Mɛsɛ́dó 20:4 - MAWUXÓWÉMA

⁴ Mɛ e nyi i lɛ́ɛ ɖíe: Sopatlɔ́si Beléenu e nyí Pilusi ví é; Alisitáki kpódó Sekúndúsi kpó, Tɛsalonikinu wɛ nú yě; Gayiwúsi Dɛɛbenu ɔ́, kpódó Timɔtée kpó; Ticíku kpódó Tlofímu kpó, Azíinu wɛ nú yě.

Mɛsɛ́dó 20:4 Iomraidhean Croise

Mɛsɛ́dó 14:20

Lo ɔ́, ée ahwanvú lɛ́ɛ lɛ́ lɛ̌ dó e ɔ́, é sí te bo lɛ́ byɔ́ toxo ɔ́ mɛ. Ayǐhɔ́ngbe tɔn ɔ́, é kpódó Baanabási kpán ɖidó to e è nɔ ylɔ́ ɖɔ Dɛɛbe ɔ́ mɛ.

Mɛsɛ́dó 14:6

Ée Pɔ́lu kpódó Baanabási kpó se mɔ̌ ɔ́, yě hɔn yi Lisitli kpó Dɛɛbe kpó, ɖo Likawoníi gbé jí kpódó to e yá fínɛ́ lɛ́ɛ kpán mɛ,

Mɛsɛ́dó 16:1

Pɔ́lu ka wá Dɛɛbe, bó gosín fínɛ́ wá Lisitli. Ahwanvú Jezu tɔn ɖé ka ɖo fínɛ́, bɔ è nɔ ylɔ́ ɛ ɖɔ Timɔtée; nyɔ̌nu Jwifu e ɖi nǔ nú Jezu é ɖě sín vǐ wɛ, bɔ tɔ́ tɔn ka nyí Glɛ̌sinu.

Mɛsɛ́dó 16:6

Yɛsinsɛn ka lɔn nú Pɔ́lu kpódó Silási kpó ní jlá Mawuxó ɖo Azíi gbé jí ǎ, énɛ́ ɔ́, yě dín gbɔn Flijíi gbé jí, bó dín gbɔn Galati gbé jí.

Mɛsɛ́dó 17:1

Pɔ́lu kpódó Silási kpó gbɔn Anfipolísi kpódó Apoloni kpó mɛ dín, bó wá Tɛsaloniki; kplɔ́ngbasá ɖokpó ka ɖo fínɛ́.

Mɛsɛ́dó 17:13

Lo ɔ́, éé Jwifu e ɖo Tɛsaloniki lɛ́ɛ se ɖɔ Pɔ́lu ɖo Mawuxó jlá wɛ ɖo Belée lɔmɔ̌ ɔ́, yě wá kplɔ́n nǔ mɛ lɛ́ɛ, bɔ yě fɔ́n gǔ, bó jɛ hunnyahunnya dó to ɔ́ mɛ jí,

Mɛsɛ́dó 19:29

Bɔ to ɔ́ bǐ xozǐn, bó nyi ahwan ɖidó tokplégbasá; yě wlí Gayiwúsi kpódó Alisitáki kpán, bó dɔn yě hɛn yi fínɛ́. Yě mɛ énɛ́ lɛ́ɛ ɔ́, Masedwaninu wɛ yě nyí, bɔ yě kpó Pɔ́lu kpó zɔn.

Mɛsɛ́dó 2:9

Gbɛtɔ́ ɖo mǐ mɛ bó gosín Paati, Mɛdinu kpó Elámu kpán; mɛ ɖě gosín Mɛzopotamíi, Judée, Kapadɔ́si, Pɔ́ɔn, gbɛtɔ́ gosín tokpɔn Azíi tɔn mɛ.

Mɛsɛ́dó 20:16

Đó Pɔ́lu ɖɔ émí ná gbɔn Efɛ́zi nukɔn dín, bó ma wá gú hwenu ɖo Azíi ó; ɖó é ɖo hwlɛndó jí, bónú é kpé wú ɔ́, é ná ɖo Jeluzalɛ́mu ɖo Jwifu lɛ́ɛ sín xwe e è nɔ ylɔ́ ɖɔ Pantekótu ɔ́ gbe.

Mɛsɛ́dó 20:18

Ée yě wǎ gɔ̌n tɔn ɔ́, é ɖɔ nú yě ɖɔ: “Lě e un nɔ mi mɛ gbɔn sín gbe e gbe un wá Azíi ɔ́, mi ɖě sɔ́ dán ɛ ǎ.

Mɛsɛ́dó 21:29

(Yě ɖɔ mɔ̌, ɖó yě ko mɔ Tlofímu Efɛ́zinu ɔ́ kpódó Pɔ́lu kpán ɖo toxo ɔ́ mɛ ɖ'ayǐ, bɔ yě vɛdó ɖɔ Pɔ́lu kplá ɛ byɔ́ sinsɛnxɔ ɔ́ mɛ wɛ sín.)

