Mɛsɛ́dó 16:1 - MAWUXÓWÉMA

¹ Pɔ́lu ka wá Dɛɛbe, bó gosín fínɛ́ wá Lisitli. Ahwanvú Jezu tɔn ɖé ka ɖo fínɛ́, bɔ è nɔ ylɔ́ ɛ ɖɔ Timɔtée; nyɔ̌nu Jwifu e ɖi nǔ nú Jezu é ɖě sín vǐ wɛ, bɔ tɔ́ tɔn ka nyí Glɛ̌sinu.

Mɛsɛ́dó 16:1 Iomraidhean Croise

Ɛsidlási 9:2

Yě ɖésúnɔ da nyɔ̌nu togun énɛ́ lɛ́ɛ mɛ tɔn lɛ́ɛ, bó da nú vǐ yětɔn súnnu lɛ́ɛ, bɔ togun mímɛ́ ɔ́ ján dó to énɛ́ ɔ́ mɛ nu lɛ́ɛ mɛ. Gǎn lɛ́ɛ kpódó hwɛɖɔtɔ́ lɛ́ɛ kpó wɛ nyí mɛ nukɔntɔn e dó nǔ baɖabaɖa énɛ́ ɔ́ sin é.”

Mɛsɛ́dó 14:1

Ée Pɔ́lu kpódó Baanabási kpó jɛ to e è nɔ ylɔ́ ɖɔ Ikoniyɔ́mu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó ɖɔ xó nú yě, káká bɔ Jwifu lɛ́ɛ gěgé kpódó Glɛ̌sinu gěgé kpán ɖi nǔ nú Jezu.

Mɛsɛ́dó 14:21

Baanabási kpódó Pɔ́lu kpó jlá Wɛn Ɖagbe ɔ́ ɖo Dɛɛbe, bɔ mɛ gěgé ɖi nǔ nú Jezu. Énɛ́ ɔ́ gúdo ɔ́, yě lɛ́ kɔ yi Lisitli, Ikoniyɔ́mu kpódó Antyɔ́ci Pisidíi tɔn kpán.

Mɛsɛ́dó 14:6

Ée Pɔ́lu kpódó Baanabási kpó se mɔ̌ ɔ́, yě hɔn yi Lisitli kpó Dɛɛbe kpó, ɖo Likawoníi gbé jí kpódó to e yá fínɛ́ lɛ́ɛ kpán mɛ,

Mɛsɛ́dó 17:14

bɔ nɔví ɖo Klísu mɛ lɛ́ɛ yá wǔ nyi Pɔ́lu sɛ́ dó xuwa jí; Silási kpódó Timɔtée kpó ká cí to ɔ́ mɛ fínɛ́.

Mɛsɛ́dó 18:5

Ée Silási kpódó Timɔtée kpó gosín Masedwani wá ɔ́, Pɔ́lu jó éɖée nú Mawuxó ɖiɖɔ kɛ́ɖɛ́, bó nɔ́ ɖe kúnnu nú Jezu ɖo Jwifu lɛ́ɛ nukɔn ɖɔ Jezu wɛ nyí Klísu;

Mɛsɛ́dó 19:22

Énɛ́ ɔ́, é sɛ́ mɛ e nɔ dó alɔ ɛ lɛ́ɛ we dó Masedwani; yě mɛ we énɛ́ lɛ́ɛ wɛ nyí: Timɔtée kpódó Elasíti kpán; é ɖésúnɔ ka cí Azíi fínɛ́ kpɛɖé.

Hlɔ̌manu 16:21

Azɔ̌gbɛ́ ce Timɔtée dó gbe sɛ́ dó mi; mɔ̌ ɖokpó ɔ́, hɛ̌nnumɔ ce Lusiwúsi kpó Jazɔ́ɔn kpó, kpódó Sosipatlɔ́si kpán dó gbe sɛ́ dó mi.

1 Kɔlɛ́ntinu 16:10

Ényí Timɔtée wá hǔn, mi bló gbɔn ɖě bónú xɛsi ní ma ɖi i ɖo tɛ́ntin mitɔn ó; ɖó é ɖo aklúnɔzɔ́ ɔ́ wa wɛ nyɛ ɖɔhun.

