Mɛsɛ́dó 17:4 - MAWUXÓWÉMA

⁴ Mɛ ɖé lɛ́ɛ ɖo mɛ e ɖo tó ɖó yě wɛ lɛ́ɛ mɛ, bɔ xó énɛ́ lɛ́ɛ byɔ́ ayi mɛ nú yě, bɔ yě gɔ́ nú Pɔ́lu kpódó Silási kpán; mɔ̌ ɖokpó ɔ́, Glɛ̌sinu e nɔ ɖó sísí nú Mawu lɛ́ɛ gěgé kpódó nyɔ̌nu nukúnɖéjí gěgé kpán gɔ́ nú yě.

Mɛsɛ́dó 17:4 Iomraidhean Croise

Nǔnywɛ́xó 13:20

A dǒ nǔnywɛ́tɔ́ há ɔ́, a nǎ húzú nǔnywɛ́tɔ́; a ka dó xlonɔ há ɔ́, a nǎ wa nǔ dó hwiɖée wú.

Nǔnywɛ́xó 9:6

Mi gosín gɔgɔnɔ lɛ́ɛ tɛ́ntin bó ná nɔ gbɛ! Mi wá ɖi zɔnlin gbɔn nukúnnú mɔ jɛ nǔ mɛ sín ali ɔ́ jí!”

Hanvíví 6:1

Hwi mɛ e nyɔ́ ɖɛkpɛ hú nyɔ̌nu lɛ́ɛ bǐ ɔ́, fítɛ́ wǎnyínámɔ towe ká yi? Ali tɛ́ wǎnyínámɔ towe ká gbɔn? Đɔ nú mǐ, mǐ jló ná yi ba ɛ xá we.

Zakalíi 2:11

Jeluzalɛ́munu e ɖo kannumɔgbénu ɖo Babilɔ́nu lɛ́ɛ é mi, mi yá wǔ hɔn.”

Jǎan 7:35

Bɔ vɔ̌sánú-xwlémawutɔ́gán lɛ́ɛ jɛ ɖiɖɔ jí ɖo yěɖée tɛ́ntin ɖɔ: “Fítɛ́ nya élɔ́ ka jló ná yi, bɔ mǐ ma sɔ́ ná mɔ ɛ ǎ? É jló ná yi gɔ́ nú Jwifu e gba kpé Glɛ̌sinu lɛ́ɛ mɛ lɛ́ɛ, bó ná kplɔ́n nǔ Glɛ̌sinu lɛ́ɛ wɛ a?

Mɛsɛ́dó 13:43

Ée yě bló kplé ɔ́ fó ɔ́, Jwifu gěgé, kpódó yě mɛ e byɔ́ Jwifu lɛ́ɛ sín sinsɛn mɛ lɛ́ɛ gěgé kpán xwedó Pɔ́lu kpódó Baanabási kpó. Pɔ́lu kpódó Baanabási kpó ɖɔ xó nǔ yě, bó ná akɔ́nkpinkpan yě ɖɔ yě ní lí dǒ ɖo nyɔ̌ná Mawu tɔn mɛ.

Mɛsɛ́dó 13:50

Lo ɔ́, Jwifu lɛ́ɛ kplɔ́n nǔ nyɔ̌nu nukúnɖéjí e nɔ ɖó sísí nú Mawu lɛ́ɛ kpódó mɛjɔmɛ to ɔ́ tɔn lɛ́ɛ kpó, bɔ yě fɔ́n gǔ dó Pɔ́lu kpódó Baanabási kpó jí, bó nya yě sín to yětɔn mɛ.

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 14:4

Énɛ́ ɔ́, to ɔ́ mɛ nu lɛ́ɛ sɔ́ ɖó gbe kpɔ́ ǎ; mɛ hǎbǔ ɖo Jwifu lɛ́ɛ jí, bɔ hǎbǔ ká ɖo mɛsɛ́dó lɛ́ɛ jí.

