Mɛsɛ́dó 2:7 - MAWUXÓWÉMA

⁷ bɔ é nyí nǔɖé bó kpácá yě, bó fyán yě, bɔ yě nɔ́ ɖɔ: “Yě mɛ énɛ́ lɛ́ɛ e ɖo xó ɖɔ wɛ lɛ́ɛ ɔ́, Galiléenu wɛ yě bǐ ka nyí ǎ cé?

Mɛsɛ́dó 2:7 Iomraidhean Croise

Matíe 21:11

Bɔ mɛ lɛ́ɛ yí gbe ɖɔ: “Gbeyíɖɔ Mawu tɔn Jezu e gosín Nazalɛ́ti, ɖo Galilée gbé jí ɔ́ wɛ.”

Matíe 26:73

Ée é ka nɔ zaan kpɛɖé ɔ́, mɛ e ɖo fínɛ́ lɛ́ɛ sɛkpɔ́ Piyɛ́ɛ, bo ɖɔ n'i ɖɔ: “Hwi lɔ ɖo yě mɛ dandan, ɖó gbe e ɖo kɔ towe nu ɔ́ ko ɖe xlɛ́.”

Matíe 8:10

Ée Jezu se xó énɛ́ lɛ́ɛ ɔ́, é kpácá ɛ, bɔ é ɖɔ nú mɛ e ɖo xwixwedó e wɛ lɛ́ɛ ɖɔ: “Má ɖɔ nǔgbó nú mi; un mɔ mɛɖé ɖó nǔɖiɖi lěhunkɔtɔn ɖo Izlayɛ́li ví lɛ́ɛ mɛ ǎ.

Maki 1:27

É kpácá yě bǐ bɔ yě nɔ́ kanbyɔ́ yěɖée ɖɔ: “Ani ka ɖíe? Nǔkplɔ́nmɛ alɔkpa vo ɖíe mɛ! É nɔ́ ɖe gbe dó yɛ nyanya lɛ́ɛ, kpódó acɛkpikpa kpán, bɔ yě nɔ́ se gbe n'i.”

Maki 2:12

Azɔn ɖokpó ɔ́, nya ɔ́ sí te, bó sɔ́ zan tɔn, bó ɖi zɔnlin, bó tɔ́n ɖo yě bǐ nukún mɛ, bɔ ahwi xo yě bǐ; bɔ yě jɛ Mawu xomlá jí, bó nɔ́ ɖɔ: “Mǐ kó mɔ nǔ lěhunkɔtɔn kpɔ́n gbeɖé ǎ.”

Jǎan 7:52

Bɔ yě yí gbe n'i ɖɔ: “Galiléenu wɛ hwi lɔmɔ̌ nyí a? Kpɔ́n Mawuxówéma ɔ́ mɛ ganjí bo! A ná mɔ ɖɔ gbeyíɖɔ Mawu tɔn ɖě kún gosín Galilée ó.” [

Mɛsɛ́dó 1:11

bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”

Mɛsɛ́dó 2:12

É kpácá yě bǐ tawun, bɔ yě sɔ́ tunwun nǔ e yě ná ɖɔ ɔ́ ǎ, bó gbɔ bó nɔ kanbyɔ́ yěɖée ɖɔ: “Étɛ́ lɔkpa ka ɖíe?”

Mɛsɛ́dó 2:8

Nɛ̌ ka gbɔn bɔ ɖokpó ɖokpó mǐtɔn nɔ́ se xó e ɖɔ wɛ yě ɖe ɔ́ dó gbe mǐtɔn mǐtɔn mɛ?

Mɛsɛ́dó 3:10

Ée mɛ bǐ wá tunwun ɖɔ nya e nɔ ɖo ayǐjínjɔ́n, bó nɔ́ ɖo nǔ byɔ́ wɛ ɖo “Hɔn ɖɛkpɛ ɖɛkpɛ” ɔ́ nukɔn ɔ́ wɛ ɔ́, nǔ énɛ́ e jɛ dó wǔ tɔn ɔ́ kpácá yě, bó fyán yě.