Mɛsɛ́dó 2:1 - MAWUXÓWÉMA

¹ Pantekótu sín xwezán gbe ka wá su, bɔ nǔɖitɔ́ lɛ́ɛ bǐ kplé ɖo fí ɖokpó ɔ́.

Mɛsɛ́dó 2:1 Iomraidhean Croise

2 Tan 30:12

Mawu sɔ́ ayi ɖokpó ɔ́ dó xomɛ nú mɛ e ɖo Judáa lɛ́ɛ lɔmɔ̌ bónú gbeta e axɔ́sú ɔ́ kpó azaglɔ́gán tɔn lɛ́ɛ kpó ɖe tɔn ɔ́, yě ná bló ɖ'é jí lě e Mawu Mavɔmavɔ ɖɔ gbɔn é.

2 Tan 5:13

Kpɛnkúntɔ́ lɛ́ɛ kpó nǔxotɔ́ lɛ́ɛ kpó bǐ ɖo kpɔ́, bó ɖo han ji dó kpa susu nú Mawu Mavɔmavɔ wɛ, bó ɖo nyǐkɔ tɔn sɔ́ su wɛ. Yě ɖo kpɛn kún wɛ, bó ɖo hǔn kpó nǔxonú ɖěvo lɛ́ɛ kpó xo wɛ; yě ɖo susu kpa nú Mawu Mavɔmavɔ wɛ ɖɔ: “Mawu Mavɔmavɔ nyɔ́. Xomɛnyínyɔ́ tɔn ɖó dogbó ǎ”. Hwenɛ́nu ɔ́, akpɔ́kpɔ́ ɖé wá gɔ́ Mawu Mavɔmavɔ xwé ɔ́.

Ɖɛhan 133:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́, Davídi sín han wɛ. Nɔví nɔví lɛ́ɛ ɖó gbe kpɔ́ ɔ́, é nɔ́ nyɔ́, é nɔ́ víví mɛ nya!

Tíntɔ́n 23:16

Énɛ́ ɔ́ gúdo ɔ́, mi ná ɖu nǔkún-yiya sín xwe, hwenu e mi ná ya nǔkún nukɔntɔn e nyɔ́ ɖo gle mitɔn jí é. Mɔ̌ ɖokpó ɔ́, mi ná ɖu nǔkún dó agɔ̌ sín xwe, hwenu e mi ná gbɛ atínsínsɛ́n e ɖo gle mitɔn mɛ lɛ́ɛ fó dó ɖo xwe fífó ɔ́.

Tíntɔ́n 34:22

“Mi ná ɖu Pantekótuxwe ɔ́ ɖo blěe nukɔntɔn ɔ́ yiya hwenu, bɔ xwe fífó ɔ́, mi ná ɖu nǔkún-yiya sín xwe.

Jelemíi 32:39

Un nǎ sɔ́ ayixa ɖokpó ɔ́ dó xomɛ nú yě, bó ná ná walɔ ɖokpó ɔ́ yě, bɔ yě ná nɔ́ ɖó sísí nú mì káká sɔ́yi; énɛ́ ɔ́, nǔ ná nyɔ́ nú yě, bó ná nyɔ́ nú vǐ yětɔn lɛ́ɛ.

Sofoníi 3:9

“Énɛ́ ɔ́ gúdo ɔ́, un ná húzú togun lɛ́ɛ; un ná lɛ nu yětɔn wé: Yě ná xo mlá nyɛ Mawu Mavɔmavɔ ɔ́ sín nyǐkɔ; yě ná ɖó gbe kpɔ́ bó ná sɛn mì.

Mɛsɛ́dó 1:5

Đó Jǎan ɔ́, sin wɛ é sɔ́ dó lɛ yɛhwesin nú mɛ; lo ɔ́, midɛɛ lɛ́ɛ ɔ́, ɖo malín málín mɛ din ɔ́, Yɛsinsɛn wɛ è nǎ sɔ́ dó lɛ yɛhwesin nú mi.”