1 Kɔlɛ́ntinu 4:17

Énɛ́ ɔ́ wú ɔ́, un sɛ́ vǐ vívɛ́ ce Timɔtée dó mi; é ɖo gbejí nú Aklúnɔ. É ná flín lě e un nɔ zán gbɛ ce gbɔn ɖo Klísu mɛ ɔ́ mi; lě e un nɔ zán gbɛ gbɔn ɔ́ wɛ un nɔ kplɔ́n mɛ gbɔn fí bǐ, ɖo agun Klísu tɔn lɛ́ɛ bǐ mɛ.

1 Kɔlɛ́ntinu 7:14

Nǔgbó ɔ́, súnnu e ma ɖi nǔ nú Klísu ǎ ɔ́ nyí mɛɖeɖóvo Mawu tɔn, ɖó bǔ e é kpó asi tɔn kpó ɖe ɔ́ wútu. Mɔ̌ ɖokpó ɔ́, nyɔ̌nu ɖo asúxwé e ma ɖi nǔ nú Klísu ǎ ɔ́ nyí mɛɖeɖóvo Mawu tɔn, ɖó bǔ e é kpó asú tɔn kpó ɖe ɔ́ wútu. Ényí nǔ ma nyí mɔ̌ ǎ ɔ́, è nǎ nɔ́ mɔ vǐ yětɔn lɛ́ɛ dó mɔ mɛ blíblí, có mɛ mímɛ́ wɛ yě ká nyí.

2 Kɔlɛ́ntinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó agun Mawu tɔn e ɖo Kɔlɛ́nti é, kpódó mɛɖeɖóvo Mawu tɔn e ɖo tokpɔn Akáyi tɔn mɛ lɛ́ɛ bǐ kpán wɛ.

2 Kɔlɛ́ntinu 1:19

Đó Klísu Jezu, Mawu ví e xó nyɛ kpó Silási kpó, kpódó Timɔtée kpó, ɖɔ nú mi ɔ́ wá, bó ná nyí “ɛɛn”, bó ná lɛ́ nyí “éeǒ” ǎ. É nyɔ́ wa ɔ́, “ɛɛn” Mawu tɔn wɛ é nyí.

Filípunu 1:1

Mǐ mɛsɛntɔ́ Klísu Jezu tɔn Pɔ́lu kpódó Timɔtée kpán wɛ sɛ́ wěma élɔ́ dó mɛɖeɖóvo Mawu tɔn e ɖi nǔ nú Klísu Jezu bó ɖo Filípu lɛ́ɛ; mǐ sɛ́ dó yě kpó agunnukɔntɔ́ lɛ́ɛ kpó , kpódó yě mɛ e nɔ kpé nukún dó agunví lɛ́ɛ wú é kpán.

Filípunu 2:19

Đo Aklúnɔ Jezu sín nyǐkɔ mɛ ɔ́, un ɖo linlin wɛ ɖɔ zaanɖé din ɔ́, un ná sɛ́ Timɔtée dó mi, bónú é lɛ́ kɔ wá ɔ́, xó mitɔn e é ná wá ɖɔ nú mì lɛ́ɛ ná ná akɔ́nkpinkpan nyɛ ɖésú.

Kolósinu 1:1

Nyɛ Pɔ́lu e nyí mɛsɛ́dó Klísu Jezu tɔn, gbɔn jlǒ Mawu tɔn gbla mɛ ɔ́, kpódó nɔví mǐtɔn Timɔtée kpán wɛ sɛ́ wěma élɔ́ dó.

1 Tɛsalonikinu 1:1

Nyɛ Pɔ́lu kpó Silási kpó, kpódó Timɔtée kpán wɛ wlán wěma élɔ́ sɛ́ dó mi agunví e ɖo Tɛsaloniki bó ɖo bǔ ɖo Mawu Tɔ́ ɔ́ kpódó Aklúnɔ Jezu Klísu kpán mɛ é. Mawu ní ná fɛ́nú kpódó fífá kpó mi.