Mɛsɛ́dó 15:22

Énɛ́ gúdo ɔ́, mɛsɛ́dó lɛ́ɛ kpódó agunnukɔntɔ́ lɛ́ɛ kpán, kpódó agun nǔɖitɔ́ lɛ́ɛ tɔn ɔ́ bǐ sésé kpán ɖó gbe kpɔ́, bó ɖe mɛɖé lɛ́ɛ ɖo yěɖée mɛ, bó sɛ́ yě dó Antyɔ́ci, yě kpó Pɔ́lu kpó, kpó Baanabási kpó; mɛ énɛ́ lɛ́ɛ wɛ nyí Judási e è sun nyǐ ɖɔ Baasabási é kpódó Silási kpán; gbɛtɔ́ nukúnɖéjí wɛ yě nyǐ, ɖo nɔví ɖo Klísu mɛ lɛ́ɛ mɛ.

Mɛsɛ́dó 15:27

Mǐ sɛ́ Judási kpódó Silási kpán dó, nú yě ɖésúnɔ ná wá ɖɔ nǔ e mǐ wlán sɛ́ dó mi din ɔ́ nú mi.

Mɛsɛ́dó 15:32

Judási kpódó Silási kpán ɔ́, gbeyíɖɔ Mawu tɔn wɛ yě lɔmɔ̌ nyǐ; yě ɖɔ xó gěgé nú nɔví ɖo Klísu mɛ lɛ́ɛ, bó dó ná akɔ́nkpinkpan kpódó lanmɛsyɛ́nsyɛ́n kpán yě.

Mɛsɛ́dó 15:40

Pɔ́lu kplá Silási bo ɖidó, bɔ nɔví ɖo Klísu mɛ lɛ́ɛ sɔ́ Pɔ́lu dó alɔ mɛ nú wǔjɔmɛ Aklúnɔ tɔn.

Mɛsɛ́dó 16:3

bɔ Pɔ́lu jló ɖɔ é ní xwedó émí, lobo kplá ɛ; é gbo ada n'i, ɖó Jwifu e ɖo gbě énɛ́ lɛ́ɛ jí lɛ́ɛ wú; ɖó mɛ bǐ tunwun ɖɔ Timɔtée sín tɔ́ ɔ́, Glɛ̌sinu wɛ.

Mɛsɛ́dó 17:10

Ée nǔ énɛ́ lɛ́ɛ jɛ tlóló ɔ́, nɔví ɖo Klísu mɛ lɛ́ɛ nyi Pɔ́lu kpódó Silási kpán sɛ́ dó Belée gbe nɛ́ gbe zǎn mɛ. Ée yě jɛ dɔ̌n ɔ́, yě yi kplɔ́ngbasá Jwifu lɛ́ɛ tɔn.

Mɛsɛ́dó 17:12

Bɔ mɛ gěgé ɖo yě mɛ, bó ɖi nǔ nú Jezu; mɔ̌ ɖokpó ɔ́, nyɔ̌nu Glɛ̌sinu nukúnɖéjí gěgé kpódó súnnu gěgé kpán ɖi nǔ nú Jezu.

Mɛsɛ́dó 17:14

bɔ nɔví ɖo Klísu mɛ lɛ́ɛ yá wǔ nyi Pɔ́lu sɛ́ dó xuwa jí; Silási kpódó Timɔtée kpó ká cí to ɔ́ mɛ fínɛ́.

Mɛsɛ́dó 17:17

É nɔ yi kplɔ́ngbasá, bó nɔ́ ɖo nǔ dɔn xá Jwifu lɛ́ɛ kpódó mɛ e ma nyí Jwifu ǎ, bó ka nɔ́ sɛn Mawu lɛ́ɛ kpán wɛ. Ayǐhɔ́ngbe ayǐhɔ́ngbe ɔ́, é nɔ́ yi tokplétɛn, bó nɔ́ yi dɔn nǔ xá mɛ e é nɔ mɔ ɖo fínɛ́ lɛ́ɛ.

