Mɛsɛ́dó 2:9 - MAWUXÓWÉMA

⁹ Gbɛtɔ́ ɖo mǐ mɛ bó gosín Paati, Mɛdinu kpó Elámu kpán; mɛ ɖě gosín Mɛzopotamíi, Judée, Kapadɔ́si, Pɔ́ɔn, gbɛtɔ́ gosín tokpɔn Azíi tɔn mɛ.

Mɛsɛ́dó 2:9 Iomraidhean Croise

Bǐbɛ́mɛ 10:22

Sɛ́mu ví súnnu lɛ́ɛ sín nyǐkɔ ɖíe: Elámu, Asúu, Aapakisadu, Lǔdi kpódó Alamu kpó.

Bǐbɛ́mɛ 14:1

Hwenɛ́nu ɔ́, axɔ́sú ɛnɛ tíin; yě wɛ nyí: Amulafɛ́lu, Mɛzopotamíi sín axɔ́sú ɔ́; Alyɔki Ɛlasáa sín axɔ́sú ɔ́; Kedɔ́laomɛ́ɛ, Elámu sín axɔ́sú ɔ́ kpódó Tidealu, Goyímu sín axɔ́sú ɔ́ kpó;

Bǐbɛ́mɛ 24:10

Mɛsɛntɔ́ ɔ́ fɔ lǎkúnmí wǒ ɖo gǎn tɔn sín lǎkúnmí lɛ́ɛ mɛ, bó hɛn nǔ ɖagbe ɖagbe tɛnmɛ tɛnmɛ e ɖo gǎn tɔn sín dɔkun mɛ lɛ́ɛ, bó ɖidó gǎn tɔn nɔví Naxɔ́ɔ sín tomɛ, ɖo Mɛzopotamíi.

2 Axɔ́sú 17:6

Xwe tɛ́nnɛ bló wɛ Ozée ɖe ɖo zinkpo jí hwenɛ́nu bɔ Asilíi xɔ́sú ɔ́ yí Samalíi toxo ɔ́, bó wlí Izlayɛ́linu lɛ́ɛ yi Asilíi. É bɛ́ mɛ ɖě ɖó Halaxi gbé jí bó bɛ́ mɛ ɖě ɖó Gozáni gbé jí, fí e Habɔ́ɔ tɔ ɔ́ ɖe é, bó bɛ́ mɛ ɖě ɖó Mɛdi sín toxo lɛ́ɛ mɛ.

1 Tan 19:6

Ée Amumɔ́ɔ ví lɛ́ɛ mɔ ɖɔ émí zé émíɖée dó xomɛ nú Davídi ɔ́, Hanúni kpó Amumɔ́ɔ ví lɛ́ɛ kpó sɛ́ kpatágan tɔ́nu gban dó, bo da kɛkɛ́ví kpó sɔ́xátɔ́ lɛ́ɛ kpó ɖo Silíinu e ɖo Mɛzopotamíi lɛ́ɛ sí, bó da ɖo Silíinu e ɖo Maaka lɛ́ɛ kpó ée ɖo Sova lɛ́ɛ kpó sí.

Ɛsidlási 6:2

Lo ɔ́, Ɛkibatáni, tota tokpɔn Mɛdi tɔn ɔ́ mɛ wɛ è wǎ yi mɔ wěma mlámlá ɖé ɖe. Nǔflínmɛxó e è wlǎn dó wěma ɔ́ mɛ ɔ́ ɖíe:

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Ezayíi 21:2

Nǔ baɖabaɖa ɖé wɛ Mawu hun xlɛ́ mì. Mɛ e kpó mɛ kpó jɛ akɔ ɔ́ húzú mɛsaɖutɔ́. Nǔhɛngblétɔ́ ɔ́ ná hɛn nǔ gblé. Mawu ɖɔ: “Elámunu lɛ́ɛ e mi, mi yi fun ahwan. Mɛdinu lɛ́ɛ e mi, mi yi xá to ɔ́. Un ná ɖó wǔvɛ́ bǐ te.”

