Mɛsɛ́dó 20:2 - MAWUXÓWÉMA

² É gbɔn fí énɛ́ lɛ́ɛ, bó ɖɔ xó gěgé ɖo fínɛ́, bó dó dó wǔsyɛ́n lanmɛ nú mɛ e ɖi nǔ nú Jezu lɛ́ɛ, bó wá yi Glɛ̌si yíkúngban jí.

Mɛsɛ́dó 20:2 Iomraidhean Croise

Zakalíi 9:13

Đó un ná zán Judáanu lɛ́ɛ da e è nɔ dó fun ahwan ná é ɖɔhun, bɔ Eflayímunu lɛ́ɛ ná nyí gǎ. Sinyɔ́ɔnu lɛ́ɛ mi, un ná sɛ́ súnnu e ɖo mi mɛ lɛ́ɛ dó, bɔ yě ná yi tɔ́n ahwan Glɛ̌sinu lɛ́ɛ. Un ná zán yě lě e ahwanfuntɔ́ nɔ́ zán hwǐ tɔn gbɔn é.”

Luki 3:18

Mɔ̌ wɛ Jǎan ɖɔ xó gěgé, bó dó dó wǔsyɛ́n lanmɛ nú togun ɔ́, bó dó jlá Wɛn Ɖagbe Mawu tɔn nú yě gbɔn é nɛ́.

Mɛsɛ́dó 14:22

Yě nɔ dó wǔsyɛ́n lanmɛ nú ahwanvú Jezu tɔn lɛ́ɛ, bó nɔ́ ná akɔ́nkpinkpan yě, nú yě ná lí dǒ ɖo nǔɖiɖi mɛ, bó nɔ́ ɖɔ nú yě ɖɔ: “Ya gěgé wɛ mǐ ɖó nǎ ji, bó ná dó byɔ́ axɔ́súɖuɖu Mawu tɔn mɛ.”

Mɛsɛ́dó 15:41

É gbɔn Silíi gbé jí, bó gbɔn Silisíi gbé jí, bó dó wǔsyɛ́n lanmɛ nú agun Klísu tɔn lɛ́ɛ.

Mɛsɛ́dó 16:12

Mǐ gosín fínɛ́, bó yi toxo ɖaxó e è nɔ ylɔ́ ɖɔ Filípu ɔ́ mɛ; toxo énɛ́ ɖo tokpɔnla nukɔntɔn Masedwani tɔn mɛ, ɖo Hlɔ̌manu lɛ́ɛ sín acɛ mɛ. Mǐ nɔ to énɛ́ mɛ xɔ azǎn nabí ɖé.

Mɛsɛ́dó 17:1

Pɔ́lu kpódó Silási kpó gbɔn Anfipolísi kpódó Apoloni kpó mɛ dín, bó wá Tɛsaloniki; kplɔ́ngbasá ɖokpó ka ɖo fínɛ́.

Mɛsɛ́dó 17:10

Ée nǔ énɛ́ lɛ́ɛ jɛ tlóló ɔ́, nɔví ɖo Klísu mɛ lɛ́ɛ nyi Pɔ́lu kpódó Silási kpán sɛ́ dó Belée gbe nɛ́ gbe zǎn mɛ. Ée yě jɛ dɔ̌n ɔ́, yě yi kplɔ́ngbasá Jwifu lɛ́ɛ tɔn.

Mɛsɛ́dó 2:40

Piyɛ́ɛ ka lɛ́ ɖɔ xó gěgé ɖěvo nú yě, bó ná dó dɔn yě wá Mawu li jí, bó lɛ́ dó ná akɔ́nkpinkpan yě. É ɖɔ nú yě ɖɔ: “Mi hɔn sín gbɛtɔ́ dídá din tɔn élɔ́ lɛ́ɛ mɛ.”

Mɛsɛ́dó 20:1

Ée zǐngídi ɔ́ wá xwɛ ɔ́, Pɔ́lu ylɔ́ yě mɛ e ɖi nǔ nú Jezu lɛ́ɛ kplé, bó dó wǔsyɛ́n lanmɛ nú yě, bó ɖɔ nú yě ɖɔ émí ná yi bó wá, lobo ɖidó Masedwani.

Mɛsɛ́dó 20:11

Énɛ́ gúdo ɔ́, Pɔ́lu lɛ́ yi síngbó ɔ́ jí, bó kán wɔ̌xúxú bó ɖu. É ka lɛ́ ɖɔ xó nú yě káká bɔ ayǐ hɔ́n, lobo ɖidó.

Mɛsɛ́dó 20:3

É xɔ sun atɔn ɖo fínɛ́; é ka wá ɖo nǔ sɔ́ wɛ bó ná dó tɔjíhún yi Silíi gbé jí, bó se ɖɔ Jwifu lɛ́ɛ blá gbě émítɔn; énɛ́ ɔ́ wú ɔ́, é ɖɔ émí ná lɛ́ kɔ gbɔn Masedwani.

1 Kɔlɛ́ntinu 4:19

Amɔ̌ ényí é jló Aklúnɔ ɔ́, un ná wá mi gɔ́n ɖo malín málín mɛ din; énɛ́ ɔ́, un ná tunwun nǔ e wú goyítɔ́ énɛ́ lɛ́ɛ kpé é; ényí xó yětɔn lɛ́ɛ kɛ́ɖɛ́ wɛ un ná se kpowun ǎ.

Kolósinu 1:28

Énɛ́ ɔ́, mǐ nɔ jlá Klísuxó ɔ́ mɛ bǐ; mǐ nɔ́ zé nǔnywɛ́ e Mawu ná mǐ ɔ́ bǐ dó ɖó afɔ afɔ jí nú mɛ bǐ, dó kplɔ́n nǔ mɛ bǐ, bónú mɛ bǐ ná sixú zin ɖo nǔɖiɖi mɛ, ɖo bǔ e yě ɖe xá Klísu ɔ́ mɛ, ɖo Mawu nukɔn.

1 Tɛsalonikinu 2:11

Mi lɛ́ tunwun ɖɔ lě e vǐtɔ́ nɔ hɛn vǐ tɔn gbɔn ɔ́, mɔ̌ wɛ mǐ hɛn ɖokpó ɖokpó mitɔn gbɔn.

1 Tɛsalonikinu 2:3

Nǔgbó ɔ́, xó e ɖɔ dó ylɔ́ mɛ lɛ́ɛ ná wɛ mǐ ɖe ɔ́ jínjɔ́n nǔwanyido ɖé jí ǎ; é jínjɔ́n linlin kwíji kwíji ɖé jí ǎ; é ka jínjɔ́n nǔ hízíhízí ɖé jí ǎ.

1 Tɛsalonikinu 4:1

Bó ná dó fó ɔ́, nɔví lɛ́ɛ mi, mǐ kó kplɔ́n lě e mi ná zán gbɛ mitɔn gbɔn, bɔ é ná nyɔ́ Mawu nukún mɛ ɔ́ mi, bɔ mi ka ko ɖo blǒbló gbɔn jí wɛ. Nǔ e kpo bɔ mǐ ná ɖɔ nú mi din ɔ́ ɖíe: mǐ ɖo byɔ̌byɔ́ mi wɛ, bó ɖo vo sa nú mi wɛ ɖo Aklúnɔ Jezu nyǐkɔ mɛ ɖɔ mi ní nɔ zán gbɛ mitɔn, bónú é ní lɛ́ nyɔ́ d'é jí hú mɔ̌.