Mɛsɛ́dó 18:4 - MAWUXÓWÉMA

⁴ Gbɔjɛzán gbe Jwifu lɛ́ɛ tɔn tɛgbɛ ɔ́, Pɔ́lu nɔ yi ɖɔ xó ɖo kplɔ́ngbasá, bó nɔ́ tɛ́nkpɔ́n bɔ Jwifu lɛ́ɛ kpódó Glɛ̌sinu lɛ́ɛ kpán nɔ mɔ nǔgbó nú xó tɔn.

Mɛsɛ́dó 18:4 Iomraidhean Croise

Bǐbɛ́mɛ 9:27

Mawu ní bló bónú Jafɛ́ti ní gba kún. Sɛ́mu sín goxɔ sá wɛ é ká ná nɔ, bɔ Kanáa ka ná nyí kannumɔ nú yě.”

2 Tan 32:11

Ezekiyási ná gǎnjɛwú mi ɖɔ Mawu Mavɔmavɔ, Mawu mitɔn ná hwlɛ́n mi sín alɔ ce mɛ. Blɛ̌blɛ́ mi wɛ é ɖe. Adɔ kpó sinnugblá kpó wɛ ná hu mi.

Luki 16:31

Ablaxámu ka ɖɔ n'i ɖɔ: “Ényí yě má xwedó nǔ e Mɔyízi kpódó gbeyíɖɔ Mawu tɔn lɛ́ɛ kpán wlán lɛ́ɛ ǎ ɔ́, mɛ ɖěbǔ na bó fɔ́n sín kútomɛ fí, bó yi ɖɔ xó nú yě ɔ́, yě ɖo nǎ se wɛ ǎ.”

Luki 4:16

Jezu ka wá Nazalɛ́ti fí e é su ɖe é. É yi kplɔ́ngbasá gbɔjɛzán Jwifu lɛ́ɛ tɔn gbe, lě e é ko nɔ bló gbɔn é. É sí te bó ja Mawuxó xa gbé,

Jǎan 7:35

Bɔ vɔ̌sánú-xwlémawutɔ́gán lɛ́ɛ jɛ ɖiɖɔ jí ɖo yěɖée tɛ́ntin ɖɔ: “Fítɛ́ nya élɔ́ ka jló ná yi, bɔ mǐ ma sɔ́ ná mɔ ɛ ǎ? É jló ná yi gɔ́ nú Jwifu e gba kpé Glɛ̌sinu lɛ́ɛ mɛ lɛ́ɛ, bó ná kplɔ́n nǔ Glɛ̌sinu lɛ́ɛ wɛ a?

Mɛsɛ́dó 13:14

Yědɛɛ lɛ́ɛ ka zɛ Pɛɛjée wú, bó yi Antyɔ́ci ɖo Pisidíi gbé jí; yě byɔ́ kplɔ́ngbasá gbɔjɛzán gbe, bó jínjɔ́n ayǐ.

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 17:11

Jwifu e ɖo fínɛ́ lɛ́ɛ nyɔ́ xomɛ hú éé ɖo Tɛsaloniki lɛ́ɛ; yě yí Mawuxó se kpódó jlǒ ɖagbe kpán. Ayǐhɔ́ngbe ayǐhɔ́ngbe ɔ́, yě nɔ́ kíjé Mawuxówéma ɔ́, bó nɔ kpɔ́n ɖɔ xó e ɖɔ nú yě wɛ mɛsɛ́dó lɛ́ɛ ɖe ɔ́ ka sɔgbe ají.

Mɛsɛ́dó 17:17

É nɔ yi kplɔ́ngbasá, bó nɔ́ ɖo nǔ dɔn xá Jwifu lɛ́ɛ kpódó mɛ e ma nyí Jwifu ǎ, bó ka nɔ́ sɛn Mawu lɛ́ɛ kpán wɛ. Ayǐhɔ́ngbe ayǐhɔ́ngbe ɔ́, é nɔ́ yi tokplétɛn, bó nɔ́ yi dɔn nǔ xá mɛ e é nɔ mɔ ɖo fínɛ́ lɛ́ɛ.

Mɛsɛ́dó 18:13

bó ɖɔ: “Nya élɔ́ nɔ́ ɖɔ xó nú mɛ lɛ́ɛ, bó ná dó dɔn yě nú yě ná sɛn Mawu lě e sɛ́n ɔ́ ma zɔ́n gbɔn ǎ é.”

Mɛsɛ́dó 18:19

Ée yě wá yi jɛ Efɛ́zi ɔ́, Pɔ́lu jó Plisílu kpódó Akilási kpán dó; é yi kplɔ́ngbasá, bó dɔn nǔ xá Jwifu lɛ́ɛ.

Mɛsɛ́dó 19:26

Mi ka ɖo nǔ e dó sin wɛ nya Pɔ́lu énɛ́ ɖe ɔ́ mɔ wɛ, bó ɖo sise wɛ: é sɔ́ xó tɔn dó gblé tamɛ nú mɛ gěgé; ényí Efɛ́zi fí kɛ́ɖɛ́ wɛ ǎ, ɖibla gbɔn Azíi gbé ɔ́ bǐ jǐ wɛ, ɖó é nɔ́ ɖo ɖiɖɔ nú mɛ lɛ́ɛ wɛ ɖɔ nǔmɛsɛn e mǐ nɔ́ sɔ́ alɔ dó bló ná lɛ́ɛ kún nyí nǔ è nǎ sɛn ɖé ó.

Mɛsɛ́dó 19:8

Pɔ́lu nɔ yi kplɔ́ngbasá, bó nɔ ɖo xó ɖɔ wɛ kpódó jiɖiɖe kpó káká nú sun atɔn; é nɔ ɖɔ nǔ e kan axɔ́súɖuɖu Mawu tɔn ɔ́ sín xó, bó nɔ́ tɛ́nkpɔ́n nú mɛ lɛ́ɛ ná mɔ nǔgbó nú xó e ɖɔ wɛ é ɖe é.

Mɛsɛ́dó 26:28

Axɔ́sú Aglipa ka ɖɔ nú Pɔ́lu ɖɔ: “A vɛdó ɖɔ émí ná ɖɔ xó nú mì káká bɔ un ná húzú klísusɛntɔ́ tlóló din wɛ sín a?”

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Mɛsɛ́dó 9:20

É ka jɛ kplɔ́ngbasá lɛ́ɛ gbɔn jí azɔn ɖokpó, bó nɔ́ ɖo Jezu xó ɖɔ nú mɛ lɛ́ɛ wɛ, ɖɔ Mawu ví wɛ é nyí.

2 Kɔlɛ́ntinu 5:11

Mǐ tunwun nǔ e nyí sísí ɖó nú Aklúnɔ é, bó ɖo biba wɛ nú gbɛtɔ́ lɛ́ɛ ná wá mǐtɔn jí. Mawu tunwun mǐ céɖécéɖé, bɔ un ɖi ɖɔ, ɖo ayi mi ɖésúnɔ tɔn mɛ ɔ́, mi tunwun nyɛ lɔmɔ̌.