Daniyɛ́li 5:28

‘Palusíin’ ɔ́ sín tínmɛ nyí nǔmímá. É ɖo ɖiɖɔ ɖo fínɛ́ wɛ ɖɔ è mǎ axɔ́súɖuto ɔ́ nú Mɛdinu lɛ́ɛ kpó Pɛ́sinu lɛ́ɛ kpó.”

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Daniyɛ́li 8:20

Agbo e ɖó zo we bɔ a mɔ ɔ́, ɖo axɔ́súɖuto Mɛdi tɔn kpó Pɛ́si tɔn kpó sín xlɛ́ nyí wɛ.

Mɛsɛ́dó 16:6

Yɛsinsɛn ka lɔn nú Pɔ́lu kpódó Silási kpó ní jlá Mawuxó ɖo Azíi gbé jí ǎ, énɛ́ ɔ́, yě dín gbɔn Flijíi gbé jí, bó dín gbɔn Galati gbé jí.

Mɛsɛ́dó 18:2

É mɔ nya Jwifu ɖokpó ɖo fínɛ́; è nɔ ylɔ́ nya ɔ́ ɖɔ Akilási, bɔ é nyí tokpɔn Pɔ́ɔn mɛ nu; nya énɛ́ kpódó asi tɔn Plisílu kpó gosín Italíi wá ɔ́, é ko lín ǎ, ɖó axɔ́sú Klódu ɖe gbeta tɔ́n ɖɔ mɛ e nyí Jwifu lɛ́ɛ bǐ ní tɔ́n sín Hlɔ̌ma; Pɔ́lu yi mɔ yě.

Mɛsɛ́dó 19:10

Nǔ nyí mɔ̌ xɔ xwe we, káká bɔ mɛ e ɖo Azíi gbé jí lɛ́ɛ bǐ: Jwifu lɛ́ɛ kpódó mɛ e ma nyí Jwifu ǎ lɛ́ɛ kpán se Aklúnɔxó ɔ́.

Mɛsɛ́dó 19:27

Nú mǐ ma nyɔ́ wa ǎ ɔ́, ényí azɔ̌ mǐtɔn kɛ́ɖɛ́ wɛ é ná hɛn gblé ǎ; lo ɔ́, mɛɖé sɔ́ ná ké ya nú vodún ɖaxó Aatemísi sín xɔ ɔ́ lɔmɔ̌ ǎ, bɔ vodún énɛ́ ɔ́ ɖésú e mɛ e ko ɖo Azíi gbé ɔ́ bǐ jí, kpódó mɛ e ko ɖo gbɛ ɔ́ bǐ mɛ lɛ́ɛ kpán nɔ́ sɛn ɔ́ sɔ́ ná ɖó wi ɖé ta ǎ.”

Mɛsɛ́dó 19:31

Xɔ́ntɔn tɔn axɔ́súzɔ́watɔ́ Azíinu ɖé lɛ́ɛ lɔmɔ̌ sɛ́ wɛn dó e ɖɔ é ní kɛnklɛ́n bó ma yi tokplégbasá ɔ́ gbeɖé ó.

Mɛsɛ́dó 2:8

Nɛ̌ ka gbɔn bɔ ɖokpó ɖokpó mǐtɔn nɔ́ se xó e ɖɔ wɛ yě ɖe ɔ́ dó gbe mǐtɔn mǐtɔn mɛ?

Mɛsɛ́dó 20:16

Đó Pɔ́lu ɖɔ émí ná gbɔn Efɛ́zi nukɔn dín, bó ma wá gú hwenu ɖo Azíi ó; ɖó é ɖo hwlɛndó jí, bónú é kpé wú ɔ́, é ná ɖo Jeluzalɛ́mu ɖo Jwifu lɛ́ɛ sín xwe e è nɔ ylɔ́ ɖɔ Pantekótu ɔ́ gbe.