Mɛsɛ́dó 1:8

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 2:46

Ayǐhɔ́ngbe ayǐhɔ́ngbe ɔ́, yě nɔ́ yi kplé ɖo sinsɛnxɔ mɛ; yě nɔ́ ɖu nǔ ɖó kpɔ́ gbɔn xwé yětɔn lɛ́ɛ gbe xwé yětɔn lɛ́ɛ gbe, bó nɔ́ lɛ́ ɖu nǔ kpó xomɛhunhun kpó, kpó ayixa ɖokpó kpó.

Mɛsɛ́dó 20:16

Đó Pɔ́lu ɖɔ émí ná gbɔn Efɛ́zi nukɔn dín, bó ma wá gú hwenu ɖo Azíi ó; ɖó é ɖo hwlɛndó jí, bónú é kpé wú ɔ́, é ná ɖo Jeluzalɛ́mu ɖo Jwifu lɛ́ɛ sín xwe e è nɔ ylɔ́ ɖɔ Pantekótu ɔ́ gbe.

Mɛsɛ́dó 4:24

Ée gbɛ̌ yětɔn lɛ́ɛ se xó énɛ́ lɛ́ɛ ɔ́, yě bǐ ɖó gbe kpɔ́, bó ɖɔ nú Mawu ɖɔ: “Aklúnɔ! Hwi wɛ bló jǐxwé kpódó ayǐkúngban kpán, bó lɛ́ bló xu kpódó nǔ e ɖ'é mɛ lɛ́ɛ bǐ sésé kpán.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 4:32

Nǔɖitɔ́ lɛ́ɛ bǐ sésé ɖó jlǒ ɖokpó ɔ́, bó ɖó linlin ɖokpó ɔ́, bɔ mɛ ɖěbǔ sɔ́ nɔ sɔ́ nǔ e nyí étɔn ɔ́ sɔ́ ylɔ́ étɔn ǎ; lo ɔ́, nǔ e ɖo mɛ ɖokpó ɖokpó sí ɔ́ húzú mɛ bǐ tɔn.

Mɛsɛ́dó 5:12

Mawu jlɛ́ nǔ gěgé, bó ɖe nǔdábaɖa gěgé xlɛ́ gbɔn mɛsɛ́dó lɛ́ɛ jí, ɖo togun ɔ́ mɛ. Nǔɖitɔ́ lɛ́ɛ bǐ nɔ́ nɔ kpɔ́ ɖo Salomɔ́ɔ gba jí.

Hlɔ̌manu 15:6

Bónú mi bǐ ná ɖó gbe kpɔ́ dó kpa susu nú Mawu, Aklúnɔ mǐtɔn Jezu Klísu sín Tɔ́ ɖó kpɔ́.

1 Kɔlɛ́ntinu 16:8

É ka ɖo mɔ̌ có, un tunwun ɖɔ un ná nɔ Efɛ́zi káká yi jɛ Pantekótu gbe.

Filípunu 1:27

Nǔ e mi ná wa kpowun ɔ́ wɛ nyí ɖɔ mi ní zán gbɛ mitɔn lě e Wɛn Ɖagbe Klísu tɔn ɔ́ zɔ́n gbɔn é. Énɛ́ wú ɔ́, nú un wá mi gɔ́n oo, abǐ un gɔn mi gɔ́n oo, má se ɖɔ mi syɛ́nlǐn, bó ɖó linlin ɖokpó ɔ́, lobo zé ayixa ɖokpó ɔ́ dó ɖo ahwan fun ɖó kpɔ́ wɛ, nú nǔɖiɖi e Wɛn Ɖagbe ɔ́ nɔ na mɛ é.

Filípunu 2:2

Hǔn un ɖo byɔ̌byɔ́ mi wɛ ɖɔ mi ní ɖó gbe kpɔ́, bó ɖó wǎn yíyí ɖokpó ɔ́, bó ɖó ayixa ɖokpó ɔ́ kpódó linlin ɖokpó ɔ́ kpán, bó ná dó dó xomɛhunhun nú mì yi kpé.