Mɛsɛ́dó 17:2 - MAWUXÓWÉMA

² Pɔ́lu yi kplɔ́ngbasá ɔ́ lě e é ko nɔ bló gbɔn é. Gbɔjɛzán gbe atɔn ɖě jɛ ɖě gúdo ɔ́, é dɔn nǔ xá mɛ e ɖo kplɔ́ngbasá ɔ́ lɛ́ɛ dó nǔ e è wlǎn dó Mawuxówéma ɔ́ mɛ lɛ́ɛ wú.

Mɛsɛ́dó 17:2 Iomraidhean Croise

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Matíe 26:24

Nyɛ Gbɛtɔ́ví ɔ́ ɖó ná kú, lě e è ko wlán gbɔn ɖó wǔtu ce é; amɔ̌, heelú mɛ e ka ná sa mì é; mɛ énɛ́ gbɔ bó gɔn gbɛ wá ɔ́, é nyɔ́ n'i hú.”

Luki 4:16

Jezu ka wá Nazalɛ́ti fí e é su ɖe é. É yi kplɔ́ngbasá gbɔjɛzán Jwifu lɛ́ɛ tɔn gbe, lě e é ko nɔ bló gbɔn é. É sí te bó ja Mawuxó xa gbé,

Jǎan 18:20

Bɔ Jezu ka yí gbe n'i ɖɔ: “Agbawungba wɛ un ɖɔ xó nú mɛ lɛ́ɛ bǐ ɖe. Tɛgbɛ wɛ un ka nɔ ɖo nǔ kplɔ́n mɛ lɛ́ɛ wɛ ɖo kplɔ́ngbasá lɛ́ɛ, kpódó sinsɛnxɔ mɛ kpó, fí e Jwifu lɛ́ɛ bǐ nɔ kplé ɖe é. Un ɖɔ nǔ ɖěbǔ ɖo nǔglɔ́ ǎ.

Mɛsɛ́dó 13:14

Yědɛɛ lɛ́ɛ ka zɛ Pɛɛjée wú, bó yi Antyɔ́ci ɖo Pisidíi gbé jí; yě byɔ́ kplɔ́ngbasá gbɔjɛzán gbe, bó jínjɔ́n ayǐ.

Mɛsɛ́dó 13:5

Đěe yě jɛ to e è nɔ ylɔ́ ɖɔ Salamínu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó jɛ Mawuxó jlá jí, bɔ Jǎan-Maki ɖo yě gɔ́n, bó ná dó alɔ yě.

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 17:10

Ée nǔ énɛ́ lɛ́ɛ jɛ tlóló ɔ́, nɔví ɖo Klísu mɛ lɛ́ɛ nyi Pɔ́lu kpódó Silási kpán sɛ́ dó Belée gbe nɛ́ gbe zǎn mɛ. Ée yě jɛ dɔ̌n ɔ́, yě yi kplɔ́ngbasá Jwifu lɛ́ɛ tɔn.

Mɛsɛ́dó 17:17

É nɔ yi kplɔ́ngbasá, bó nɔ́ ɖo nǔ dɔn xá Jwifu lɛ́ɛ kpódó mɛ e ma nyí Jwifu ǎ, bó ka nɔ́ sɛn Mawu lɛ́ɛ kpán wɛ. Ayǐhɔ́ngbe ayǐhɔ́ngbe ɔ́, é nɔ́ yi tokplétɛn, bó nɔ́ yi dɔn nǔ xá mɛ e é nɔ mɔ ɖo fínɛ́ lɛ́ɛ.

Mɛsɛ́dó 18:4

Gbɔjɛzán gbe Jwifu lɛ́ɛ tɔn tɛgbɛ ɔ́, Pɔ́lu nɔ yi ɖɔ xó ɖo kplɔ́ngbasá, bó nɔ́ tɛ́nkpɔ́n bɔ Jwifu lɛ́ɛ kpódó Glɛ̌sinu lɛ́ɛ kpán nɔ mɔ nǔgbó nú xó tɔn.

Mɛsɛ́dó 19:8

Pɔ́lu nɔ yi kplɔ́ngbasá, bó nɔ ɖo xó ɖɔ wɛ kpódó jiɖiɖe kpó káká nú sun atɔn; é nɔ ɖɔ nǔ e kan axɔ́súɖuɖu Mawu tɔn ɔ́ sín xó, bó nɔ́ tɛ́nkpɔ́n nú mɛ lɛ́ɛ ná mɔ nǔgbó nú xó e ɖɔ wɛ é ɖe é.

Mɛsɛ́dó 24:25

Lo ɔ́, ée Pɔ́lu ɖo xó ɖɔ dó lě e è nǎ zán gbɛ ɖagbe gbɔn é wú wɛ, bó ɖo xó ɖɔ dó lě e è nǎ ɖu ɖo mɛ ɖésúnɔ jí gbɔn é wú wɛ, bó lɛ́ ɖo xó ɖɔ dó lě e Mawu na wá ɖɔ hwɛ xá gbɛtɔ́ lɛ́ɛ gbɔn ɔ́ wú wɛ ɔ́, xɛsi jɛ Felísi jí, bɔ é ɖɔ nú Pɔ́lu ɖɔ: “To yi hwɛ̌; un ko wá mɔ vivo ɔ́, un ná lɛ́ ylɔ́ we.”

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Mɛsɛ́dó 8:35

Bɔ Filípu yí xó, bó bɛ́ sín nǔ e xa wɛ nya énɛ́ ɖe ɖo Mawuxówéma ɔ́ mɛ ɔ́ jí, bó ɖɔ Wɛn Ɖagbe Jezu tɔn ɔ́ sín xó n'i.

Mɛsɛ́dó 9:20

É ka jɛ kplɔ́ngbasá lɛ́ɛ gbɔn jí azɔn ɖokpó, bó nɔ́ ɖo Jezu xó ɖɔ nú mɛ lɛ́ɛ wɛ, ɖɔ Mawu ví wɛ é nyí.

1 Kɔlɛ́ntinu 15:3

Nǔ e è kplɔ́n mì ɔ́ wɛ un kplɔ́n mi, nǔkplɔ́nmɛ e ɖo tají hú ɖě lɛ́ɛ é; é wɛ nyí ɖɔ: Klísu kú ɖó hwɛ mǐtɔn lɛ́ɛ tamɛ lě e Mawuxówéma ɔ́ ko ɖɔ gbɔn é.

1 Samuwɛ́li 12:7

Din ɔ́, mi wá hwɛgun ɖo Mawu Mavɔmavɔ nukɔn. Đagbe e Mawu Mavɔmavɔ wa nú mi kpó tɔ́gbó mitɔn lɛ́ɛ kpó ɔ́, un ná to flín mi hwɛ̌.