Mɛsɛ́dó 20:18

Ée yě wǎ gɔ̌n tɔn ɔ́, é ɖɔ nú yě ɖɔ: “Lě e un nɔ mi mɛ gbɔn sín gbe e gbe un wá Azíi ɔ́, mi ɖě sɔ́ dán ɛ ǎ.

Mɛsɛ́dó 20:4

Mɛ e nyi i lɛ́ɛ ɖíe: Sopatlɔ́si Beléenu e nyí Pilusi ví é; Alisitáki kpódó Sekúndúsi kpó, Tɛsalonikinu wɛ nú yě; Gayiwúsi Dɛɛbenu ɔ́, kpódó Timɔtée kpó; Ticíku kpódó Tlofímu kpó, Azíinu wɛ nú yě.

Mɛsɛ́dó 21:27

Azǎn tɛ́nwe lɛ́ɛ wɛ ɖo ná vɔ wɛ kɛ́ɖɛ́, bɔ Jwifu Azíi gbé jí tɔn lɛ́ɛ wá mɔ Pɔ́lu ɖo sinsɛnxɔ ɔ́ mɛ, bó fɔ́n togun ɔ́ bǐ dó jǐ tɔn, lobo wlí i.

Mɛsɛ́dó 24:18

Nǔ énɛ́ ɔ́ kɔn wɛ un ɖe ɖo sinsɛnxɔ mɛ, bɔ Jwifu lɛ́ɛ wá mɔ mì; un ko slá wǔ nɛ́; ahwan ɖé ɖo fínɛ́ ǎ; zǐngídi ɖé ka tíin ǎ,

Mɛsɛ́dó 27:2

Mǐ dǒ Adlamitiwɔmu sín tɔjíhún ɖé, bɔ é ko ɖo nǎ sún wɛ, lobo ná gbɔn tɔjíhúnglíntɛn Azíi tɔn dín. Alisitáki e gosín Tɛsaloniki ɖo Masedwani kanmɛ ɔ́ dó tɔjíhún ɔ́ xá mǐ.

Mɛsɛ́dó 6:9

Jwifu ɖé lɛ́ɛ ka gosín kplɔ́ngbasá e è nɔ ylɔ́ ɖɔ “Kannumɔ e jɛ yěɖée sí lɛ́ɛ tɔn é” bó wá, bó jɛ nǔ dɔn xá Etyɛ́ni jí; to vovo mɛ wɛ Jwifu énɛ́ lɛ́ɛ gosín; mɛ ɖě gosín Silenɛ́ɛ, Alɛsándli, Silisíi kpódó Azíi yíkúngban jí kpó.

Mɛsɛ́dó 7:2

Bɔ Etyɛ́ni yí xó, bó ɖɔ: “Nɔví ce lɛ́ɛ mi, tɔ́ ce lɛ́ɛ mi, mi ɖótó mì. Mawu susunɔ ɔ́ tɔ́n dó tɔ́gbó mǐtɔn Ablaxámu jí hwenu e é kpo ɖo Mɛzopotamíi, bó ma kó yi sá xwé ɖó Haláani ǎ é,

Hlɔ̌manu 16:5

Mi dó gbe agun e nɔ kplé ɖo xwé yětɔn gbe ɔ́ lɔmɔ̌ nú mì. Mi dó gbe wǎnyínámɔ ce Epenɛ́ti e nyí mɛ nukɔn tɔn e ɖi nǔ nú Klísu ɖo tokpɔn Azíi tɔn mɛ é nú mì.

1 Kɔlɛ́ntinu 16:19

Agun e ɖo tokpɔn Azíi tɔn mɛ lɛ́ɛ dó gbe sɛ́ dó mi. Akilási kpó Plisílu kpó, kpódó agun e nɔ kplé ɖo xwé yětɔn gbe ɔ́ kpán dó gbe sɛ́ dó mi ɖaxó ɖo Aklúnɔ mɛ.

