Mɛsɛ́dó 2:4 - MAWUXÓWÉMA

⁴ Yɛsinsɛn gɔ́ ayi mɛ nú yě, bɔ yě jɛ gbe alɔkpa alɔkpa dó jí, lě e Yɛsinsɛn ɔ́ ná ɖɔ yě ní ɖɔ gbɔn é.

Mɛsɛ́dó 2:4 Iomraidhean Croise

2 Samuwɛ́li 23:2

Yɛ Mawu Mavɔmavɔ tɔn ɖɔ xó gbɔn jǐ ce. Xó tɔn ɖo nu ce.

Ezayíi 28:11

Ée mi sɔ́ ɖó mɔ̌ din é ɔ́, mɛ e nɔ ɖo gbe flán wɛ, bó nɔ́ ɖo gbe ɖěvo dó wɛ lɛ́ɛ jí wɛ Mawu ná ɖɔ xó nú mi gbɔn.

Ezayíi 59:21

Mawu Mavɔmavɔ ɖɔ: “Nyɛ ɔ́, akɔ e un jɛ xá mi ɔ́ ɖíe: Yɛ ce ɖo mi jí; un sɔ́ xó ce dó nu nú mi, xó énɛ́ ɔ́ ná nɔ mi nu, bó nɔ vǐ mitɔn lɛ́ɛ nu, bó nɔ vǐvú mitɔn lɛ́ɛ nu, sín din káká sɔ́yi; un ná yí xó ce sín mi nu gbeɖé ǎ; nyɛ Mawu Mavɔmavɔ wɛ ɖɔ mɔ̌.”

Jelemíi 6:11

Mawu, xomɛsin towe gɔ́ ayi ce, un sixú hɛn ɖó te ǎ.” Mawu ɖɔ: “Ényí mɔ̌ hǔn, gba kɔn dó yɔkpɔ́vú lɛ́ɛ jí gbɔn alixo alixo; gba kɔn dó mɛ wínnyáwínnyá lɛ́ɛ jí, ɖo fí e yě kplé ɖe lɛ́ɛ. Đó è nǎ zě asú kpó asi kpó yi. È nǎ zě mɛ kpikpo yi; è nǎ zě mɛ e dɔ́ ji é yi.

Ezekiyɛ́li 3:11

Yi mɛ towe e ahwan wlí wá fí lɛ́ɛ gɔ́n, bó ɖɔ nú yě ɖɔ: ‘Xó e Aklúnɔ Mavɔmavɔ ɖɔ é ɖíe’ Yě ɖótó we kpó yě má ɖótó we kpó ɔ́, vɛ̌ ɖɔ nú yě.”

Micée 3:8

Amɔ̌, nyɛ ɔ́, Mawu Mavɔmavɔ ná hlɔ̌nhlɔ́n tɔn mì; é ná Yɛ tɔn mì; é ná mì nǔjlɔ́jlɔ́wiwa, bó ná mì, bɔ un ná dó sixú ɖe gbejímánɔ kpódó gǔfínfɔ́n Izlayɛ́li ví lɛ́ɛ tɔn kpó gba.

Matíe 10:19

Lo ɔ́, hwenu e yě ná wá wlí mi yi jó ɔ́, mi ma jɛ tagba bo ɖo nǔ e mi ná ɖɔ ɖo dɔ̌n lɛ́ɛ, abǐ lě e mi ná ɖɔ xó gbɔn ɖo dɔ̌n ɔ́ linkpɔ́n wɛ ó, è nǎ sɔ́ nǔ e mi ná ɖɔ ɖo dɔ̌n hwenɛ́nu lɛ́ɛ dó ayi mɛ nú mi.

Maki 16:17

Nǔ e mɛ e ɖi nǔ nú mì lɛ́ɛ ná nɔ jlɛ́ ɔ́ ɖíe: ɖo nyǐkɔ ce mɛ ɔ́, yě ná nɔ́ nya yɛ nyanya lɛ́ɛ sín gbɛtɔ́ lɛ́ɛ jí, bó ná nɔ́ ɖɔ xó dó gbe yɔ̌yɔ́ mɛ.

Luki 1:15

Đó é ná nyí gbɛtɔ́ nukúnɖéjí ɖokpó ɖo Aklúnɔ nukún mɛ. Vɛ̌ɛn kpódó ahan syɛ́nsyɛ́n kpó ɖěbǔ ná jɛ nu tɔn ǎ. Yɛsinsɛn ná kó gɔ́ ayi mɛ n'i sín nɔ tɔn xomɛ.

