Mɛsɛ́dó 19:9 - MAWUXÓWÉMA

⁹ Lo ɔ́, mɛɖé lɛ́ɛ ti tamɛ ɖo yě mɛ; yě gbɛ̌, lobo nɔ ɖɔ xó nyanya dó Aklúnɔ sín ali ɔ́ wú, ɖo togun ɔ́ nukɔn; énɛ́ ɔ́ wú ɔ́, Pɔ́lu gosín yě mɛ, bó kplá ahwanvú lɛ́ɛ, bó nɔ́ ɖɔ xó dó xó ɔ́ wú ayǐhɔ́ngbe ayǐhɔ́ngbe ɖo Tilánɔsi sín wěmaxɔmɛ.

Mɛsɛ́dó 19:9 Iomraidhean Croise

2 Axɔ́sú 17:14

Lo ɔ́, yě wlí tó nǔ e ɖɔ nú yě wɛ gbeyíɖɔ lɛ́ɛ ɖe ɔ́ wú ǎ. Yě tlí tó tɔ́gbó yětɔn lɛ́ɛ ɖɔhun. Tɔ́gbó yětɔn lɛ́ɛ ɖi nǔ nú Mawu Mavɔmavɔ, Mawu yětɔn ǎ.

2 Tan 30:8

Hǔn mi bo ma tlí tó tɔ́ mitɔn lɛ́ɛ ɖɔhun ó. Mi zin alɔ dó akɔ́n ɖɔ émí ná se tónú nú Mawu Mavɔmavɔ. Mi lɛ́ kɔ wá xwé tɔn e é sɔ́ ɖó vo bɔ è nǎ nɔ́ sɛn ɛ ɖ'é gbe káká sɔ́yi ɔ́ gbe, bó sɛn Mawu Mavɔmavɔ, Mawu mitɔn ɔ́, bónú xomɛ ɖaxó e é sin dó mi ɔ́ ná fá.

2 Tan 36:16

Lo ɔ́, yě cá mɛ e Mawu sɛ́ dó lɛ́ɛ ko. Yě nɔ́ hu tɛ́ nú Mawuxó ɔ́, bó nɔ́ ɖɔ slǎmɛ gbeyíɖɔ tɔn lɛ́ɛ wú káká bɔ Mawu Mavɔmavɔ sin xomɛ dó togun tɔn, bɔ nǔ e ná fá xomɛ n'i ɔ́ ɖe ǎ.

Nɛɛmíi 9:29

A ɖɔ nú yě ɖɔ yě ní yá wǔ lɛ́ kɔ wá jɛ sɛ́n émítɔn nyi jí; lo ɔ́, yědɛɛ lɛ́ɛ ɔ́, kpódó goyíyí yětɔn kpó ɔ́, yě ká bló nǔ e a zɔ̌n yě ɔ́ ɖ'é ji ǎ. Yě gba sɛ́n towe lɛ́ɛ; sɛ́n towe lɛ́ɛ ká nɔ ná gbɛ mɛ e nɔ nyi yě lɛ́ɛ. Yě ɖe nǔ e yě nyí ɔ́ xlɛ́ we. Yě ɖe xlɛ́ ɖɔ tótlítɔ́ wɛ émí nyí, bó nyí gǔfɔ́ntɔ́. Yě gbɛ́ gbídígbídí ɖɔ émí kún ná se xó towe ó.

Ɖɛhan 95:8

“Mi ma tlí tó lě e togun mitɔn bló gbɔn ɖo Mɛliba é ó, abǐ lě e yě bló gbɔn ɖo Masa ɖo gbětótló mɛ é ó.

Nǔnywɛ́xó 8:34

Nǔ ná nyɔ́ nú mɛ e nɔ ɖótó mì lɛ́ɛ é, mɛ e nɔ wá dɔ́ wunzɛn ɖo hɔn ce ta ayǐhɔ́ngbe ayǐhɔ́ngbe lɛ́ɛ é, mɛ e nɔ wá cí hɔntogbó ce jí lɛ́ɛ é.

Ezayíi 8:14

Đó é ná húzú tɛn mímɛ́ ɖé nú axɔ́súɖuto Izlayɛ́li tɔn we lɛ́ɛ. É ná nyí awǐnnya e wú è nǎ klɛ́n afɔ dó é, só e ná zin mɛ dɛ́ é. É ná nyí fɛ́ca ɖé nú Jeluzalɛ́munu lɛ́ɛ.

Jelemíi 19:15

“Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe, é ɖɔ: ‘Nǔ e un ɖɔ un na dó sín xá toxo élɔ́ kpó toxo e lɛ́ lɛ̌ dó e lɛ́ɛ kpó ɔ́, un na dó bǐ sin xá yě. Đó yě ci ta mɛ; yě ɖótó xó ce ǎ.’ ”

Jelemíi 7:26

Mi ká se ǎ, mi ɖótó xó ce ǎ, nǔ e mi xwe ɔ́ jɛ́n mi wa. Mi gbɛ́ hɛn hú tɔ́gbó mitɔn lɛ́ɛ.”

