Mɛsɛ́dó 16:5 - MAWUXÓWÉMA

⁵ Bɔ agun nǔɖitɔ́ lɛ́ɛ tɔn lɛ́ɛ nɔ ɖo dǒ lí wɛ ɖo nǔɖiɖi mɛ, bó nɔ́ ɖo jijɛ jí wɛ ayǐhɔ́ngbe ayǐhɔ́ngbe.

Mɛsɛ́dó 16:5 Iomraidhean Croise

2 Tan 20:20

Ayǐhɔ́ngbe tɔn zǎnzǎn tɛɛn ɔ́, yě bǐ jɛ ali ɖidó Tekowa sín gbětótló ɔ́ mɛ. Hwenu e yě jló ná jɛ ali ɔ́, Jozafáti wá ɖɔ nú yě ɖɔ: “Judáanu e mi, Jeluzalɛ́munu e mi, mi ɖótó mì. Mi ɖeji dó Mawu Mavɔmavɔ, Mawu mitɔn wú; énɛ́ ɔ́, é ná dó wǔsyɛ́n lanmɛ nú mi. Mi ɖeji dó gbeyíɖɔ tɔn lɛ́ɛ wú; énɛ́ ɔ́, mi ná ɖuɖéjí.”

Mɛsɛ́dó 11:21

Aklúnɔ sín hlɔ̌nhlɔ́n ɖo kpɔ́ xá yě, bɔ mɛ gěgé ɖi nǔ, bó húzú jɛ Aklúnɔ li jí.

Mɛsɛ́dó 12:24

Mawuxó ɔ́ ká ɖo gbigba kpé d'é jí wɛ.

Mɛsɛ́dó 15:41

É gbɔn Silíi gbé jí, bó gbɔn Silisíi gbé jí, bó dó wǔsyɛ́n lanmɛ nú agun Klísu tɔn lɛ́ɛ.

Mɛsɛ́dó 2:47

Yě nɔ́ kpa susu nú Mawu, bɔ mɛ bǐ yí wǎn nú yě. Ayǐhɔ́ngbe ayǐhɔ́ngbe ɔ́, Aklúnɔ ka nɔ́ dɔn mɛ e é hwlɛ́n gán lɛ́ɛ wá gɔ́ nú yě.

Mɛsɛ́dó 4:4

Nǔ ka ɖo mɔ̌ có, mɛ e se xó e mɛsɛ́dó lɛ́ɛ ɖɔ ɔ́ gěgé ɖi nǔ. Mɛ e ɖi nǔ lɛ́ɛ ná yi děgba ɖě afatɔ́n (5.000) mɔ̌.

Mɛsɛ́dó 5:14

Mɛ e ɖo nǔ ɖi nú Aklúnɔ wɛ lɛ́ɛ ɖo kpɔ́ su d'é jí wɛ, ɖo súnnu mɛ, ɖo nyɔ̌nu mɛ.

Mɛsɛ́dó 6:7

Mawuxó ɔ́ ka jɛ gbigba kpé jí, bɔ ahwanvú lɛ́ɛ ɖo kpɔ́ sú d'é jí wɛ ɖo Jeluzalɛ́mu, bɔ vɔ̌sánú-xwlémawutɔ́ wɔ̌buwɔ́bú ɖé lɛ́ɛ jɛ nǔ ɖi nú Jezu jí ɖo Jwifu lɛ́ɛ mɛ.

Mɛsɛ́dó 9:31

Yě mɛ e ɖi nǔ nú Jezu lɛ́ɛ sín agun e ɖo Judée ɔ́ kpó ée ɖo Galilée ɔ́ kpó, kpódó ée ɖo Samalíi ɔ́ kpán bǐ sín ayi wɛ jɛ ayǐ, bɔ yě ɖo dǒ lí wɛ, bó nɔ́ ɖo sísí ɖó nú Aklúnɔ wɛ ɖo nǔwiwa yětɔn lɛ́ɛ mɛ; Yɛsinsɛn gɔ́ alɔ nú yě, bɔ yě ɖo kpɔ́ sú d'é jí wɛ.

