Mɛsɛ́dó 16:9 - MAWUXÓWÉMA

⁹ Zǎn mɛ ɔ́, Mawu ɖe nǔɖé xlɛ́ Pɔ́lu: é mɔ Masedwaninu ɖokpó ɖo te, bó ɖo vo sa n'i wɛ ɖɔ: “Kɛnklɛ́n wǎ Masedwani, bó wá dó alɔ mǐ.”

Mɛsɛ́dó 16:9 Iomraidhean Croise

Mɛsɛ́dó 10:3

Gbe ɖokpó wá su, ɖo hwelɛ́kɔ xwe gan atɔn mɛ mɔ̌, bɔ é mɔ nǔ, bó mɔ wɛnsagun Mawu tɔn ɖokpó céɖécéɖé, bɔ wɛnsagun ɔ́ byɔ́ xwé tɔn gbe, bó ɖɔ n'i ɖɔ: “Kɔnɛ́yi.”

Mɛsɛ́dó 10:30

Kɔnɛ́yi ka yí xó, bó ɖɔ: “Azǎn ɛnɛ ɖíe wɛ un ɖo xwé ce gbe, ɖo gan atɔn mɛ hwelɛ́kɔ lěhwenu, bó ɖo ɖɛ xo wɛ; tlóló kpowun ɔ́, nya ɖé jɛ́n wá tɔ́n ɖo nukɔn ce, bó dó awu ɖé, bɔ awu ɔ́ nɔ́ kɔ́n.

Mɛsɛ́dó 16:10

Ée Pɔ́lu mɔ nǔ énɛ́ ɔ́ gúdo ɔ́, mǐ sɔ́ nǔ, azɔn ɖokpó, bó ná yi Masedwani, ɖó mǐ mɔ gaan ɖɔ Mawu wɛ ylɔ́ mǐ, nú mǐ ná yi jlá Wɛn Ɖagbe ɔ́ to énɛ́ ɔ́ mɛ nu lɛ́ɛ.

Mɛsɛ́dó 16:12

Mǐ gosín fínɛ́, bó yi toxo ɖaxó e è nɔ ylɔ́ ɖɔ Filípu ɔ́ mɛ; toxo énɛ́ ɖo tokpɔnla nukɔntɔn Masedwani tɔn mɛ, ɖo Hlɔ̌manu lɛ́ɛ sín acɛ mɛ. Mǐ nɔ to énɛ́ mɛ xɔ azǎn nabí ɖé.

Mɛsɛ́dó 18:5

Ée Silási kpódó Timɔtée kpó gosín Masedwani wá ɔ́, Pɔ́lu jó éɖée nú Mawuxó ɖiɖɔ kɛ́ɖɛ́, bó nɔ́ ɖe kúnnu nú Jezu ɖo Jwifu lɛ́ɛ nukɔn ɖɔ Jezu wɛ nyí Klísu;

Mɛsɛ́dó 19:21

Ée nǔ énɛ́ lɛ́ɛ jɛ gúdo ɔ́, Pɔ́lu ɖɔ émí ná gbɔn Masedwani kpódó Akáyi kpán gbé jí, bó ná yi Jeluzalɛ́mu. É ka lɛ́ ɖɔ: “Un yi dɔ̌n ɔ́, un ɖó ná wá yi Hlɔ̌ma lɔmɔ̌.”

Mɛsɛ́dó 19:22

Énɛ́ ɔ́, é sɛ́ mɛ e nɔ dó alɔ ɛ lɛ́ɛ we dó Masedwani; yě mɛ we énɛ́ lɛ́ɛ wɛ nyí: Timɔtée kpódó Elasíti kpán; é ɖésúnɔ ka cí Azíi fínɛ́ kpɛɖé.

Mɛsɛ́dó 19:29

Bɔ to ɔ́ bǐ xozǐn, bó nyi ahwan ɖidó tokplégbasá; yě wlí Gayiwúsi kpódó Alisitáki kpán, bó dɔn yě hɛn yi fínɛ́. Yě mɛ énɛ́ lɛ́ɛ ɔ́, Masedwaninu wɛ yě nyí, bɔ yě kpó Pɔ́lu kpó zɔn.

Mɛsɛ́dó 20:1

Ée zǐngídi ɔ́ wá xwɛ ɔ́, Pɔ́lu ylɔ́ yě mɛ e ɖi nǔ nú Jezu lɛ́ɛ kplé, bó dó wǔsyɛ́n lanmɛ nú yě, bó ɖɔ nú yě ɖɔ émí ná yi bó wá, lobo ɖidó Masedwani.

Mɛsɛ́dó 20:3

É xɔ sun atɔn ɖo fínɛ́; é ka wá ɖo nǔ sɔ́ wɛ bó ná dó tɔjíhún yi Silíi gbé jí, bó se ɖɔ Jwifu lɛ́ɛ blá gbě émítɔn; énɛ́ ɔ́ wú ɔ́, é ɖɔ émí ná lɛ́ kɔ gbɔn Masedwani.