Matíe 15:14

Mi jó yě dó; nukúntíntɔ́nnɔ lɛ́ɛ wɛ ɖo yěɖée kplá wɛ; ényí nukúntíntɔ́nnɔ ɖě ɖo ali xlɛ́ ɖě wɛ ɔ́, yě mɛ we lɛ́ɛ bǐ wɛ nɔ yi jɛ do mɛ.”

Matíe 16:4

Gbɛtɔ́ din tɔn mɛ nyanya gbejímánɔ-númawutɔ́ élɔ́ lɛ́ɛ ɖo nǔjíjlɛ́ Mawu tɔn ba wɛ, yě ká sɔ́ ɖo ɖě ná mɔ wɛ, zɛ gbeyíɖɔ Mawu tɔn Jonási tɔn wú ǎ.” Ée Jezu ɖɔ mɔ̌ ɔ́, é jó yě dó, bó yi.

Matíe 26:55

Énɛ́ ɔ́ gúdo ɔ́, Jezu ɖɔ nú ahwan ɔ́ ɖɔ jí: “Ajotɔ́ axánsúnxó wɛ un ka nyí, bɔ mi hɛn hwǐ kpódó kpo kpó, bó wá ja wlǐwlí mì gbé a? Ayǐhɔ́ngbe ayǐhɔ́ngbe wɛ un nɔ ɖo mi tɛ́ntin, bó nɔ ɖo nǔ kplɔ́n mɛ wɛ ɖo sinsɛnxɔ mɛ, có mi ka wlí mì ǎ.

Jǎan 12:40

“Mawu va nukún yě, nú yě má mɔ nukúnnú ó; é cyɔ́n nǔ ayi yětɔn jí, nú yě ma mɔ nukúnnú jɛ nǔ mɛ ó. Mawu ɖɔ: ‘Un bló mɔ̌, bónú yě ma lɛ́ kɔ wá gɔ̌n ce nú má gbɔ azɔn nú yě ó.’ ”

Mɛsɛ́dó 11:26

Ée é mɔ ɛ ɔ́, é kplá ɛ wá Antyɔ́ci, bɔ yě mɛ we lɛ́ɛ bló xwe ɖokpó kpíkpé ɖo agun mɛ e ɖi nǔ nú Jezu lɛ́ɛ tɔn e ɖo fínɛ́ ɔ́ mɛ, bó kplɔ́n nǔ mɛ gěgé. Antyɔ́ci fínɛ́ wɛ mɛ lɛ́ɛ ylɔ́ ahwanvú Jezu tɔn lɛ́ɛ ɖɔ klísusɛntɔ́ ɖe dó nukɔn.

Mɛsɛ́dó 14:4

Énɛ́ ɔ́, to ɔ́ mɛ nu lɛ́ɛ sɔ́ ɖó gbe kpɔ́ ǎ; mɛ hǎbǔ ɖo Jwifu lɛ́ɛ jí, bɔ hǎbǔ ká ɖo mɛsɛ́dó lɛ́ɛ jí.

Mɛsɛ́dó 17:4

Mɛ ɖé lɛ́ɛ ɖo mɛ e ɖo tó ɖó yě wɛ lɛ́ɛ mɛ, bɔ xó énɛ́ lɛ́ɛ byɔ́ ayi mɛ nú yě, bɔ yě gɔ́ nú Pɔ́lu kpódó Silási kpán; mɔ̌ ɖokpó ɔ́, Glɛ̌sinu e nɔ ɖó sísí nú Mawu lɛ́ɛ gěgé kpódó nyɔ̌nu nukúnɖéjí gěgé kpán gɔ́ nú yě.

Mɛsɛ́dó 19:23

Hwenɛ́nu wɛ hunnyahunnya ɖaxó ɖé tíin ɖó Aklúnɔ sín ali ɔ́ wútu.

Mɛsɛ́dó 19:30

Pɔ́lu ka jló ná yi fí e togun ɔ́ kplé ɖe ɔ́; lo ɔ́, yě mɛ e ɖi nǔ nú Jezu lɛ́ɛ gbɛ́ n'i.

Mɛsɛ́dó 20:31

Hǔn, mi bo nɔ acéjí, bó ka flín ɖɔ zǎn kpódó kéze kpo ɔ́, un kún gɔn nǔ kplɔ́n ɖokpó ɖokpó mitɔn lɛ́ɛ kpódó avǐ kpán káká nú xwe atɔn ó.

Mɛsɛ́dó 22:4

Un ko dó ya nú yě mɛ e xwedó Aklúnɔ sín ali lɛ́ɛ, káká bɔ mɛ kú ɖo yě mɛ kpɔ́n; un ko wlí súnnu kpódó nyɔ̌nu kpán yi dó gankpá mɛ.