Mɛsɛ́dó 27:2

Mǐ dǒ Adlamitiwɔmu sín tɔjíhún ɖé, bɔ é ko ɖo nǎ sún wɛ, lobo ná gbɔn tɔjíhúnglíntɛn Azíi tɔn dín. Alisitáki e gosín Tɛsaloniki ɖo Masedwani kanmɛ ɔ́ dó tɔjíhún ɔ́ xá mǐ.

Hlɔ̌manu 16:21

Azɔ̌gbɛ́ ce Timɔtée dó gbe sɛ́ dó mi; mɔ̌ ɖokpó ɔ́, hɛ̌nnumɔ ce Lusiwúsi kpó Jazɔ́ɔn kpó, kpódó Sosipatlɔ́si kpán dó gbe sɛ́ dó mi.

Hlɔ̌manu 16:23

Gayiwúsi e yí nyɛ Pɔ́lu dó xwé tɔn gbe ɔ́, é mɛ e sín xwé gbe agun ɔ́ bǐ nɔ́ kplé ɖe ɔ́ dó gbe sɛ́ dó mi. Elasíti e nɔ hɛn akwɛ́gbá to ɔ́ tɔn ɔ́ kpódó nɔví mǐtɔn Kaatúsi kpán dó gbe sɛ́ dó mi. [

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

2 Kɔlɛ́ntinu 1:19

Đó Klísu Jezu, Mawu ví e xó nyɛ kpó Silási kpó, kpódó Timɔtée kpó, ɖɔ nú mi ɔ́ wá, bó ná nyí “ɛɛn”, bó ná lɛ́ nyí “éeǒ” ǎ. É nyɔ́ wa ɔ́, “ɛɛn” Mawu tɔn wɛ é nyí.

Efɛ́zinu 6:21

Nɔví wǎnyínámɔ mǐtɔn Ticíku e ɖo gbejí ɖo alɔdómɛ tɔn lɛ́ɛ mɛ, ɖo Aklúnɔ sín azɔ̌ lɛ́ɛ mɛ ɔ́ ná ɖɔ xó ce lɛ́ɛ bǐ nú mi, bónú mi ná tunwun lě e un ɖe gbɔn é.

Filípunu 2:19

Đo Aklúnɔ Jezu sín nyǐkɔ mɛ ɔ́, un ɖo linlin wɛ ɖɔ zaanɖé din ɔ́, un ná sɛ́ Timɔtée dó mi, bónú é lɛ́ kɔ wá ɔ́, xó mitɔn e é ná wá ɖɔ nú mì lɛ́ɛ ná ná akɔ́nkpinkpan nyɛ ɖésú.

Kolósinu 4:10

Alisitáki e kpó nyɛ kpó ɖo gankpá mɛ ɔ́ dó gbe sɛ́ dó mi; Baanabási sín nɔví Maki lɔmɔ̌ dó gbe sɛ́ dó mi. Lě e mi ná yí Maki gbɔn ɔ́, è ko ɖɔ nú mi; nú é wá mi gɔ́n hǔn, mi yí i ganjí.

Kolósinu 4:7

Nɔví wǎnyínámɔ mǐtɔn Ticíku e nyí azɔ̌watɔ́ gbejínɔtɔ́, bɔ nyɛ kpó é kpó ɖo Aklúnɔ sín azɔ̌ ɔ́ wa wɛ ɔ́, ná wá ɖɔ xó ce lɛ́ɛ bǐ nú mi.

1 Timɔtée 1:1

Nyɛ Pɔ́lu e Mawu Mɛhwlɛ́ngántɔ́ mǐtɔn, kpódó Klísu Jezu e nyí nukúnɖíɖó mǐtɔn ɔ́ kpán ɖe gbe, bɔ un nyí mɛsɛ́dó Klísu Jezu tɔn ɔ́

2 Timɔtée 1:2

wɛ ɖo wěma élɔ́ sɛ́ dó we wɛ, vǐ ce vívɛ́ná Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpó ní ná fɛ́nú we, bó kú nǔbláwǔ nú we, bó ná fífá we.

2 Timɔtée 4:12

Un sɛ́ Ticíku dó Efɛ́zi.

2 Timɔtée 4:20

Elasíti cí Kɔlɛ́nti. Un ka jó Tlofímu dó nyi Milɛ, ɖó é ɖo azɔn jɛ wɛ.

Titu 3:12

Hwenu e un ná sɛ́ Aatemási abǐ Ticíku dó we ɔ́, tɛ́nkpɔ́n bó wá mɔ mǐ ɖo Nikopolísi, ɖó fínɛ́ wɛ un ɖɔ un ná nɔ avivɔ hwenu.

Filemɔ́ɔ 1:24

Mɔ̌ ɖokpó ɔ́, azɔ̌gbɛ́ ce Maki kpódó Alisitáki kpó, kpó Demási kpó, kpódó Luki kpán dó gbe sɛ́ dó we.

3 Jǎan 1:1

Nyɛ Agunmɛxó ɔ́ wɛ ɖo wěma élɔ́ wlán sɛ́ dó mɛvívɛ́ná ce Gayiwúsi e un ɖó wǎn yíyí nǔgbó nǔgbó ná é wɛ.