɔ́ n'i.

Ɖɛhan 87:4

“Ejípunu ɖo mɛ e tunwun mì lɛ́ɛ mɛ, Babilɔ́nunu kpó Filisitɛ́ɛn kpó ɖo yě mɛ, Tíinu kpó Etiopíinu kpó lɔ ɖo yě mɛ; è ji yě ɖó to yětɔn yětɔn mɛ.

Ezayíi 7:2

È yi ɖɔ nú Akázi, Davídi ví ɔ́, é kpódó mɛ e ɖo xwé tɔn gbe lɛ́ɛ kpó ɖɔ Silíinu lɛ́ɛ ɖó gɔnu ɖó Eflayímu yíkúngban jí. Xó énɛ́ e axɔ́sú ɔ́ kpó togun ɔ́ kpó se ɔ́ dán yě, lě e jɔhɔn nɔ dán atín e ɖo zungbó mɛ é ɖɔhun.

Matíe 11:21

É ɖɔ: “Heelú mi, Kolazíinnu e mi! Heelú mi, Bɛtisayidanu e mi! Ɖó ényí nǔ e un jlɛ́ ɖo to mitɔn lɛ́ɛ mɛ ɔ́, Tíi kpódó Sidɔ́ɔn kpó wɛ un ko jlɛ́ yě ɖe ɔ́, to énɛ́ lɛ́ɛ mɛ nu lɛ́ɛ ná ko kplá ati, bó ná ko sá afín, bó ná dó ɖe xlɛ́ ɖɔ émí lɛ́ kɔ sín hwɛ émítɔn lɛ́ɛ gúdo.

Matíe 4:24

Nyǐkɔ tɔn gba kpé Silíito ɔ́ bǐ mɛ, bɔ mɛ lɛ́ɛ nɔ kplá azinzɔnnɔ e ɖo azɔn alɔkpa alɔkpa jɛ wɛ lɛ́ɛ wá n'i; mɛ e jí yɛ nyanya ɖe lɛ́ɛ, adǐngbekútɔ́ lɛ́ɛ, ayǐsónɔ lɛ́ɛ, bɔ é nɔ gbɔ azɔn nú yě.

Luki 10:13

“Heelú mi Kolazíinnu lɛ́ɛ! Heelú mi Bɛtisayidanu lɛ́ɛ! Đó nǔ e Mawu jlɛ ɖo to mitɔn lɛ́ɛ mɛ ɔ́, ényí Tíi abǐ Sidɔ́ɔn wɛ è ko jlɛ́ nǔ énɛ́ lɛ́ɛ ɖe ɔ́, to énɛ́ lɛ́ɛ mɛ nu lɛ́ɛ ɔ́, yě ná ko bɛ́ ati kplá, bó kó lɛ afín, bó ná dó ɖe xlɛ́ ɖɔ émí lɛ́ kɔ sín hwɛ émítɔn lɛ́ɛ gúdo.

Luki 2:2

Nukɔn nukɔntɔn e è xa mɛ hwenu e è Kiliniwúsi ɖo tokpɔngán nyí wɛ ɖo Silíi ɔ́ nɛ́.

Mɛsɛ́dó 11:19

Yadónúmɛ e tíin hwenu e è hu Etyɛ́ni ɔ́ zɔ́n bɔ mɛ e ɖi nǔ nú Jezu lɛ́ɛ gbadó. Mɛ ɖé lɛ́ɛ ɖo yě mɛ, bó hun káká yi Fenisíi; mɛɖé lɛ́ɛ yi to e ɖo tɔ tɛ́ntin bɔ è nɔ ylɔ́ ɖɔ Cíplu ɔ́ mɛ; mɛ ɖě ka yi to e è nɔ ylɔ́ ɖɔ Antyɔ́ci ɔ́ mɛ; lo ɔ́, Jwifu lɛ́ɛ kɛ́ɖɛ́ wɛ yě nɔ́ jlá Mawuxó ɔ́ ná.

Mɛsɛ́dó 12:20

Elódu sin xomɛ dó Tíinu lɛ́ɛ kpódó Sidɔ́ɔnnu lɛ́ɛ kpán tlala. Yědɛɛ lɛ́ɛ ka ɖó gbe kpɔ́, bó zun xɔ́ntɔn xá gǒmɛgán tɔn Blasitúsi, bó yi mɔ ɛ, bó jló ná dó hwɛ gbɔ xá ɛ, ɖó ayǐkúngban tɔn jí wɛ dɔkun e nɔ hɛn to yětɔn ɔ́ nɔ́ tɔ́n sín.

Mɛsɛ́dó 13:4

Ée Yɛsinsɛn sɛ́ Baanabási kpódó Sólu kpán dó mɔ̌ ɔ́, yě wá yi Selesíi, bó dó tɔjíhún ɖo fínɛ́ ɖidó to e è nɔ ylɔ́ ɖɔ Cíplu ɔ́ mɛ.