1 Tɛsalonikinu 3:2

bó sɛ́ nɔví mǐtɔn Timɔtée e kpó mǐ kpó ɖo Wɛn Ɖagbe e ɖɔ xó dó Klísu wú ɔ́ jlá wɛ, bó dó ɖo azɔ̌ wa nú Mawu wɛ ɔ́ dó mi. Mǐ sɛ́ ɛ dó mi, bónú é ná wá ɖɔ xó dó ná lǐnsyɛ́nsyɛ́n kpó akɔ́nkpinkpan kpó mi, ɖo nǔɖiɖi mitɔn mɛ;

1 Tɛsalonikinu 3:6

Amɔ̌ din ɔ́, Timɔtée ko lɛ́ kɔ sín mi gɔ́n wá, bó ɖɔ xó ɖagbe nú mǐ dó nǔɖiɖi mitɔn kpó wǎn yíyí e mi ɖó nú miɖée ɔ́ kpó wú. É ɖɔ nú mǐ ɖɔ mi ɖo flínflín mǐ wɛ tɛgbɛ kpó wǎn yíyí kpó, bɔ mi jló ná lɛ́ mɔ mǐ lě e mǐ lɔ jló ná lɛ́ vɔ́ mɔ mi é.

2 Tɛsalonikinu 1:1

Nyɛ Pɔ́lu kpó Silási kpó, kpódó Timɔtée kpán wɛ wlán wěma élɔ́ sɛ́ dó mi agunví e ɖo Tɛsaloniki, bó ɖo bǔ xá Mawu Tɔ́ mǐtɔn ɔ́ kpó Aklúnɔ Jezu Klísu kpó é.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 1:2

wɛ wlán wěma élɔ́ sɛ́ dó hwi vǐ ce jiji ɖo nǔɖiɖi mɛ Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpán ní ná fɛ́nú we, bó kú nǔbláwǔ nú we, lobo ná fífá we.

2 Timɔtée 1:2

wɛ ɖo wěma élɔ́ sɛ́ dó we wɛ, vǐ ce vívɛ́ná Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpó ní ná fɛ́nú we, bó kú nǔbláwǔ nú we, bó ná fífá we.

2 Timɔtée 1:5

Nǔɖiɖi titewungbe e a ɖǒ ɔ́ ɖo ayi ce mɛ, bɔ un ɖo flínflín wɛ. Nǔɖiɖi énɛ́ ɔ́ wɛ nɔ towe sín nɔ Lɔyisi kpódó nɔ towe Enisi kpó ko ɖó jɛ nukɔn nú we. Un ka ɖeji ɖɔ hwi lɔ ɖó nǔɖiɖi énɛ́.

2 Timɔtée 3:11

A tunwun ya e è dǒ nú mì lɛ́ɛ é, bó tunwun wǔvɛ́ e un mɔ lɛ́ɛ. A tunwun nǔ e gbo mì ɖo Antyɔ́ci kpódó Ikoniyɔ́mu kpó, kpódó Lisitli kpán é, bó tunwun wǔvɛ́ e un mɔ lɛ́ɛ. Aklúnɔ ka hwlɛ́n mì gán ɖo nǔ énɛ́ lɛ́ɛ bǐ mɛ.

Filemɔ́ɔ 1:1

Nyɛ Pɔ́lu e ɖo ganxó ɖó Klísu Jezu wútu ɔ́, kpódó nɔví mǐtɔn Timɔtée kpán wɛ ɖo wěma élɔ́ wlán sɛ́ dó we wɛ Filemɔ́ɔ, hwi mɛ e nyí wǎnyínámɔ mǐtɔn, bó lɛ́ nyí azɔ̌gbɛ́ mǐtɔn é.

Eblée 13:23

Un ka jló nú mi ní tunwun ɖɔ è ko jó nɔví mǐtɔn Timɔtée. Ényí é yá wǔ wá ɔ́, nú un ja mi gɔn ɔ́, un ná kplá ɛ wá.