2 Kɔlɛ́ntinu 1:8

Nɔví lɛ́ɛ mi, nǔgbó ɔ́, mǐ jlǒ nú mi ní tunwun wǔvɛ́ e mǐ mɔ ɖo tokpɔn Azíi tɔn mɛ é: agban tɔn kpɛn mǐ sɔ mɔ̌, káká bɔ mǐ sɔ́ sixú dɛ ɖ'é nu ǎ; mǐ sɔ́ ɖó nukún lɔ ɖɔ mǐ ná nɔ gbɛ ǎ.

Sɛ́nflínmɛ 23:4

Amumɔ́ɔ ví lɛ́ɛ kpó Mɔwabunu lɛ́ɛ kpó ɖě ná sixú nɔ mawusɛntɔ́ lɛ́ɛ sín agun ɔ́ mɛ gbeɖé ǎ. Bɛ́ sín vǐ yětɔn jí káká yi jijimɛ wǒgɔ́ ɔ́ jí lɔmɔ̌ ná sixú nɔ mawusɛntɔ́ lɛ́ɛ sín agun ɔ́ mɛ ǎ.

2 Timɔtée 1:15

Lě e a ko tunwun gbɔn ɔ́, mɛ e ɖo Azíi yíkúngban jí lɛ́ɛ bǐ lɛ́ kɔ sín gǔdo ce; yě ɖě nɛ́ nyí Fijɛ́lu kpódó Ɛɛmɔjɛ́ni kpó nɛ́.

1 Piyɛ́ɛ 1:1

Nyɛ mɛsɛ́dó Jezu Klísu tɔn Piyɛ́ɛ wɛ wlán wěma élɔ́ sɛ́ dó mi mɛcyáncyán Mawu tɔn e nyí jǒnɔ ɖo ayǐkúngban jí, bó gba kpé Pɔ́ɔn kpó Galati kpó, Kapadɔ́si kpó Azíi kpó, kpódó Bitiníi kpán sín tokpɔn mɛ lɛ́ɛ é.

Nǔɖexlɛ́mɛ 1:11

bó nɔ́ ɖɔ: “Wlǎn nǔ e mɔ wɛ a ɖe lɛ́ɛ dó wěma mɛ, bó sɛ́ wěma ɔ́ dó agun Klísu tɔn tɛ́nwe élɔ́ lɛ́ɛ: agun Efɛ́zi tɔn, Simíini tɔn, Pɛɛgamu tɔn, Tiatíi tɔn, Saadu tɔn, Filadɛlufíi tɔn kpó Lawodisée tɔn kpó.”

Nǔɖexlɛ́mɛ 1:4

Nyɛ Jǎan wɛ sɛ́ wěma élɔ́ dó agun Klísu tɔn tɛ́nwe e ɖo tokpɔn Azíi tɔn mɛ lɛ́ɛ: Mawu e tíin din, bó ka kó tíin ɖ'ayǐ, bó ná wá ɔ́ ní ná fɛ́nú kpó fífá kpó mi; yɛ tɛ́nwe e ɖo axɔ́súzinkpo tɔn nukɔn lɛ́ɛ ní ná fɛ́nú kpó fífá kpó mi; Jezu Klísu e nyí kúnnuɖetɔ́ gbejínɔtɔ́, bó nyí mɛ nukɔntɔn e Mawu fɔ́n sín kú é, bó hú gǎn axɔ́sú e ɖo ayǐkúngban jí lɛ́ɛ é ní ná fɛ́nú kpódó fífá kpó mi. Jezu Klísu yí wǎn nú mǐ; é hwlɛ́n mǐ sín hwɛ e mǐ hu lɛ́ɛ mɛ, gbɔn kanjɔ tɔn gbla mɛ;

Hwɛɖɔtɔ́ 3:8

Mawu Mavɔmavɔ sin xomɛ dó yě bó jó yě nú axɔ́sú Mɛzopotamíi tɔn Kucáni-Hliceatayímu, bɔ yě nɔ acɛ tɔn mɛ xɔ xwe tántɔn.