Mɛsɛ́dó 15:23

Yě bló wěma ɖokpó dó así nú yě, bó ɖɔ dó wéma ɔ́ mɛ ɖɔ: “Mǐ nɔví mitɔn mɛsɛ́dó lɛ́ɛ, kpódó agunnukɔntɔ́ lɛ́ɛ kpán dó gbe sɛ́ dó mi mɛ e má nyí Jwifu ǎ, bó ka nyí nɔví mǐtɔn ɖo Klísu mɛ, bó ɖo Antyɔ́ci, bó ɖo tokpɔn Silíi tɔn kpódó Silisíi tɔn kpó mɛ lɛ́ɛ.

Mɛsɛ́dó 15:39

Nǔ dindɔn ɔ́ syɛ́n káká, bɔ Pɔ́lu kpódó Baanabási kpó klán. Baanabási ka kplá Maki, bɔ yě dó tɔjíhún, bó ɖidó tɔtɛ́ntinto e è nɔ ylɔ́ ɖɔ Cíplu ɔ́ gbé jí.

Mɛsɛ́dó 15:41

É gbɔn Silíi gbé jí, bó gbɔn Silisíi gbé jí, bó dó wǔsyɛ́n lanmɛ nú agun Klísu tɔn lɛ́ɛ.

Mɛsɛ́dó 18:18

Pɔ́lu lɛ́ nɔ Kɔlɛ́nti xɔ azǎn gěgé; énɛ́ ɔ́ gúdo ɔ́, é jó nɔví ɖo Klísu mɛ lɛ́ɛ dó, bó dó tɔjíhún ɖidó Silíi, bɔ Plisílu kpódó Akilási kpó xwedó e; cóbónú é ka ná ɖidó ɔ́, é xwlɛ́ ɖa ɖo to e è nɔ ylɔ́ ɖɔ Sanklé ɔ́ mɛ, ɖó akpá e é kó dó nú Mawu é wú.

Mɛsɛ́dó 21:16

Ahwanvú Jezu tɔn e ɖo Sezalée lɛ́ɛ ɖě zɔn xá mǐ, bó kplá mǐ yi ahwanvú Jezu tɔn xóxó lɛ́ɛ ɖokpó xwé; tɔtɛ́ntinto e è nɔ ylɔ́ ɖɔ Cíplu ɔ́ mɛ nu wɛ é nyí, bɔ è nɔ ylɔ́ ɛ ɖɔ Munasɔ́ɔn; xwé tɔn gbe wɛ mǐ ɖó ná nɔ.

Mɛsɛ́dó 21:2

Mǐ ka mɔ tɔjíhún ɖé, bɔ é xwe Fenisíi, bɔ mǐ byɔ́ mɛ ɖidó.

Mɛsɛ́dó 21:7

Ée mǐ gosín Tíi ɔ́, Putolemayísi wɛ mǐ wá glín hǔn dó, bɔ tɔjígbingbɔn yi tomɛ mǐtɔn nɔ te ɖo fínɛ́. Mǐ dó gbe nɔví mǐtɔn ɖo nǔɖiɖi mɛ lɛ́ɛ, bó nɔ kpɔ́ xá yě gbe énɛ́ gbe.

Mɛsɛ́dó 27:4

Ée mǐ gosín fínɛ́ ɔ́, hǔn ɔ́ jɛ jɔhɔn kpé jí, bɔ mǐ gbɔn kɛ́nkɛ́n nú tɔtɛ́ntinto Cíplu tɔn ɔ́ bó ɖidó.

Mɛsɛ́dó 4:36

Mɔ̌ wɛ nya ɖé tíin, bɔ è nɔ ylɔ́ ɛ ɖɔ Jozɛ́fu; mɛsɛ́dó lɛ́ɛ ká sun nyǐ i ɖɔ Baanabási, (tínmɛ tɔn wɛ nyí gbɔdónúmɛtɔ́,) Levíi ví wɛ bɔ è ji i ɖo Cíplu.

Hwɛɖɔtɔ́ 10:6

Izlayɛ́li ví lɛ́ɛ lɛ́ wa nǔ e ma nyɔ́ Mawu Mavɔmavɔ nukún mɛ ǎ é: Yě sɛn vodún Baalu lɛ́ɛ kpó Asitaatée lɛ́ɛ kpó; yě sɛn vodún Silíi tɔn lɛ́ɛ, Sidɔ́ɔnnu lɛ́ɛ tɔn lɛ́ɛ, Mɔwabunu lɛ́ɛ tɔn lɛ́ɛ, Amumɔ́ɔ ví lɛ́ɛ tɔn lɛ́ɛ kpó Filisitɛ́ɛn lɛ́ɛ tɔn lɛ́ɛ kpo. Yě jó Mawu Mavɔmavɔ dó bó sɔ́ nɔ sɛn ɛ ǎ.