Mɛsɛ́dó 19:3 - MAWUXÓWÉMA

³ Pɔ́lu ka kanbyɔ́ yě ɖɔ: “Yɛhwesin tɛ́ mi ka lɛ lo?” Bɔ yě yí gbe n'i ɖɔ: “Yɛhwesin Jǎan tɔn wɛ mǐ lɛ.”

Mɛsɛ́dó 19:3 Iomraidhean Croise

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Luki 7:29

Togun ɔ́ bǐ kpódó tokwɛ́yítɔ́ e Jǎan lɛ yɛhwesin ná lɛ́ɛ kpó se xó ɔ́, bó mɔ ɖɔ hwɛjijɔnɔ wɛ nyí Mawu.

Mɛsɛ́dó 18:25

È kplɔ́n ɛ nǔ e kan Aklúnɔ sín ali ɔ́, bɔ akpakpa tɔn nɔ sɔ́ ɛ, bɔ é nɔ́ ɖo Wɛn Ɖagbe Jezu tɔn ɔ́ jlá wɛ, bó nɔ́ ɖo kplɔ́nkplɔ́n mɛ lɛ́ɛ wɛ, bɔ nǔ e ɖɔ wɛ é ɖe lɛ́ɛ bǐ nɔ́ sɔgbe, có yɛhwesin Jǎan tɔn kɛ́ɖɛ́ wú jɛ́n é mɔ nǔ jɛ.

Mɛsɛ́dó 8:16

ɖó Yɛsinsɛn ko jɛ te dó mɛ ɖěbǔ jí ɖo yě mɛ hwenɛ́nu ǎ; yɛhwesin jɛ́n è lɛ nú yě ɖo Aklúnɔ Jezu nyíkɔ mɛ.

1 Kɔlɛ́ntinu 12:13

bɔ mǐ bǐ ɔ́, Jwifu kpó mɛ e ma nyí Jwifu ǎ kpó, kannumɔ kpó mɛ e ɖo é ɖésúnɔ sí ɔ́ kpó ɔ́, mǐ bǐ wɛ è zě Yɛsinsɛn ɖokpó ɔ́ dó lɛ yɛhwesin ná, bónú mǐ ná nyí agbaza ɖokpó; Yɛsinsɛn ɖokpó énɛ́ wɛ mǐ bǐ nu.

Eblée 6:2

è nǐ lɛ́ kɔ sín nǔkplɔ́nmɛ e kunkplá yɛhwesin lilɛ tɛnmɛ tɛnmɛ lɛ́ɛ kpódó alɔ ɖó mɛ jí kpó ɔ́ gúdo, bó lɛ́ kɔ sín mɛkúkú ná fɔ́n sín kú xó kpódó hwɛɖónúmɛ mavɔ mavɔ sín xó jlájlá kpó gúdo.