Mɛsɛ́dó 19:8 - MAWUXÓWÉMA

⁸ Pɔ́lu nɔ yi kplɔ́ngbasá, bó nɔ ɖo xó ɖɔ wɛ kpódó jiɖiɖe kpó káká nú sun atɔn; é nɔ ɖɔ nǔ e kan axɔ́súɖuɖu Mawu tɔn ɔ́ sín xó, bó nɔ́ tɛ́nkpɔ́n nú mɛ lɛ́ɛ ná mɔ nǔgbó nú xó e ɖɔ wɛ é ɖe é.

Mɛsɛ́dó 19:8 Iomraidhean Croise

Mɛsɛ́dó 1:3

Mɛsɛ́dó énɛ́ lɛ́ɛ wɛ Jezu sɔ́ éɖée xlɛ́ ɖo kú tɔn gúdo, bó ɖe xlɛ́ yě gbɔn ali gěgé nu, ɖɔ émí ɖo gbɛ. Azǎn kanɖé (40) wɛ é tɔ́n dó yě jí xɔ, bó nɔ́ ɖo xó ɖɔ nú yě wɛ dó axɔ́súɖuɖu Mawu tɔn wú.

Mɛsɛ́dó 13:14

Yědɛɛ lɛ́ɛ ka zɛ Pɛɛjée wú, bó yi Antyɔ́ci ɖo Pisidíi gbé jí; yě byɔ́ kplɔ́ngbasá gbɔjɛzán gbe, bó jínjɔ́n ayǐ.

Mɛsɛ́dó 13:46

Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 17:17

É nɔ yi kplɔ́ngbasá, bó nɔ́ ɖo nǔ dɔn xá Jwifu lɛ́ɛ kpódó mɛ e ma nyí Jwifu ǎ, bó ka nɔ́ sɛn Mawu lɛ́ɛ kpán wɛ. Ayǐhɔ́ngbe ayǐhɔ́ngbe ɔ́, é nɔ́ yi tokplétɛn, bó nɔ́ yi dɔn nǔ xá mɛ e é nɔ mɔ ɖo fínɛ́ lɛ́ɛ.

Mɛsɛ́dó 18:19

Ée yě wá yi jɛ Efɛ́zi ɔ́, Pɔ́lu jó Plisílu kpódó Akilási kpán dó; é yi kplɔ́ngbasá, bó dɔn nǔ xá Jwifu lɛ́ɛ.

Mɛsɛ́dó 18:26

É nɔ ɖo xó ɖɔ wɛ kpódó jiɖiɖe kpán ɖo kplɔ́ngbasá. Đěe Plisílu kpódó Akilási kpán se xó e ɖɔ wɛ é ɖe lɛ́ɛ ɔ́, yě dɔn ɛ dó wǔ, bó tín Mawu sín ali ɔ́ mɛ n'i.

Mɛsɛ́dó 18:4

Gbɔjɛzán gbe Jwifu lɛ́ɛ tɔn tɛgbɛ ɔ́, Pɔ́lu nɔ yi ɖɔ xó ɖo kplɔ́ngbasá, bó nɔ́ tɛ́nkpɔ́n bɔ Jwifu lɛ́ɛ kpódó Glɛ̌sinu lɛ́ɛ kpán nɔ mɔ nǔgbó nú xó tɔn.

Mɛsɛ́dó 19:10

Nǔ nyí mɔ̌ xɔ xwe we, káká bɔ mɛ e ɖo Azíi gbé jí lɛ́ɛ bǐ: Jwifu lɛ́ɛ kpódó mɛ e ma nyí Jwifu ǎ lɛ́ɛ kpán se Aklúnɔxó ɔ́.

Mɛsɛ́dó 19:7

Yě bǐ ná yi gbɛtɔ́ wěwe mɔ̌.

Mɛsɛ́dó 19:9

Lo ɔ́, mɛɖé lɛ́ɛ ti tamɛ ɖo yě mɛ; yě gbɛ̌, lobo nɔ ɖɔ xó nyanya dó Aklúnɔ sín ali ɔ́ wú, ɖo togun ɔ́ nukɔn; énɛ́ ɔ́ wú ɔ́, Pɔ́lu gosín yě mɛ, bó kplá ahwanvú lɛ́ɛ, bó nɔ́ ɖɔ xó dó xó ɔ́ wú ayǐhɔ́ngbe ayǐhɔ́ngbe ɖo Tilánɔsi sín wěmaxɔmɛ.

Mɛsɛ́dó 20:31

Hǔn, mi bo nɔ acéjí, bó ka flín ɖɔ zǎn kpódó kéze kpo ɔ́, un kún gɔn nǔ kplɔ́n ɖokpó ɖokpó mitɔn lɛ́ɛ kpódó avǐ kpán káká nú xwe atɔn ó.

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Judi 1:3

Mɛvívɛ́ná ce lɛ́ɛ mi, un ko ɖo lě e un ná wa gbɔn, bó ná wlán wěma sɛ́ dó mi dó hwlɛngán ɖokpó ɔ́ e mǐ ɖó ɔ́ wú ɔ́ ba wɛ syɛ́nsyɛ́n; énɛ́ ɔ́ lin wɛ un ɖe bó wá mɔ ɖɔ é ɖo dandan mɛ nú mì ɖɔ ma wlán sɛ́ dó mi, bó ná dó ná akɔ́nkpinkpan mi, bónú mi ná fun ahwan nú nǔɖiɖi e Mawu ná mɛɖeɖóvo tɔn lɛ́ɛ bǐ azɔn ɖokpó géé bɔ xó fó é.