Luki 1:41

Ée Elizabɛ́ti se gbedómɛ Mali tɔn lě ɔ́, vǐ e ɖo xo tɔn mɛ é dán wǔ, bɔ Yɛsinsɛn gɔ́ ayi mɛ nú Elizabɛ́ti,

Luki 1:67

Yɛsinsɛn gɔ́ ayi mɛ nú tɔ́ tɔn Zakalíi, bɔ é jɛ Mawuxó ɖɔ jí ɖɔ:

Luki 12:12

ɖó Yɛsinsɛn ná kplɔ́n mi nǔ e mi ná ɖɔ ɔ́, ɖo gan ɔ́ mɛ.”

Luki 21:15

Đó un ná sɔ́ xó e mi ná ɖɔ é kpódó nǔnywɛ́ e mi ná zán é kpán bǐ dó ayi mɛ nú mi, bɔ kɛntɔ́ mitɔn lɛ́ɛ ɖěbǔ ná sixú mɔ xó ɖé, bó dó gba mitɔn ɔ́ ná ǎ.

Luki 4:1

Jezu lɛ́ kɔ sín Judɛ́ɛn tɔ ɔ́ tó, bɔ Yɛsinsɛn gɔ́ ayi mɛ n'i, bó kplá ɛ yi gbětótló mɛ.

Jǎan 14:26

Lo ɔ́, mɛ e ná d'alɔ mi ɔ́, Yɛsinsɛn e Tɔ́ ɔ́ ná sɛ́ dó mi ɖo nyǐkɔ ce mɛ é wɛ; é ná kplɔ́n nǔ bǐ mi, bó ná flín nǔ e un ɖɔ nú mi lɛ́ɛ bǐ mi.

Jǎan 20:22

Ée é ɖɔ mɔ̌ ɔ́, é fún funfún dó yě jí, bó ɖɔ nú yě ɖɔ: “Mi yí Yɛsinsɛn.

Mɛsɛ́dó 1:5

Đó Jǎan ɔ́, sin wɛ é sɔ́ dó lɛ yɛhwesin nú mɛ; lo ɔ́, midɛɛ lɛ́ɛ ɔ́, ɖo malín málín mɛ din ɔ́, Yɛsinsɛn wɛ è nǎ sɔ́ dó lɛ yɛhwesin nú mi.”

Mɛsɛ́dó 1:8

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 10:46

Đó yě se bɔ yě ɖo xó ɖɔ wɛ dó gbe e yě ma se ǎ lɛ́ɛ mɛ, bó ɖo susu kpa nú Mawu wɛ. Piyɛ́ɛ ka yí xó, bó ɖɔ:

Mɛsɛ́dó 10:47

“Mɛ élɔ́ lɛ́ɛ e Mawu ná Yɛsinsɛn lě e é ná mǐ lɔmɔ̌ gbɔn ɔ́, è sixú gbɛ́ ɖɔ è ma lɛ yɛhwesin nú yě kpó sin kpó ó a?”

Mɛsɛ́dó 11:15

Xó ɖɔ nú yě jí wɛ un jɛ, bɔ Yɛsinsɛn jɛ te wá yě jǐ, lě e é jɛ te wá mǐ jǐ ɖo bǐbɛ́mɛ gbɔn é,

Mɛsɛ́dó 11:24

Đó Banabási ɔ́, ɖagbewatɔ́ wɛ, bɔ Yɛsinsɛn kpódó nǔɖiɖi kpán gɔ́ ayi tɔn mɛ, bɔ mɛ gěgé lɛ́ jɛ Aklúnɔ sín ali jí.

Mɛsɛ́dó 13:52

Awǎjijɛ kpódó Yɛsinsɛn kpó ká gɔ́ ayi mɛ nú ahwanvú Jezu tɔn lɛ́ɛ ɖo Antyɔ́ci.

Mɛsɛ́dó 13:9

Énɛ́ ɔ́, Sólu e è nɔ lɛ́ ylɔ́ ɖɔ Pɔ́lu ɔ́, Yɛsinsɛn gɔ́ ayi mɛ n'i, bɔ é kpɔ́n Elimasi tlítlí,

Mɛsɛ́dó 15:8

Mawu e nɔ mɔ nǔ jɛ mɛ xomɛ ɔ́ ná yě Yɛsinsɛn lě e é ná mǐ gbɔn é, bó dó ɖe xlɛ́ ɖɔ émí yí yě.