Hlɔ̌manu 16:25

Mi nú mǐ ná kpa Mawu! É ɖó acɛ bó ná bló bɔ mǐ ná ɖó hlɔ̌nhlɔ́n ɖo nǔɖiɖi mɛ, lě e Wɛn Ɖagbe e jlá wɛ un ɖe ɔ́ ɖɔ gbɔn é, ɖi lě e wɛn e kunkplá Jezu Klísu bɔ un ɖo dǐdó wɛ ɔ́, kpo nǔtunwuntunwun e mǐ mɔ yí ɖo nǔbúdo Mawu tɔn mɛ ɔ́ kpán ɖɔ gbɔn é. Nǔbúdo énɛ́ ko ɖo hwlǎhwlá sín xóxó hwenu ɖokpóó.

1 Kɔlɛ́ntinu 15:58

Énɛ́ ɔ́, nɔví ce vívɛ́ná lɛ́ɛ mi, mi syɛ́nlǐn, bó lí dǒ, lobo nɔ ɖo bǐbí dó Aklúnɔ sín azɔ̌ ɔ́ wú d'é jí wɛ ayǐhɔ́ngbe ayǐhɔ́ngbe; ɖó mi tunwun ɖɔ azɔ̌ e wa wɛ mi ɖe ɖo bǔ e mi ɖe xá Aklúnɔ mɛ ɔ́ kún ná gú mi ó.

Galatinu 5:1

Klísu ɖe mǐ sín sɛ́n ɔ́ kannu, bónú mǐ ná jɛ mǐ ɖésúnɔ sí. Mi bo syɛ́nlǐn, bó má lɛ́ wá húzú kannumɔ ó.

Kolósinu 2:6

Énɛ́ ɔ́, ée mi yí Klísu Jezu dó yí Aklúnɔ mitɔn ná ɔ́, mi bo nɔ bǔ xá ɛ ɖo gbɛzán mitɔn mɛ.

1 Tɛsalonikinu 3:13

Énɛ́ ɔ́, é ná dó wǔsyɛ́n lanmɛ nú mi, bɔ mi ná nyí mɛ mímɛ́, bó ná nyí mɛ ma ɖó blɔ̌ ɖo wǔ ɖo Mawu Tɔ́ mǐtɔn nukɔn, hwenu e Aklúnɔ mǐtɔn Jezu ná wá kpó mɛ e nyí étɔn lɛ́ɛ bǐ kpó é.

1 Tɛsalonikinu 3:2

bó sɛ́ nɔví mǐtɔn Timɔtée e kpó mǐ kpó ɖo Wɛn Ɖagbe e ɖɔ xó dó Klísu wú ɔ́ jlá wɛ, bó dó ɖo azɔ̌ wa nú Mawu wɛ ɔ́ dó mi. Mǐ sɛ́ ɛ dó mi, bónú é ná wá ɖɔ xó dó ná lǐnsyɛ́nsyɛ́n kpó akɔ́nkpinkpan kpó mi, ɖo nǔɖiɖi mitɔn mɛ;

2 Tɛsalonikinu 2:16

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

Eblée 13:9

Mi ma jó miɖée dó bónú kplɔ́n baɖabaɖa tɛnmɛ tɛnmɛ lɛ́ɛ dɔn mi bú ó; é nyɔ́ nú fɛ́nú Mawu tɔn ní bló nú ayixa mǐtɔn ní lí dǒ. Ní ma nyí sɛ́n e è dǒ dó nǔɖuɖu tɛnmɛ tɛnmɛ lɛ́ɛ wú ɔ́ wɛ ná zɔ́n bɔ ayixa mǐtɔn ná lí dǒ ó; mɛ e nɔ nyi sɛ́n énɛ́ lɛ́ɛ nɔ mɔ le ɖé ɖ'é mɛ gbeɖé ǎ.

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.