Mɛsɛ́dó 2:13 - MAWUXÓWÉMA

¹³ Lo ɔ́, mɛ ɖé lɛ́ɛ ɖo yě mɛ, bó nɔ́ ɖo slǎmɛ ɖɔ mɛsɛ́dó lɛ́ɛ wú wɛ ɖɔ jí: “Vɛ̌ɛn víví wɛ yě nu gɔ́ xo.”

Mɛsɛ́dó 2:13 Iomraidhean Croise

Jɔ̌bu 32:19

Xo ce mɛ ɖo agbǎn hun wɛ vɛ̌ɛn e è dǒ va é ɖɔhun; é cí anyǔglo yɔ̌yɔ́ e ɖo ná wú wɛ é ɖɔhun.

Hanvíví 7:9

Énɛ́ wɛ zɔ́n bɔ un ɖɔ: Un ná xá dětín ɔ́ jí, bó ná ɖó alɔ děhwín lɛ́ɛ wú. Anɔ̌ towe lɛ́ɛ ní nyí vǐwun nú mì. Wǎn e nɔ́ tɔ́n sín nu towe mɛ ɔ́ ní nyɔ́ se nú mì.

Ezayíi 25:6

Mawu Mavɔmavɔ Nǔbǐwúkpétɔ́ ɔ́ ná ylɔ́ agɔ̌ ɖokpó nú togun lɛ́ɛ bǐ ɖo Sinyɔ́ɔ só ta; yě ná ɖu lan ɖagbe ɖagbe lɛ́ɛ, bó ná nu vɛ̌ɛn ɖagbe ɖagbe lɛ́ɛ d'é jí. Lan ɖagbe e bɔ ganjí é wɛ yě ná ɖu, bó ná nu vɛ̌ɛn atata lɛ́ɛ d'é jí.

Zakalíi 10:7

Eflayímunu lɛ́ɛ ná cí ahwanfuntɔ́ syɛ́nsyɛ́n ɖé ɖɔhun. Yě ná j'awǎ mɛ e nu vɛ̌ɛn é ɖɔhun. Vǐ yětɔn lɛ́ɛ mɔ mɔ̌ ɔ́, xomɛ ná hun yě, awǎjijɛ ná gɔ́ ayi mɛ nú yě ɖó nyɛ Mawu Mavɔmavɔ ɔ́ wú.

Zakalíi 9:15

Mawu Mavɔmavɔ Nǔbǐwúkpétɔ́ ɔ́ ná cyɔ́n alɔ jǐ yětɔn. É ná sɛ́ kɛ́njí dó bɔ é ná hu mɛ lɛ́ɛ, bó ná sú kún yětɔn dó. Yě ná ɖu ɖo mɛ e ná fɔ́n gǔ dó yě jí lɛ́ɛ jí. Yě ná kɔn kɛntɔ́ lɛ́ɛ sín hun nyi ayǐ, bɔ é ná sa tɔ vɛ̌ɛn ɖɔhun, abǐ kanlin e è dǒ sá vɔ̌ ná lɛ́ɛ sín hun e gɔ́ basya bó kɔn nyi vɔ̌sákpe ɔ́ sín zwe lɛ́ɛ mɛ é ɖɔhun.

Zakalíi 9:17

To ɔ́ ná nyí to e mɛ nyɔ̌ná kpó ɖɛkpɛnyínyɔ́ kpó ná tíin ɖe é. Jinukún kpó vɛ̌ɛn yɔ̌yɔ́ kpó ná ná hlɔ̌nhlɔ́n dɔ̌nkpɛvú lɛ́ɛ kpódó ɖyɔ̌vǐ lɛ́ɛ kpó.

Mɛsɛ́dó 2:15

Mɛ élɔ́ lɛ́ɛ nu ahan mú lě e mi vɛdó é ǎ, ɖó gan tɛ́nnɛ zǎnzǎn tɔn jɛ́n ɖíe ɖo xixo wɛ e.

1 Kɔlɛ́ntinu 14:23

Hǔn, mǐ ní ɖɔ agun ɔ́ bǐ kplé bɔ mɛ bǐ jɛ xó ɖɔ dó gbe tɛnmɛ tɛnmɛ mɛ jí: nú gbɛtɔ́ kpaa lɛ́ɛ abǐ mɛ e ma ɖi nǔ ǎ lɛ́ɛ byɔ́ fí e mi ɖe ɔ́, yě ná ɖɔ taɖu wɛ mi hun ǎ cé?

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

1 Samuwɛ́li 1:14

bó ɖɔ: “Káká hwetɛ́nu ahan ka ná nɔ jǐ we yi jɛ? Ahan ɔ́ ní hɔ́n nú we lo.”