Mɛsɛ́dó 19:6

Pɔ́lu ka ɖó alɔ yě jí, bɔ Yɛsinsɛn wá yě jǐ, bɔ yě jɛ gbe ɖěvo dó jí, bó jɛ xó e Mawu ɖɔ nú yě ɔ́ ɖɔ jí.

Mɛsɛ́dó 2:11

Jwifu lɛ́ɛ, kpódó mɛ e wá byɔ́ sinsɛn yětɔn mɛ lɛ́ɛ kpán; Klɛ́tinu lɛ́ɛ ɖo fí, kpódó Alabíinu lɛ́ɛ kpó, có mǐ bǐ mǐ ɖo sise wɛ, bɔ yě nɔ́ ɖo azɔ̌ ɖagbe ɖagbe e Mawu wa lɛ́ɛ sín xó ɖɔ wɛ dó gbe mǐtɔn mǐtɔn mɛ.”

Mɛsɛ́dó 2:3

bɔ yě mɔ nǔ zoɖɛ́ ɖɔhun ɖé lɛ́ɛ má yěɖée ɖó mɛ ɖokpó ɖokpó jí.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 4:8

Hwenɛ́nu ɔ́, Yɛsinsɛn gɔ́ ayi mɛ nú Piyɛ́ɛ bɔ é ɖɔ nú yě ɖɔ jí: “Gǎn lɛ́ɛ mi; tomɛxó lɛ́ɛ mi;

Mɛsɛ́dó 6:3

Énɛ́ ɔ́ wú ɔ́, nɔví ce lɛ́ɛ mi, mi gbɔ bo kpɔ́n miɖée mɛ, bó cyán súnnu tɛ́nwe e ɖó jijɔ ɖagbe, bɔ Yɛsinsɛn kpó nǔnywɛ́ kpó gɔ́ ayi mɛ ná lɛ́ɛ é, bónú mǐ ná sɔ́ yě ɖó azɔ̌ énɛ́ ɔ́ nu.

Mɛsɛ́dó 6:5

Xó énɛ́ nyɔ́ agun ɔ́ bǐ nukún mɛ, bɔ yě cyán mɛ tɛ́nwe élɔ́ lɛ́ɛ: Etyɛ́ni, nya nǔɖitɔ́ titewungbe ɖé wɛ, bɔ Yɛsinsɛn gɔ́ ayi mɛ n'i; Filípu kpó Plokɔ́ɔ kpó, Nikanɔ́ɔ kpó Timɔ́ɔ kpó, Pamɛnási kpódó Nikoláa Antyɔ́cinu e ko byɔ́ Jwifu lɛ́ɛ sín sinsɛn mɛ ɖ'ayǐ ɔ́ kpán.

Mɛsɛ́dó 6:8

Mawu tún acɛ dó Etyɛ́ni jí, bó ná ɛ hlɔ̌nhlɔ́n, bɔ é nɔ́ ɖo nǔdábaɖa ɖe tɔ́n wɛ, bó nɔ́ ɖo nǔ ɖaxó ɖaxó lɛ́ɛ jlɛ́ wɛ ɖo togun ɔ́ tɛ́ntin.

Mɛsɛ́dó 7:55

Yɛsinsɛn gɔ́ ayi mɛ nú Etyɛ́ni, bɔ é kpɔ́n jǐxwé, bó mɔ susu Mawu tɔn, bɔ Jezu ɖo te ɖo ɖisíxwé nú Mawu,

Mɛsɛ́dó 8:17

Ée Piyɛ́ɛ kpódó Jǎan kpán xo ɖɛ gúdo ɔ́, yě ɖó alɔ yě jí, bɔ Mawu ná Yɛsinsɛn yě.

Mɛsɛ́dó 9:17

Ananíyasi ka yi nǔgbó, bó byɔ́ xwé ɔ́ gbe, lobo ɖó alɔ Sólu jí, bó ɖɔ: “Sólu nɔví ce! Aklúnɔ Jezu e tɔ́n dó jǐ towe ɖo ali e a gbɔn bó wá é jí ɔ́ wɛ sɛ́ mì dó, nú a nǎ lɛ́ mɔ nukúnnú, bónú Yɛsinsɛn ní gɔ́ ayi mɛ nú we.”