Mɛsɛ́dó 27:2

Mǐ dǒ Adlamitiwɔmu sín tɔjíhún ɖé, bɔ é ko ɖo nǎ sún wɛ, lobo ná gbɔn tɔjíhúnglíntɛn Azíi tɔn dín. Alisitáki e gosín Tɛsaloniki ɖo Masedwani kanmɛ ɔ́ dó tɔjíhún ɔ́ xá mǐ.

Mɛsɛ́dó 9:38

Ée ahwanvú Jezu tɔn e ɖo Jopée lɛ́ɛ se ɖɔ Piyɛ́ɛ ɖo Lida, bɔ Lida ma ka lín dó Jopée ǎ ɔ́, yě ɖe mɛ we sɛ́ dó e nú yě ní yi ɖɔ n'i ɖɔ ní kɛnklɛ́n bó wá kpɔ́n nǔ élɔ́ nú émí din tlóló.

Hlɔ̌manu 15:26

Nǔgbó ɔ́, klísusɛntɔ́ e ɖo Masedwani kpó Akáyi kpó lɛ́ɛ ɖɔ émí ná jɔ akwɛ́ nú wamamɔnɔ e ɖo mɛɖeɖóvo Mawu tɔn mɛ, ɖo Jeluzalɛ́mu lɛ́ɛ.

2 Kɔlɛ́ntinu 11:9

Hwenu e un ɖo mi gɔ́n ɔ́, nǔɖé hú dó mì ɔ́, agban tɔn nɔ kpɛn mɛ ɖěbǔ ǎ, ɖó nɔví e gosín Masedwani lɛ́ɛ hɛn nǔ e ɖo tají nú mì lɛ́ɛ bǐ wá nú mì. Un hɛn nyɛɖée bó ma nyí agban ɖo kɔ jí nú mi ɖo nǔ ɖěbǔ mɛ ó; un ka ná lɛ́ kpo ɖo nyɛɖée hɛn wɛ mɔ̌.

2 Kɔlɛ́ntinu 12:7

É ka ɖo mɔ̌ có, bónú goyíyí ma gɔ́ gbɛzán ce mɛ, ɖó nǔ ɖaxó ɖaxó énɛ́ lɛ́ɛ e Mawu nɔ ɖe xlɛ́ mì lɛ́ɛ wútu ó ɔ́, è sɛ́ azɔn baɖabaɖa ɖé dó mì, bɔ é cí wɛnsagun Satáan tɔn ɖé ɖɔhun, bó xo mì, bó glɔ́n ali nú mì, bónú goyíyí ma gɔ́ gbɛzán ce mɛ ó.

2 Kɔlɛ́ntinu 7:5

Đésú ɔ́, hwenu e mǐ wá Masedwani ɔ́, mǐ mɔ gbɔjɛ́ ɖěbǔ ǎ; mǐ mɔ wǔvɛ́ gbɔn fí bǐ: mǐ nɔ ɖo zali xá mɛɖěvo lɛ́ɛ wɛ, bó nɔ́ ɖo xɛsi ɖi wɛ ɖo ayi mɛ.

2 Kɔlɛ́ntinu 8:1

Nɔví lɛ́ɛ mi, mǐ jló ɖɔ mi ní tunwun lě e fɛ́nú Mawu tɔn wa nǔ gbɔn ɖo agun e ɖo Masedwani lɛ́ɛ mɛ é.

2 Kɔlɛ́ntinu 9:2

Nǔgbó ɔ́, un tunwun jlǒ ɖagbe e mi ɖó ɔ́, bó nɔ́ zé mi dó jlá ajɔ̌ ná ɖo Masedwaninu lɛ́ɛ gɔ́n, bó nɔ́ ɖɔ: “Nɔví e ɖo Akáyi lɛ́ɛ ko ɖo gbesisɔ mɛ, bó ná ná nǔ mɛ sín xwe ɖě ɔ́ mɛ ɖokpóó.” Bǐbí ɖó dó azɔ̌ wú mitɔn zɔ́n, bɔ akpakpa sɔ́ mɛ gěgé ɖo yě mɛ.

Sɛ́nflínmɛ 30:13

É ká ɖo xu gúdo bɔ è nǎ ɖɔ: “Mɛ̌ ká ná d'asá xu, bó yí se, bó wá ɖɔ nú mǐ bónú mǐ nǎ se bó bló ɖ'é jí ǎ?”

1 Tɛsalonikinu 4:10

Wǎn yíyí énɛ́ wɛ mi ɖó nú nɔví lɛ́ɛ gbɔn Masedwani to ɔ́ bǐ mɛ. Amɔ̌, nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ wǎn yíyí énɛ́ ní nɔ lɛ́ jɛjí ayǐhɔ́ngbe ayǐhɔ́ngbe.