Mɛsɛ́dó 17:34

É ɖo mɔ̌ có, mɛɖé lɛ́ɛ xwedó e, bó ɖi nǔ: mɛ e è nɔ ylɔ́ ɖɔ Denisi ɖo mɛ e nɔ kplé ɖo Aleopaji lɛ́ɛ mɛ é, kpó nyɔ̌nu e è nɔ ylɔ́ ɖɔ Damalísi ɔ́ kpó, kpódó mɛ ɖěvo lɛ́ɛ kpán ɖo yě mɛ.

Mɛsɛ́dó 18:4

Gbɔjɛzán gbe Jwifu lɛ́ɛ tɔn tɛgbɛ ɔ́, Pɔ́lu nɔ yi ɖɔ xó ɖo kplɔ́ngbasá, bó nɔ́ tɛ́nkpɔ́n bɔ Jwifu lɛ́ɛ kpódó Glɛ̌sinu lɛ́ɛ kpán nɔ mɔ nǔgbó nú xó tɔn.

Mɛsɛ́dó 19:10

Nǔ nyí mɔ̌ xɔ xwe we, káká bɔ mɛ e ɖo Azíi gbé jí lɛ́ɛ bǐ: Jwifu lɛ́ɛ kpódó mɛ e ma nyí Jwifu ǎ lɛ́ɛ kpán se Aklúnɔxó ɔ́.

Mɛsɛ́dó 2:44

Yě mɛ e ɖi nǔ lɛ́ɛ bǐ sésé nɔ́ nɔ kpɔ́, bó nɔ́ kplé nǔ yětɔn lɛ́ɛ bǐ ɖó kpɔ́.

Mɛsɛ́dó 21:28

Yě nɔ́ sú xó ɖɔ: “Izlayɛ́li ví lɛ́ɛ mi, mi wá lóóo! Nya e nɔ ɖɔ xó dó Izlayɛ́li togun ɔ́ wú, bó nɔ́ ɖɔ xó dó Mɔyízi sɛ́n ɔ́, kpódó sinsɛnxɔ élɔ́ kpó wú nú mɛ lɛ́ɛ bǐ gbɔn fí bǐ ɔ́ ɖíe! É tlɛ lɛ́ vɔ́ dɔn mɛ e ma nyí Jwifu ǎ lɛ́ɛ byɔ́ sinsɛnxɔ mɛ, bó ɖu su nú tɛn mímɛ́ élɔ́.”

Mɛsɛ́dó 28:24

Mɛ ɖé lɛ́ɛ ɖo yě mɛ, bó mɔ nǔgbó nú xó e ɖɔ wɛ Pɔ́lu ɖe ɔ́, lobo ɖi nǔ ná; mɛɖé lɛ́ɛ ka ɖi nǔ ǎ.

Mɛsɛ́dó 4:23

Ée è jǒ Piyɛ́ɛ kpódó Jǎan kpán gúdo ɔ́, yě lɛ́ kɔ yi gbɛ̌ yětɔn lɛ́ɛ gɔ́n, bɔ nǔ e vɔ̌sánú-xwlémawutɔ́gán lɛ́ɛ kpódó tomɛxó lɛ́ɛ kpán ɖɔ ɔ́, yě wlí bǐ ɖɔ nú yě.

2 Kɔlɛ́ntinu 8:5

Yě bló hú gǎn lě e mǐdɛɛ lɛ́ɛ lin gbɔn é; yě tó sɔ́ yěɖée jó nú Aklúnɔ hwɛ̌, bɔ énɛ́ ɔ́ gúdo ɔ́, gbɔn jlǒ Mawu tɔn gbla mɛ ɔ́, yě sɔ́ yěɖée jó nú mǐ lɔmɔ̌.