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

1 Kɔlɛ́ntinu 12:10

Yɛsinsɛn nɔ ná acɛ mɛ ɖě, bɔ é ná sixú jlɛ́ nǔ; é nɔ ná mɛ ɖě, bɔ é nɔ ɖɔ xó e Mawu sɔ́ dó nu n'i ɖɔ é ní ɖɔ lɛ́ɛ; é nɔ lɛ́ ná mɛɖěvo, bɔ é nɔ sixú tunwun yɛ nǔgbó ɔ́ ɖo yɛ nyanya lɛ́ɛ mɛ. É nɔ ná mɛ ɖě, bɔ é nɔ ɖɔ xó dó gbe tɛnmɛ tɛnmɛ lɛ́ɛ mɛ, bó nɔ́ lɛ́ ná mɛ ɖě, bɔ é nɔ tín gbe énɛ́ lɛ́ɛ mɛ.

1 Kɔlɛ́ntinu 13:1

Ényí un ná bo nɔ ɖɔ xó dó gbɛtɔ́ lɛ́ɛ kpódó wɛnsagun Mawu tɔn lɛ́ɛ kpó sín gbe mɛ, bó ma ka ɖó wǎn yíyí ǎ ɔ́, xó ce lɛ́ɛ ná cí hǔn abǐ gan e xo wɛ è ɖe kpowun, bɔ é ma ɖo xó ɖě ɖɔ wɛ ǎ é ɖɔhun.

1 Kɔlɛ́ntinu 13:8

Wǎn yíyí ná vɔ gbeɖé ǎ; wɛn Mawu tɔn lɛ́ɛ dídó ka ná vɔ; xó ɖɔ dó gbe tɛnmɛ tɛnmɛ mɛ ná nɔ te; nǔ e mǐ tunwun ɔ́ na vɔ.

1 Kɔlɛ́ntinu 14:18

Un dó kú nú Mawu, ɖó é bló bɔ un nɔ ɖɔ xó dó gbe tɛnmɛ tɛnmɛ mɛ hú mi bǐ.

1 Kɔlɛ́ntinu 14:5

Un jló ganjí ɖɔ mi bǐ ní ɖɔ xó dó gbe tɛnmɛ tɛnmɛ mɛ; lo ɔ́, mi ní yí wɛn ɖo Mawu sí bó dó ɔ́ ka jló mì hú. Nǔgbó ɔ́, mɛ e ɖo wɛn mɔ̌hunkɔtɔn lɛ́ɛ dó wɛ ɔ́ hú gǎn mɛ e ɖo xó ɖɔ dó gbe tɛnmɛ tɛnmɛ mɛ wɛ é; afi nú mɛɖé ɖo fínɛ́, bó ná sixú tín xó e ɖɔ wɛ é ɖe ɔ́ mɛ, bónú agun ɔ́ bǐ ná dó sixú yi nukɔn.

Efɛ́zinu 3:19

Nǔgbó wɛ! Mi ní mɔ nukúnnú jɛ wǎn yíyí tɔn wú, énɛ́ ɔ́, nǔ e Mawu nyí ɔ́ ná gɔ́ ayi mitɔn mɛ bǐ dégbédégbé. Có mɛɖé ka nɔ mɔ nukúnnú jɛ wǎn yíyí Mawu tɔn wú yí fó gbeɖé ǎ.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

2 Piyɛ́ɛ 1:21

Đó mɛ ɖěbǔ nɔ sɔ́ jlǒ é ɖésúnɔ tɔn kpowun dó ɖɔ Mawuxó ɔ́ ná kpɔ́n gbeɖé ǎ; lo ɔ́, Yɛsinsɛn wɛ nɔ sɔ́ dó ayi mɛ nú gbɛtɔ́ lɛ́ɛ, bɔ yě nɔ ɖɔ xó e Mawu ɖɔ yě ní ɖɔ é.

1 Samuwɛ́li 1:14

bó ɖɔ: “Káká hwetɛ́nu ahan ka ná nɔ jǐ we yi jɛ? Ahan ɔ́ ní hɔ́n nú we lo.”

1 Samuwɛ́li 10:10

Ée yě wǎ Giveya ɔ́, gbeyíɖɔ Mawu tɔn sín gbɛ̌ta ɖokpó wá kpé Sawúlu, bɔ Yɛ Mawu tɔn wá jǐ tɔn, bɔ é jɛ xó e Mawu ɖɔ gbɔn jǐ tɔn lɛ́ɛ ɖɔ jí ɖo tɛ́ntin yětɔn.