Mɛsɛ́dó 24:21

Xó ɖokpó e un nɔ te ɖo nukɔn yětɔn, bó ɖɔ bɔ yě hɛn ɔ́, yě ná ɖɔ ɔ́ ɖíe: ‘Un ɖi nǔ ɖɔ mɛkúkú lɛ́ɛ ná fɔ́n wú wɛ è ɖo hwɛ dó mì wɛ ɖo nukɔn mitɔn égbé.’ ”

Mɛsɛ́dó 28:22

Lo ɔ́, mǐ jló ɖɔ hwi ɖésú ní ɖɔ nǔ e a lin ɔ́ nú mǐ; ɖó mǐ tunwun ɖɔ fí bǐ jɛ́n è nɔ ɖɔ xó nyanya dó sinsɛngbɛ́ énɛ́ wú ɖe.”

Mɛsɛ́dó 7:51

“Mi tamɛtitɔ́, tótlítɔ́, ayisyɛ́nsyɛ́nnɔ lɛ́ɛ mi; gǔ jɛ́n mi nɔ fɔ́n dó Yɛsinsɛn jí; nǔ e tɔ́gbó mitɔn lɛ́ɛ wa ɔ́, é wa wɛ jɛ́n mi lɔmɔ̌ ɖe.

Mɛsɛ́dó 9:2

bó ɖɔ ní bló wěma nú émí nú émí ná hɛn yi kplɔ́ngbasá e ɖo Damási lɛ́ɛ, bónú émí mɔ mɛ e byɔ́ sinsɛn yɔ̌yɔ́ ɔ́ mɛ lɛ́ɛ ɖě ɔ́, súnnu abǐ nyɔ̌nu ɔ́, émí ná blá yě, bó kplá yě wá Jeluzalɛ́mu.

Hlɔ̌manu 11:7

Hǔn, é ɖo wɛn: togun Izlayɛ́li tɔn mɔ nǔ e ba wɛ é ɖe ɔ́ yí ǎ. Mɛ e Mawu cyán ɖo togun ɔ́ mɛ lɛ́ɛ kɛ́ɖɛ́ wɛ mɔ yí; mɛ e kpo lɛ́ɛ ɔ́, é bló bɔ yě húzú tótlítɔ́.

Hlɔ̌manu 9:18

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

1 Kɔlɛ́ntinu 16:9

Đó kɛntɔ́ lɛ́ɛ sukpɔ́; Mawu ka hun ali nú mì ɖo fínɛ́, bɔ un ná wa azɔ̌ ɖaxó ɖé, bɔ nǔ ɖagbe ná tɔ́n sín mɛ.

1 Timɔtée 6:5

kpódó nǔdindɔn magbokɔ byɔ́ gbɛtɔ́ e sín tamɛ ma sɔgbe ǎ bɔ yě ma sɔ́ tunwun nǔgbó ɔ́ ǎ lɛ́ɛ kpó tɛ́ntin; yě nɔ vɛdó ɖɔ mawusinsɛn ɔ́, dɔkun jijɛ nú wɛ é nyí sín.

2 Timɔtée 1:15

Lě e a ko tunwun gbɔn ɔ́, mɛ e ɖo Azíi yíkúngban jí lɛ́ɛ bǐ lɛ́ kɔ sín gǔdo ce; yě ɖě nɛ́ nyí Fijɛ́lu kpódó Ɛɛmɔjɛ́ni kpó nɛ́.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

Eblée 3:13

É nyɔ́ wa ɔ́, mi nɔ ná akɔ́nkpinkpan miɖée ayǐhɔ́ngbe ayǐhɔ́ngbe káká yi jɛ hwenu e “Égbé din” e xó è ɖɔ dó Mawuxówéma ɔ́ mɛ ɔ́ ná ɖo azɔ̌ wa dó mǐ jí wɛ yi jɛ é, bónú ɖokpó mitɔn ma jó éɖée dó nú hwɛhuhu flú i, bónú é wá húzú tótlítɔ́ ó.

2 Piyɛ́ɛ 2:12

Amɔ̌, mɛ énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ; yě cí gběkanlin e jɔ, bɔ è nǎ wlí bó hu é ɖɔhun; yě nɔ zun nǔ e wú yě ma mɔ nukúnnú jɛ ǎ é; è nǎ hu yě lě e è nɔ hu gběkanlin lɛ́ɛ gbɔn é.

2 Piyɛ́ɛ 2:2

Mɛ gěgé ná xwedó yě ɖo gbɛ kwíji kwíji énɛ́ e yě nɔ zán ɔ́ mɛ, bɔ lě e yě nɔ wa nǔ gbɔn ɔ́ ná zɔ́n bɔ è nǎ ɖɔ xó nyanya dó nǔgbó sín ali ɔ́ wú.

Judi 1:10

Lo ɔ́, mɛdídá énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ. Yě cí gběkanlin ɖɔhun; nǔ e wú yě ma mɔ nukúnnú jɛ ǎ ɔ́ wɛ yě nɔ zun; nǔtunwuntunwun e kpó yě kpó jɔ lɛ́ɛ ɔ́, kú wɛ é nɔ nyí nú yě.