Mɛsɛ́dó 2:12 - MAWUXÓWÉMA

¹² É kpácá yě bǐ tawun, bɔ yě sɔ́ tunwun nǔ e yě ná ɖɔ ɔ́ ǎ, bó gbɔ bó nɔ kanbyɔ́ yěɖée ɖɔ: “Étɛ́ lɔkpa ka ɖíe?”

Mɛsɛ́dó 2:12 Iomraidhean Croise

Matíe 7:28

Ée Jezu ɖɔ xó énɛ́ lɛ́ɛ káká yi ɖó te ɔ́, lě e é nɔ́ kplɔ́n nǔ mɛ gbɔn ɔ́ kpácá togun ɔ́ bǐ, ɖó é nɔ́ kplɔ́n nǔ mɛ kpódó acɛkpikpa kpó. Nǔkplɔ́nmɛ tɔn cí sɛ́nkplɔ́nmɛtɔ́ lɛ́ɛ tɔn ɖɔhun ǎ.

Maki 6:20

Elódu nɔ ɖo xɛsi ɖi nú Jǎan wɛ, ɖó é tunwun ɖɔ gbɛtɔ́ hwɛjijɔnɔ wɛ é nyí, bó lɛ́ nyí mɛ mímɛ́. Elódu nɔ jɛ ahwan jǐ tɔn; é se xó tɔn ɔ́, é nɔ́ tunwun nǔ e é ná lin d'é wú é ǎ, có é ɖo tó ɖó e wɛ ɔ́, é nɔ́ víví n'i.

Luki 15:26

Énɛ́ ɔ́, é ylɔ́ mɛsɛntɔ́ lɛ́ɛ ɖokpó, bó kan nǔ e ɖo jijɛ wɛ é byɔ́.

Luki 18:36

Ée é se mɛ gěgé wá xweyǐgbe ɔ́, é kan nǔ e ɖo jijɛ wɛ é byɔ́,

Mɛsɛ́dó 10:17

Piyɛ́ɛ ɖo nǔ énɛ́ lɛ́ɛ e é mɔ lɛ́ɛ sín tínmɛ kanbyɔ́ éɖée wɛ. Énɛ́ linkpɔ́n wɛ é ɖe kɛ́ɖɛ́, bɔ mɛ e Kɔnɛ́yi sɛ́ dó e lɛ́ɛ kan Sinmɔ́ɔ xwé byɔ́, bó wá jɛ hɔntogbó jí.

Mɛsɛ́dó 17:20

Đó nǔ e ɖɔ wɛ a ɖe ɔ́ nɔ́ búdo dó mǐ, bɔ mǐ jló ná mɔ nǔ jɛ mɛ.”

Mɛsɛ́dó 2:11

Jwifu lɛ́ɛ, kpódó mɛ e wá byɔ́ sinsɛn yětɔn mɛ lɛ́ɛ kpán; Klɛ́tinu lɛ́ɛ ɖo fí, kpódó Alabíinu lɛ́ɛ kpó, có mǐ bǐ mǐ ɖo sise wɛ, bɔ yě nɔ́ ɖo azɔ̌ ɖagbe ɖagbe e Mawu wa lɛ́ɛ sín xó ɖɔ wɛ dó gbe mǐtɔn mǐtɔn mɛ.”

Mɛsɛ́dó 2:7

bɔ é nyí nǔɖé bó kpácá yě, bó fyán yě, bɔ yě nɔ́ ɖɔ: “Yě mɛ énɛ́ lɛ́ɛ e ɖo xó ɖɔ wɛ lɛ́ɛ ɔ́, Galiléenu wɛ yě bǐ ka nyí ǎ cé?